1 TIMOTIUS 6:11 - Susula Malalaok Hehelu Palak Ma Hehelu Beuk

¹¹ Tehu Manetualain nuun o de, o muse madook ao ma neme basa dede'ak sila la mai. Sanga enok fo daenga o da'di hataholi ndoos nai Manetualain matan, boema fe o so'da ma neu Manetualain, ma mamahele Kristus, sue-lai o nonoo hataholi ma, matea-mahele nai doidoso ka dalek, ma heo hilum mangana'uk.

1 TIMOTIUS 6:11 ပူးပေါင်းရင်းမြစ်များ

1RAJA-RAJA 13:1

Nai lelek ndia, hapu nabi esa nai Yehuda. Manetualain nadenun fo neu leo Betel neu. Nabi ndia losa naa, nai lelek Yerobeam bei napadeik nai mei tunu-hotuk-ka matan soaneu fe tutunu-hohotuk.

1RAJA-RAJA 13:26

Lelek nabi lasik ndia namanene la'eneu dede'ak ndia boema nafa'da nae, “Tao leo bee o, mamates ndia nde nabi fo ta manatunga neu Manetualain paletan-na fa! Hu ndia de Manetualain haitua singa ndia mai kaan-nalan fo taonisan sama leo hata fo Manetualain nafa'da nakahuluk-kana so.”

1RAJA-RAJA 17:18

Boema inafalu ndia nafa'da Elia nae, “Manetualain Atan-na nei, taole'e de Ama tao leo iak soaneu au? Ade Ama mai fo tao ma Manetualain nafandele au sala-singong, nalosa au anang-nga muse maten do?”

1RAJA-RAJA 17:24

Inafalu ndia nataa nae, “Besak ia au bubuluk, Ama nde been-na Manetualain atan, ma Ama hala-kokolan memak tete'e ka neme Manetualain mai!”

1RAJA-RAJA 20:28

Boema nabi esa mai leo Mane Ahab-pa de nafa'da nae, “Manetualain nafa'da ka nde ia: ‘Hu kande hataholi Siria sila-la laedaenga Au koasan-nai ka'da letelepan-na te ta nai masadoke na fa, de neukose Au fe o sengi sila solda'du makadotoinan sila-la. O ma o laum-mala, neukose bubuluk mae Au nde Manetualain na.’ ”

2RAJA-RAJA 1:13

La'iesa seluk, manek-ka nadenu malanga solda'du manai lain esa, no solda'du anan 50. Malanga solda'du manai lain ndia, kae leo pupukuk lain neu, de ana losa Elia matan-na, boema ana senek, ma nae “Fe do'o do ampon neu ami, ou Manetualain atan-na! Sue-lai au, ma au solda'du anang ia-la. Boso taomisa ami!

2RAJA-RAJA 1:9

Boema, nadenu malanga solda'du manai lain esa, no solda'du anan 50, fo leu ho'u Elia. Malanga solda'du manai lain ndia neu boema, nita Elia bei nangatuuk nai pupukuk esa lain. Malanga solda'du manai lain ndia, nae, “Hai Manetualain atan-na nei, manek-ka paleta o, fo kona leona!.”

2RAJA-RAJA 23:17

Boema, natane nae, “See laten ia?” Hataholi Betel-la lataa lae, “Manetualain nabin esa, neme Yehuda mai, laten ndia, fo ana mai hai neme ia so, de nafa'da ela, basa dede'ak fo, besak-ka Ama Manek taon soaneu mei tunu-hotuk ia.”

2RAJA-RAJA 5:20

Gehazi, fo Elisa atan-na, doo-doo nae, “Ah, tao le'e de, po'ilotak-kana la'o, te ana ta bae fa? Tunga ndoon-na, au tuang-nga muse sipo hataholi Siria ndia buan-na! No Manetualain, fo maso'dak-ka na'den-na, au muse usi tungan, fo au hapu hata esa neme hataholi ndia mai!”

1 TAWARIKH 23:14

Musa fo Manetualain atan ndia, anatoun nala nanalekek leo, leo Lewi dalek neu.)

