1 TIMOTIUS 6:4 - Susula Malalaok Hehelu Palak Ma Hehelu Beuk

⁴ hataholi mana koaok ndia, boema ta nalelak hata esa boen! Mangalau na nde, ala hii ka'da latuik ma lale'a dede'a manda'di taa kala, fo ninini na nde, nape'da dale ka, nasi'da-naba'e ka, nakamumulu-nakamamae ka, dale ba'ihana ka,

1 TIMOTIUS 6:4 ပူးပေါင်းရင်းမြစ်များ

AMSAL 13:7

Hapu nggelok, ala tao nono'kabai ndia hataholi kamasu'ik, te se'kona, hata-heton ta; tehu hapu nggelok, ala tao nono'kabai ndia hataholi nuu-taa hata-taak, te se'kona, lamasu'i hatu-hatu.

AMSAL 25:14

Hala hehelu pepekok-ka, sama leo ko'as-sa, ma anin-na ta fe u'dan-na mai fa.

AMSAL 26:12

Hataholi fo, nggoan-na seli, malole lena neme hataholi fo, nafa'da nae ndia hataholi malelak.

YESAYA 58:4

Lelek emi okaaom-mala, emi masipo bafak, ma mahote, ma emi tao hata esa no laka-nakasetik. Emi maedaenga, emi okaaom leondiak-ka, ana hapu tao nakababale Au daleng-nga, fo Au amanene emi huhule-haladoim do?

HATAHOLI 15:2

Tehu Paulus no Barnabas la'ban mangalalau hataholi sila hahapun ndia. Mate'e na boema ala ho'i nakeketuk, fo Paulus no Barnabas lo hataholi de'ubee leme Antiokia leo Yerusalem leu, fo ala kokolak dede'ak ndia lo hataholi nadedenu kala, ma mauli-malangan manai naa la.

HATAHOLI 18:15

Tehu dede'ak ia ka'da dede'a nale'a-napilik la'eneu hala-kokolak la'eneu na'de kala, ma la'eneu emi hoholo-lalanem. Da'di emi palisak aom dede'ak ia. Te au ta nau palisak dede'a matak leoia ka fa!”

HATAHOLI 8:9

Nai kota ndia, hapu touk esa na'de Simon. Nai faik de'ubee dale na, ana tao na hataholi la langan beekale, hu ka nde malela suangi na. Nafa'da hataholi la nae, ndia hataholi malela ina.

ROMA 12:16

Maso'da nai mole-dame a dalek. Boso koao-ndaeao, te tao aoina ma sama no hataholi ta nananita-nalela kala. Boso mafa'da mae emi hataholi malela kala, te se'kona ta leondiak fa.

ROMA 13:13

Ita muse tao tatao-nono'i nanakoa-kiok sama leo mandoofai hataholi a tao-no'in nai fai lele'do na; boso tao feta-dote lena neme dae too mai, do mafuk ala-lalu. Boso sosoa-piao, do matu'du ha'da-tatao ha'da tak. Boso mahote, do mape'da dalek neu hataholi.

ROMA 14:1

Hataholi fo ta namahehele hata fo namahelen soona, emi muse sipo kana no malole. Boso male'a moon, la'eneu ndia hahapun ndia.

ROMA 2:8

Tehu hataholi fo ana paluu ka'da aoina na mesa kana, ma ana ta nau tunga Manetualain fa te ana tunga ka'da hata mangalau ka soona, Manetualain namanasa mangalalau hataholi sila la.

1 KORINTUS 11:16

Naa, metema hapu nggelok nau latuik la'eneu dede'ak ia soona, ta hapu eno fe'ek fo au hapu kokola kana fe'ek nae, nau ita, do Manetualain hataholi kamahehele fe'e nala boeo, basa-basas lanuu ka'da ha'da-tatao leondia ka nai salani ka dalek; fe'ek neme ndia mai soona, ta so.

1 KORINTUS 11:18

Makasososa na au amanene lae, nai emi natotongo ma dalek, hapu bubua-bubua kala laseikosalak. De tunga au dale dodoo nga, hala tutuik sila la, ba'u na tete'e ka.

1 KORINTUS 3:18

Boso hataholi esa boen ke'dindiu seluk aoina na. Metema hapu hataholi nai emi dalek, name'da aoina na manatee tenok tunga uuku-dodou daebafak ia soona, hataholi ndia muse ana da'di hataholi nggoak, fo ela te'e-te'e ana dadi hataholi manatee tenok.

1 KORINTUS 3:3

nana emi bei maso'da tunga emi ha'da-tatao daebafa ma. Nana metema emi bei mape'da dalek ma esa nahote no esa soona, ade ndia ta natu'du nae, emi bei maso'da tunga ha'da-tatao hataholi daebafa ka, sama leo hataholi fo ta nalelak Manetualai na fa do?

2 KORINTUS 11:20

Emi makahei-makaheik mesan, metema hataholi tao emi da'di ata, do ana eese-lulumu emi ma ana ho'i nanalak neme emi mai, do name'da aoina na dema lena emi, ma napalani fapa emi!

GALATIA 5:15

Tehu metema emi makisu-makaa aok soona, masanene'dak te, neukose emi makalulutuk no'u-no'u.

GALATIA 5:26

Ita ta bole da'di hataholi mana koao-ndaeaok, ma ta bole esa tao nakahehe'dik esa dale na, boema ta bole esa nape'da dalek no esa fa.

