1 TIMOTIUS 5:10 - Susula Malalaok Hehelu Palak Ma Hehelu Beuk

¹⁰ inafalu fo ana tao malole nai basa dede'ak lala'ena dale ka nde: naka boboi ana nala no malole, namahoko sipok hataholi sungu nai uman, nalalau-naoono hataholi kamahehele kala, tulu-fali hataholi mana to'a ta kala, ma ana tao tatao-nono'i malole lupa-lupa kala no te'e-te'ek.

1 TIMOTIUS 5:10 ပူးပေါင်းရင်းမြစ်များ

KEJADIAN 18:4

Mahani fo au ho'i oe, fo safe Tuan-tuan-nala ein-na. Tuan-tuan-nala hahaeaom mai ai ia huun-na.

KEJADIAN 19:2

de nae, “Tuan-tuan, tuli au umang-nga dei. Tuan-tuan-nala bole safe eim-mala, fo sungu nai au umang. Metema, Tuan-tuan-nala nau soona, balahaa fafaik de'i fo, Tuan-tuan-nala la'ok makandoo leleo-lala'om.” Tehu lataa lae, “Makasi ba'uk-ka, nemen-na fo, ami sungu nai kota ia, moo maselon dale.”

KEJADIAN 24:32

Boema ata ndia tunga, de ana leo uma dale neu. Laban nakona heni onta-la bua-lo'a fufuan-nala, de ana fes ha'deaik, fo bana sila-la la'a. Basa ndia boema, neni fe Abraham atan-na, no basa manatungan-nana oe, fo ala safe ein-nala.

KEJADIAN 43:24

boema nos leo uma dale neu. Ana fes oe soaneu safe ein-nala, ma nana'ak soaneu keledein-nala boe.

MAZMUR 119:4

O fe ami, O hoholo-lalanem, ou Manetualain, fo ela ami makalala'ok-kana, no lilinekak.

YESAYA 1:17

fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

IMAMAT 25:35

Metema emi leoinam esa, ana leo nai emi tala'da, boema ana tu'da leo nuu-taa hata-taak-ka dalek neu, de ana tu'da-to'a nanseli, soona emi muse tulu-falin, sama leo hataholi nusa dea, do hataholi manamai, fo ela ana hapu naso'da nahele nai emi tala'da.

MATEOS 25:17

Leondiak boe, malalau-maoono mana sipo doi isi lilopilas lifu kadua ka, ana hapu bunak lifun dua seluk.

MATEOS 5:16

Leondiak boe emi muse da'di mangale'dok nai hataholi a matan, fo ela lita emi tatao-nono'i malole ma, fo no enok ndia, hataholi a hapu koa-kio emi Amam manai nusa so'da ka.”

LUKAS 7:38

Napadeik neu Yesus dea na deka no ei na ma ana kii, boema nakadoe Yesus ei na ninik luu oe na. Basa boema ana lose nama'da Yesus ei na ninik langa doo na, ma ana de'in, boema ana po'a mina kaboomini ka neu.

LUKAS 7:44

Boema Yesus mete leo inak ndia neu ma nafa'da Simon nae, “O mete mitak inak ia dei? Au mai leo o umam mai, te o ta sadia oe soaneu tao balisi Au ei nga fa. Tehu inak ia tao balisi basa Au ei nga ninik luu oe na, ma ana lose nama'dan ninik langa doo na.

HATAHOLI 10:22

Boema lae, “Kaptein Kornaliu sa nde nadenu ami mai leo ia mai a. Hataholi ndia dale na malole, ma ana fe ha'da-holomata neu Manetualain, boema basa hataholi Yahudi la fe ha'da-holomata neun. Manetualain ata nusa so'dan esa nadenun fo noke Tuan neu leo uman neu, fo ana da'di neu natataak esa soaneu huhule-haladoin, ma ata nusa so'dak ndia nadenun fo namanene hata fo Tuan sanga nafa'da neun.”

HATAHOLI 22:12

Touk esa na'de Ananias, ana leo nai ndia. Hataholi ndia hataholi malalao-malalafuk, ma ana tunga Musa hoholo-lalanen no matetuk. Basa hataholi Yahudi mana leo nai Damsyik-ka ala fe ha'da-holomata neun.

HATAHOLI 6:3

Da'di malole lenak, tolanoo kala hele ma emi hataholim hitu, tehu hataholi kahituk sila la na'de nala ta langgenggeo faa anak boen, ma Manetualain Dula Dale na, ana koasa na hataholi sila la, boema hataholi sila la, hataholi manatee teno kala, fo ami fes ala ito-ato tutulu-fafalik ia la;

HATAHOLI 9:36

Hapu inak esa nai Yope nade Tabita. Inak ia namahele Yesus. (Na'de na nai dede'a Yunani dale soona, Dorkas, fo sosoa na nae, nusa.) Ana tao ka'da tatao-nono'i malole tataas esa, ma ana tulu-fali hataholi nuu ta-hata ta kala.

HATAHOLI 9:39

Tutika Petrus fo'a de ana tungas leona. Ala losa boema lo Petrus leo kama manai lai na neu. Basa inafalu manai sila la lakamomotu la Petrus boema ala kii-makaleleu, ma latu'du Petrus, ba'du ma ba'du manalu fo Dorkas seu fe sila, ndek lelek fo Dorkas bei naso'da.

ROMA 12:13

Tulu-fali ma tao matetu hataholi Salani fe'ek paluu na, ma sipok emi tolanoom fo namahehelek esa leo emi umam no namahokok, leomae emi beita malela kana fa.