2TAWARIKH 8:14

Salomo ito-ato tatao-nono'i tunga-tunga faik soaneu basa imam-mala ma soaneu hataholi Lewi fo muse lakamee nakameek soaneu Manetualain-na ma ala tulu-fali basa imam-mala nai lakalala'ok feta makaluku-makatele-la dalek, nanadaa no aman Dauk nakaneneten-nala. Boeo basa manamanea Manetualain Uman-na, ana ba'en neu bubua-buak-kala soaneu lelesuina-la esa-esak nandaa no Manetualain atan Dauk natutu'dun-na.

NEHEMIA 12:24

No Hasabya, Serebya, Yesua, Binui ma Kadmiel nauli-nalangan de, hataholi Lewi-a nanaba'ek neu bubuak de'ubee. La'i esa soona, bubuak dua hapu bela-ba'uk koa-kio Manetualain ma langganggatik loke makasi neun, nandaa no Mane Dauk fo Manetualain atan ndia, nakaneneten-na.

NEHEMIA 12:36

Sila leo-ingu manala'ok nai sila dean-na nde: Semaya, Azareel, Milalai, Gilalai, Maai, Netaneel, Yehuda ma Hanani. Sila basa-basas leni sasanu lupak esa no Mane Dauk fo Manetualain atan ndia, nakaminak-ka. Imam Ezra, fo malelaina nai Manetualain hoholo-lalanen ndia, la'ok nai manala'ok lakadadalak ndia langan-na.

MAZMUR 34:14

Boso kokolak dede'a-kokolak mangalauk, ma boso nau ke'di-ndiuk-ka.

MAZMUR 38:20

Hataholi manamusu loo au-a, makadotok ma balakaik mesa-mesan, ala ta lahiik au so'dang-nga, eno-dalan fa.

AMSAL 15:9

Manetualain ta hii hataholi malelesik-ka so'dan-na eno-dalan fa, tehu Ana sue-lai hataholi manasanga enok, fo tao-no'i hihii-nanaun-na.

YESAYA 51:1

Manetualain nafa'da nae, “Mamanene leon, hai emi fo, manamahiik nanasoi-tefak, mai leo Au mai, fo moke tutulu-fafalik. Mafandele lete batu, fo emi nanapa'ak neme batu ndia mai, ma batu kakalik, fo emi nanakalik neme ndia mai.

YEREMIA 35:4

Au os lo Manetualain Uman fo Yigdalya anan Nabi Hanan-na ana manatungan-nala kaman-na. Kama ndia, nai Salum anan Imam Maaseya kaman-na lain fo dekak no manaho'u paleta fe'ek-kala kaman-na. Maaseya nde been-na manana'a ngga'di madema ina fo manea lelesu-lelesu manai Manetualain Uman-na.

ROMA 14:19

Hu ndia de, ita dale dudu'a na muse nai ka'da nai mole-dame a dalek tataas esa, ma esa nafofo'a esa namahehele na.

1 KORINTUS 10:14

Hu ndia tolano-tolanoo ngala lemin! Ela leo bee na, madook emi aoina ma neme sosongo-tatango ka mai.

1 KORINTUS 14:1

Ela leo bee na emi sanga enok fo sue-lai hataholi fe'ek. Ma sanga enok boe, soaneu sipo baba'e-babatik fo Manetualain Dula Dale na fe kala, fo paluu nanseli a nde, be'ibalakaik soaneu tui-benga Manetualain dale tutu'u na neu hataholi daebafa ka.

1 KORINTUS 6:18

Madook aoina ma neme tatao-nono'i sosoa-piao ka mai. Nana hataholi tao basa sala-singo fe'e kala ndia, ana da'di nai hataholi ao paa na deak. Tehu hataholi fo ana tao tatao-nono'i sosoa-piao ka soona, ndia sosoa na nae, ana tao sala-singok soaneu ao paa na mesa kana.

ULANGAN 16:20

Emi muse tao ndoos ma matetuk tataas esa, fo ela emi hapu leo mahele, ma maso'da no tetu-temak, nai emi Manetualaim-ma fe emi nusak-ka.