GALATIA 6:3

Metema hataholi esa naedaenga ndia hataholi nananita-nalelak, te see ko na ta, soona hataholi ndia nasapepeko seluk ao ina na.

FILIPI 1:15

Memak tete'e ka nai sila dalek, hapu hataholi nggelok ala nau tui benga Kristus, nana nape'da dale ka, ma nale'a napili ka, tehu hataholi nggelok soona, ala nau tui benga Kristus no dale balisi.

FILIPI 2:14

Boso tao-no'i basa sila la, no muum toli-toli do nale'a-napilik.

FILIPI 2:3

Boso tao-no'i hata esa, hu ka nde emi paluu ma mesa kana do soaneu mamatutua-mamadedema ao ma. Dede'a nasafali na, ela leo bee na emi esa-esak, no dale nakaloe aok nafa'da nae, hataholi fe'ek malole lena neme ndia ao ina na mai.

KOLOSE 2:18

Boso po'ilotak hataholi fo ta'ko nakaloloe ao na do namahele ata nusa so'da kala, tao nakatutu'dak emi. Te hataholi ndia, ana koao ninik dudu'a-aafi daebafa na boema namatutua-namadedema ao na ninik ninita nala,

2 TESALONIKA 2:4

Ma neukose ana laban Manetualain, ma ana manaku nae, ndia nanuu koasa, lenaheni basa dula dale mangalauk fo, hataholi daebafa ka sene-do'o kasa. Lena-lenak, neukose nangatuuk neu Lamatua ka Uman dale fo nafa'da nae, Manetualain nde ndia.

1 TIMOTIUS 1:4

Mafa'das fo daenga, ala hahae kokolak la'eneu dede'a me'i-afek, ma tutui momoli-dada'di manalu ina sila la. Nana basa sila la, lini ka'da nasi'da-naba'ek mesa kana, te ta lini nafofo'ak soaneu Manetualain dale tutu'un, fo hapu lalela kasa, tunga ka'da namahele neu Manetualain.

1 TIMOTIUS 1:7

Ala nau da'di mese agama, te se'kona ta lalelak matalolole do lamahele te'e-te'e neu dede'ak fo, lafa'dak ndia fa.

1 TIMOTIUS 3:6

Hataholi mauli-malanga salanik esa, ta bole hataholi fo, besa ka ana da'di hataholi salanik fa, nana neukose hataholi ndia, ana da'di hataholi mana koaok, fo nanasoo-supak, sama na leo makahulu na Nitu a boe.

2 TIMOTIUS 2:14

Ela leo bee na, o mafa'da hataholi la, fo lafandendelek basa dede'ak ia la. Manoli-mafa'das nai Manetualain matan, fo ela ala boso lale'a la'eneu dede'ak esa sosoa-ndandaan, te ndia sosoa-ndandaan ta, ma ana tao na, hataholi mana mamanene kala, lapangamak.

2 TIMOTIUS 2:23

Boso matuik moo hataholi nggoak fo ta lalelak hata esa boen. O bubuluk basa sila la, nini ka'da nale'a-napilik.

2 TIMOTIUS 3:4

Ala hii ka'da ke'dindiu hataholi, lamatutua-lamadedema ao nala, ma hahae keke'u kala.

TITUS 3:9

Madook o ao ina ma neme basa natuik sosoa-ndandaa ta kala mai, ma tutui momoli dada'di ka mai, nale'a-napili ka, boema masi ao, la'eneu agama hoholo-lalanen. Basa sila la, sosoa-ndandaan ta, ma ta nini nanalak faa anak boen.

YAKOBIS 1:19

Tolano-tolanoo ngala lemin! Taoafik matalolole dede'a ka nde ia: Hataholi a, muse namanene no lai-laik, tehu kokolak koe-koe, ma boso hae lai mamanasa.

2 PETRUS 2:12

Tehu mesen masapepekok sila la su'di selin! Sila sama leo bana fo bongi naan soona, ho'u nan fo do'don henin. Ala tao hata esa soona, ala ta dodoo fa, te ala tao tunga ka'da sila dale hihii nala, nalosa ala laban dede'ak fo ta lalela kana, ninik dede'a nakamumulu-nakamamaek. Hu ndia de, mopo-mates sama leo bana makaa-makisu ka, nana tatao-nono'i mangalaun sila la.

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.

YUDAS 1:10

Tehu no dede'a-kokola nakamumulu-nakamamae ka, de hataholi sila la fe salak neu hata fo ta lalela kana fa. Hataholi sila sama leo bana aafi ta ka, fo ala tao tunga ka'da dale hihii mesa nala, nalosa sila nde tao lakalulutuk seluk ao ina nala.

YUDAS 1:16

Hataholi sila la, ka'da bemumu tataas esa, ma ala fe salak neu hataholi fe'ek. Laso'da tunga ka'da sila hihii-nanau masala-masingo nala. Lamatutua-lamadedema ao ina nala, boema ala koa-kio hataholi, fo daenga ala hapu nanalak.

NINITAK 3:17

Emi mafa'da mae, ami kamasu'ik ma basa-basan manadaik. Da'di ami ta kulang hata-hata fa. Tehu emi ta bubuluk fa te, emi maleu-malaak manseli ma emi ha'da-tataom susa nanseli! Emi nuu ta-hata tak, makaholak, ma pokek.