EFESUS 2:10

Manetualain nde nakadada'dik ita, ma tunga Kristus Yesus de, Ana tao nasafali ita, fo daenga ita tao-no'i dede'a malole fo Ana sadia basan soaneu ita so.

KOLOSE 1:10

No enok leondia ka, de besa ka emi hapu maso'da tunga Manetualain hihii-nanaun, boema tao ma dale na namahoko tataas esa, nalosa nai basa dede'ak lala'e na dalek, emi hapu mabuna-maboa tatao-nono'i malole. Boema emi boe tai malelak Manetualain.

1 TIMOTIUS 2:10

Te ela leo bee na, ina kala bubu'u-dada'a ao ina nala, ninik tatao-nono'i malole, fo besa ka nandaa ba'eneu inak fo, lamahehele neu Manetualai na.

1 TIMOTIUS 3:2

Mauli-malanga salanik esa, muse hataholi bu'u-ba'e tak, saon ka'da esa, nakatatakak nala dale na, manatee tenok, ma mana ito-ato malole; ana nau sipok hataholi leo uman neu, ma nanoli nalelak hataholi; boso hataholi mana mafuk ala lalu;

1 TIMOTIUS 3:7

Hataholi ndia, na'de na ta nanggenggeo nai lau na dalek fa; nana metema ta leondiak fa soona, neukose hataholi la lakamumulu-lakamamae kana, fo ana tu'da leo Nitu a, hihi'in dale neu.

1 TIMOTIUS 5:16

Tehu metema ina salanik esa, nai tei dale na dalek hapu inafalu soona, muse ana tulu-falina nafalu ndia; boso fe salani kala mete lakanae inafalu ndia. Fo no enok ndia, salani kala hapu tulu-falina nafalu tolano ka'a fa'di ta kala.

1 TIMOTIUS 5:25

Leondiak boe, tatao-nono'i malole a, litan tutik. Ma hata nananafuni ka, ta hapu lafuni lala fan.

1 TIMOTIUS 6:18

Mafa'das fo latu'du tatao-nono'i malole nala nai basa dede'ak lala'ena dalek ma ala nau tulu-fali hataholi.

2 TIMOTIUS 1:5

Au afandele o, nana o mamahele te'e-te'e neu Kristus, sama leo o beim Lois ma o inam Eunike, lamahele te'e-te'e boe. De au amahele o namahehele ma boeo, leondiak.

2 TIMOTIUS 2:21

Leondiak boe, hataholi fo ana hahae tao-no'i tatao-nono'i managalau ka, neukose hataholi ndia nanapaluuk nanseli. Nana so'da na malalaok, ma nandaa no ndia malanga na, dale na. Hataholi leondia ka, neukose nananamahelek soaneu ana tao basa tatao-nono'i malole lala'ena.

2 TIMOTIUS 3:15

O muse mafandendelek te, o malelak Susula Malalao ka te, o bei ana ka. Susula Malalaok ndia nde fe o malelak, soaneu o hapu so'da-mole ka tunga o mamahele neu Yesus Kristus.

2 TIMOTIUS 3:17

Hu ndia de, basa hata fo nanasulak nai Susula Malalao ka dalek ndia, masosoa-ndandaak ba'eneu hataholi mana malalau-maoono Manetualai na, ala hapu tao-no'i tatao-nono'i malole mata-mata kala.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

TITUS 2:7

Ela leo bee na, o ha'da-tatao malole ma, ana da'di natutu'duk nai basa dede'ak lala'ena dalek. Metema o manoli-mafa'da hataholi soona, muse manoli tunga ndo na, ma no te'e-te'ek.

TITUS 3:1

Mafa'da o salani mala, fo ala boso laban mauli-malangan ma mana koasa nai nusak dale a, boema ala tao-noi tatao-nono'i malole tataas esa.

TITUS 3:14

Ita hataholi nala muse lanoli fo, ala tao-no'i tatao-nono'i malole, fo daenga ala tao latetu sila paluu nala; fo boso nalosak sila laso'da no sosoa-ndandaa tak.

TITUS 3:8

Dede'ak ia, memak tete'e ka la'en. Au nau o taoafik neu dede'ak ia la, fo ela hataholi fo lamahele neu Manetualai na, te'e-te'e ala sanga enok soaneu ala tao-no'i tatao-nono'i malole ma masosoa-ndandaak soaneu basa hataholi lala'ena.

IBRANI 10:24

Ma ela leo bee na ita esa taoafik neu esa, fo ela ita hapu esa fe manggatek neu esa soaneu sue-lai nonoo hataholi ka, ma tao-no'i dede'a-dede'a malole.

IBRANI 13:2

Boso hiapenge sipok hataholi fo emi beita malela kana, leo emi umam neu. Nana no tatao leondia ka, de hapu hataholi ta name'da fa te, ana sipo hai ata nusa so'dak nai uman so.

IBRANI 13:21

Sa'di tao leo bee na Manetualain, fo oe mata mole-dame ndia, tao natetu-nandaa emi, ninik basa hata malole fo emi paluun soaneu tao-no'i hihii-nanaun. Sa'di leo bee na, no Yesus Kristus hehela-nonolen, de Manetualain tao-no'i nai ita dalek, hata fo nahii kana. Ela leo bee na, Kristus nanakoa-kiok losa dodoo na! Amin.

1 PETRUS 2:12

Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.

1 PETRUS 4:9

Ela leo bee na, esa sipok esa leo esa-esak uman neu, no dale katema tuak.

3 YOHANIS 1:12

Basa hataholi la koa-kio Demetrius. Manetualain boeo, Ana koa-kion. Ami koa-kion boe, ma hata fo ami kokola kana, hapu nananamahelek.