ULANGAN 33:1

Lelek Manetualain atan Musa, beita mate fan te, ana fe leoina Israel-la baba'e-papalak nae leo ia,

1 TIMOTIUS 1:14

Ma nakalenak bai, ita Lamatua na, Ana fe la'iesak susue-lalain neu au. Ana fe au be'i balakaik, fo au amahelen, ma au sue-lai au nonoo hataholi ngala. Ana fe, be'i balakaik ndia neu basa ita fo manda'di esa to Kristus Yesus a.

1 TIMOTIUS 4:12

Boso fe hataholi nakadadaek o, hu ka nde o bei muli soluk. Te ela leo been-na, o da'di natutu'duk esa ba'eneu hataholi kamahehele kala, nai o dede'a-kokolam ma o ha'da tataom dalek, nai o susue-lalaim neu o nonoo hataholi ma dalek, nai o namahehelem neu Kristus Yesu sa dalek, ma nai o so'da malalao-malalafu ma dalek.

1 TIMOTIUS 5:10

inafalu fo ana tao malole nai basa dede'ak lala'ena dale ka nde: naka boboi ana nala no malole, namahoko sipok hataholi sungu nai uman, nalalau-naoono hataholi kamahehele kala, tulu-fali hataholi mana to'a ta kala, ma ana tao tatao-nono'i malole lupa-lupa kala no te'e-te'ek.

1 TIMOTIUS 6:20

Timotius ei! Manea matalolole, hata fo ala fen neu o a. Madook ao ma neme dede'a-kokola sosoa-ndandaa ta kala mai, ma hahae male'a dede'ak fo lafa'da sala-sala lo sosoa-ndandaan fo nde “Malela ka”.

2 TIMOTIUS 2:21

Leondiak boe, hataholi fo ana hahae tao-no'i tatao-nono'i managalau ka, neukose hataholi ndia nanapaluuk nanseli. Nana so'da na malalaok, ma nandaa no ndia malanga na, dale na. Hataholi leondia ka, neukose nananamahelek soaneu ana tao basa tatao-nono'i malole lala'ena.

2 TIMOTIUS 2:22

Madook ao ina ma neme, hihii-nanau muli-solu kala mai. Sanga enok fo maso'da tunga Manetualain hihii-nanaun, lilineka mahele neu Manetualain nanoli nala, sue-lai nonoo hataholi ka, boema manuu dale mole-dame. Maso'da tao leondiak, sama-sama moo hataholi fo laloo loke tutulu-fafalik neme Lamatua ka mai, no dale matetu-mandaak.

2 TIMOTIUS 3:10

Tehu o soona, o tunga au nanoli-nafa'dang, au ha'da-tataong, au so'da nga tetee-tutu'dan so. O mita matam, tao leo beek de, au amahele te'e-te'e neu Yesus Kristus, ma au sue-lai nonoo hataholi ka so. O boeo bubuluk basa, au ta hae lai amanasa ma au nakatataka nga so.

2 TIMOTIUS 3:17

Hu ndia de, basa hata fo nanasulak nai Susula Malalao ka dalek ndia, masosoa-ndandaak ba'eneu hataholi mana malalau-maoono Manetualai na, ala hapu tao-no'i tatao-nono'i malole mata-mata kala.

IBRANI 12:14

Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.

1 PETRUS 3:11

Ana muse nadook ao na neme tatao-nono'i mangalau ka mai, ma tao-no'i ka'da tatao-nono'i malole; ela leo bee na, ana sanga enok te'e-te'e, fo ana hapu mole-dame a.

SEMUEL SUSULAK-KA ESAN-NA 2:27

Nai faik esa boema, nabi esa mai leo Eli mai, de nanduku-nalosak Manetualain hala hehelun-na neun nae, “Lelek o bei-ba'i kaim Harun, ma teidale-bobongin da'di mane Masir-ra atan-na, Au atu'du basa Au aoinang-nga neu Harun so.

SEMUEL SUSULAK-KA ESAN-NA 9:6

Malalau-maoono ndia nataa nae, “Mahani dei! Te Manetualain atan esa nai kota ia. Hataholi-la fe ha'da-holomata ba'un-na seli neun, nanahu nafa'da beek soona, tete'ek-ka ana da'di. Mai fo ata teu leo naa teu, fo fafa'kama ana hapu nafa'da ita, keledei sila-la lai bee.?”