1 YOHANIS 1:1 - Susula Malalaok Hehelu Palak Ma Hehelu Beuk

¹ Susulak ia isi na la'eneu, dede'a-kokolak mana fe maso'dak ndia hapun te, daebafak ia beita da'di fa. Ami mamanene matam, dede'a-kokolak ndia. Ta ka'da ami mita fan, te ami ho'u la'en so boe.

1 YOHANIS 1:1 ပူးပေါင်းရင်းမြစ်များ

YESAYA 41:4

See kande, tao basa sila-la? See kande, naketu tutuik-ka eno-ma'an? Au, Manetualain, Au nde makasososak-ka, ma ahele losa mate'en-na.

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

LUKAS 1:2

Ala sula kana nandaa no basa hata fo nanatuik neu ita neme hataholi fo lita matan manda'dik sila la neme makasososa na mai, de basa boema ala tui-bengan.

LUKAS 24:39

Au nde ia! Mete mita Au lima nga no Au ei nga nde ia! Mafaloe ma mete matalololen leona, nanahu ko'donao ka ta nanuu isik ma duik sama leo hata fo emi mitan nai Au a.”

YOHANIS 19:35

Hataholi fo nita matan manda'dik ndia, hataholi ndia nde manatui-benga dede'ak ndia, fo ela emi boeo mamahele. Ma sakasiin ndia la'en, ma ana bubuluk nae, dede'ak ndia la'en.

YOHANIS 20:27

Basa boema Yesus nafa'da Tomas nae, “Mete Au lima nga, fo tao o lima ku'uma neu bisu piik ia la leona. Boema lok o lima ma mai fo taon neu Au kaisu nga, fo o dalem-ma boso boe naba'e bai, tehu mamahele leona!”

YOHANIS 5:26

Sama na leo Ama ka nde maso'da ka huu na, boema Ana fe Ana na boeo, Ana da'di maso'da ka huu na.

YOHANIS 8:58

Tehu Yesus nafa'das nae, “Te'e-te'e Au afa'da emi te: beita bongi Abraham boe te, hapu Au so.”

HATAHOLI 1:3

Mate basan de naso'da falik boema, nai faik hahulu dale na, nasi'a natu'du aoina na no le'do-le'dok neu hataholi nadedenu nala nae, tete'e ka naso'da falik so. Hataholi nadedenu nala litan de Ana kokolak nos la'eneu Manetualain Ana paleta leo Mane ka.

HATAHOLI 4:20

Nana ami ta bisa hahae kokolak la'eneu hata fo ami mitan ma ami mamanene matam fa.”

IBRANI 2:3

Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.

1 YOHANIS 4:14

Ami mita matam Manetualain Ana na so. Hu ndia de ami tui-benga mae, Ama ka nadenun Ana mai fo Ana da'di daebafa ka Mane Mana Fe So'da na.

1 YOHANIS 5:7

Hapu sakasii telu:

NINITAK 1:11

Halak ndia nae, “Sulak-ma hata fo o mita ka fo haitua susulak ndia leo salani kahituk manai Efesus, Smirna, Pergamus, Tiatira, Sardis, Filadelfia, ma Laodikia.”

NINITAK 1:8

Manetualain nae, “Au nde Alfa ma Omega, fo makasososak ma fo mate'ek”. Au nde Manetualain fo manakoasa, fo nai ia, ma nai ia so, boema nai ia nakandondoo henin.

NINITAK 19:13

Ana pake ba'du manalu a, nanabolo basak nai daak dale so. Ma loken soona lae, “Manetualain Dede'a-Kokolan.”

NINITAK 2:8

“Neu ata nusa so'da salanik manai Smirna la, sulakman leoiak: Ia nde hala heheluk neme Ndia fo makasososak ma mate'ek – fo manamate basak ma naso'da falik.