1 TIMOTIUS 5:6 - Susula Malalaok Hehelu Palak Ma Hehelu Beuk

⁶ Tehu inafalu fo ana nau naso'da nai ka'da namahoko-setelee ka dale ka, meten soona, bei naso'da tehu mana mate basak so.

1 TIMOTIUS 5:6 ပူးပေါင်းရင်းမြစ်များ

KEJADIAN 2:17

ta'da fe'e ai fo, manafe malelak la'eneu beek-ka nde malole, ma beek-ka nde magalauk-ka. O ta bole mu'a boan-na fa; nana metema o mu'a boan-na soona, tao leo bee-o, neukose mate o, faik ndia boe.”

AMSAL 29:21

Ata fo nananakatutuak neme muli-solun-na mai, mate'en-na neukose ana da'di langa batuk.

YESAYA 22:13

Tehu nasafalin-na, emi mamahoko-setelee ma feta-dote. Emi do'do sapi ma bi'ilopo fo emi mi'a paa ma minu angol, boema emi maloo bou-bou mae, “Mai fo ata ta'a ma tinu, nana balahaa te ita mate so!”

YESAYA 47:1

Manetualain nafa'da nae, “Hai Babel, kona meme o kandela manem lain mai leona, fo mangatuuk muu afu dale. O ta la'ok malelengoao, ma ta mata makeek, sama leo makahulun-na fa.

YEREMIA 6:2

Kota Sion-na, nalole-nanapu nanseli, tehu neukose, Manetualain tao nakalulutuk-kana;

RATAPAN 4:5

Sila fo biasa la'a-linu nana'a mala'da-mala'da, ma laso'da nai hahapu-dadaik-ka dalek, besak ia, ala la'ek fo leu sanga nana'a-nininuk nai kadafu madodouk-kala, ma ala mate no la'as-sa nai enok-kala lain.

MATEOS 8:22

Tehu Yesus naen nae, “Tunga Au leona, neme na fo hataholi mana mate ka natoi-natono aon hataholi mana mate na.”

LUKAS 12:19

Basa soona, au afa'da seluk au aoina nga ae, au aua-anale! Basa hata malole lala'ena o manuun so, de teuk lamalala boeo, neukose ta basa fas. Besak ia, hahae ao ma leona! Mu'a-minu ma mamahoko-setelee leona!’

LUKAS 15:13

Basa faik de'ubee boema, ni'iana mulianak ndia nase'oheni ndia hata baba'e na de neu leo nusa dook neu. Nai naa, ana didilo-dodolo tali doi na ninik so'da lena-lena ka.

LUKAS 15:24

Nana makahulu na au ana nga maten so, tehu besak ia naso'da falik. Makahulu na mopon, tehu besak ia hapu fali kana so.’ Boema ala mulai feta-dote leona.

LUKAS 15:32

Tehu ita muse tao feta ma tamahoko-setelee, nana o fa'di ma makahulu na maten so, tehu besak ia naso'da falik. Makahulu na mopon, tehu besak ia hapu fali kana so.’ ”

LUKAS 16:19

“Hapu hataholi kamasu'ik esa. Bua-lo'a papakena kabelik mesa-mesan, ma nana'a-nininun malole-mala'da tunga faik.

LUKAS 7:25

Do bee ka? Hataholi esa papake-ngganggaon mana'ahiik do? Hataholi fo manapake-nggao leondia ka, ma naso'da no hahapu-dadai manadai lena ka, ana leo nai mane ka uman dei!

EFESUS 2:1

Makahulu na emi mate tunga samane ka, nana emi masala-masingo ma emi la'o lena Manetualain paleta nala.

EFESUS 2:5

nalosa leomae ita tututi-nanaton no Manetualain Dula Dale na, nono'ka bai de ketun, hu ka nde ita la'o lena nala. Ana tao naso'da falik ita sama-sama to Kristus. Da'di, ka'da no Manetualain dale malole na de, Ana soi-tefa nala emi.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

ULANGAN 28:54

Nakalenak, manefetoana fo, dale-ha'dan malole nanseli boe, neukose ketu namahehenan-na, nai lelek musu-a nakahapi-nalas ndia, nalosa na'a seluk anan-nala, nanahu ta hapu nana'a fe'ek so'on. Ana ta fe tolanon-na, do saoina susuen-na do anan fo bei maso'dak-kala, faa anak boen.

ULANGAN 28:56

Nakalenak, ina manefetoana fo, dale-ha'dan malole nanseli, ma namasu'i atu-atu, nalosa ana beita la'o eik nita fa, tehu neukose ana tao sama leo manefetoa-nala, tataon ndia boe. Nai lelek fo, musu-a nakahapi-na kota-a, neukose ketu inak sila-la namahehenan-nala, nanahu la'a-ndoes-sa, nalosa no nafufunik, na'a seluk ana nanabongi beun-na no funin-na. Ana ta fe saotou susuen-na, ma anan fo bei maso'dak-kala, faa anak boen.

KOLOSE 2:13

Makahulu na emi mate tunga samane ka, nanahu emi masala-masingo ma hu ka nde emi ta nanasunat tunga ao paa ka fa. Tehu besak ia, Manetualain tao naso'da falik emi sama-sama moo Kristus. Ana fe do'o do ampon neu ita sala-singo nala so,

2 TIMOTIUS 3:6

Hapu sila nggelok, ala masok lafufunik leo uma-uma la leu fo, ala fufu'di-oodok ina mana malek fo, sala-singo ba'u kala, ma hihii-nanau mata-mata kala, koasa lalas.

YAKOBIS 5:5

Emi ta to'a ta hata esa boen, ma emi maso'da nai namahoko-setelee ka dalek, nai daebafak ia. Emi hani maao emi ao paa ma, nono'ka bai de, emi mahani fai dodo'do na.

NINITAK 18:7

Fen doidosok ma dale he'dik dede'u na sama no matua-madema ma so'da manadailenak fo nanafek neu aoina na. Nana ana ka'da nafa'da tataas esa neu aoina na nae, ‘Au ia, ina manek fo mana paleta! Au ta inafalu fa; neukose au ta la'ola'di dale he'dik fa!’

NINITAK 3:1

“Neu ata nusa so'da salanik manai Sardis-sala, sulakman leoiak: Ia nde hala heheluk neme Ndia fo manaito-ato dula dale kahituk fo mana malalau-maoono Manetualain, ma manaho'u nduu kahituk sila la haitua hala heheluk nae: Au bubuluk emi so'da ma. Hataholi a bole nafa'da nae emi maso'da, tehu tunga ndo na emi manamate kala.

SEMUEL SUSULAK-KA ESAN-NA 15:32

Basa boema, Semuel fe paleta nae, “Moo, Manek Agag-ka leo ia mai.” Agag mai no namahehenak nanseli nanahu ana dodoo nae, “Soe mamates-sa seli so.”

SEMUEL SUSULAK-KA ESAN-NA 25:6

soaneu latongo loo Nabal, fo landuku-lalosak Dauk nate'an-na neun. Nadenus, fo leu lafa'da Nabal lae leo ia, “So'da-molek soaneu o, ma soaneu o teidalem-mala, boema soaneu o hata-hetom lala'en-na.