1 TIMOTIUS 5:1 - Susula Malalaok Hehelu Palak Ma Hehelu Beuk

¹ Boso kokolak balakaik moo toulasi kala, te kokolak koe-koe moos, sama na leo o kokolak moo o amam nde ndia. Tao muli-solu kala da'di o tolanom,

1 TIMOTIUS 5:1 ပူးပေါင်းရင်းမြစ်များ

IMAMAT 19:32

Bii-mamata'u ma fe ha'da-holomata neu hataholi lasik-kala. Ela leo been-na, emi fe ha'da-holomata, ma bii-mamata'u neu Au, nana Au nde Manetualain-na.

MATEOS 23:8

Tehu emi boso nau lalo emi lae: ‘Ama Mesen’, nana emi mesem ka'da esa mesa kana, de emi ia tolanoo kala.

HATAHOLI 14:23

Ma nai mamaso kala esa-esak, Paulus no Barnabas so'u fes Penatua-penatua. Ala hule-haladoi ma ala puasa basa boema, ala fe Penatua-penatua sila la leo Lamatuak fo sila dua lamahele ka.

HATAHOLI 15:4

Lelek ala losa Yerusalem boema, hataholi salani kala ma hataholi nadedenu kala boema Penatua-penatua la sipo kasa no malole. Boema ala tuis basa hata fo Manetualain tao-no'in tunga sila.

HATAHOLI 15:6

Boema hataholi nadedenu kala ma Penatua-penatua la lakabubua fo ala kokolak dede'ak ndia.

HATAHOLI 20:17

Paulus losa Miletus boema, ana fe halak leo Efesus neu fo noke Penatua-penatua manai naa la, ala mai latongo lon.

ROMA 13:7

Da'di, bae hata fo emi muse baen leo manapaleta neu. Bae bea metema emi muse bae bea. So'ulaik sila fo muse nanaso'ulaik, ma fe ha'da-holomata neu sila fo muse nanafe ha'da-holomata.

GALATIA 6:1

Tolano-tolanoo ngala lemin! Metema emi mita hataholi esa tao sala-singok soona, ela leo bee na emi mana maso'da nai Manetualain Dula Dale na dale ka, hela-nole hataholi ndia fo ana fali ma'in leo eno ndo sa mai. Tehu muse emi tulu-fali hataholi ndia no dale nakaloe-nakadaek, ma manea fo daenga emi boso tu'da leo tatao-nono'ik ndia dalek meu.

ULANGAN 33:9

Ala lilineka neu O, lena heni basa hata lala'en-na, lena heni ina-amak, ma tolano ka'a-fa'di-a. Ala tunga O paletam-mala, ma ala tao latetu, O hehelu-balataam.

1 TIMOTIUS 5:17

Mauli-malanga salanik bee metema nakalala'ok bela ba'un no malole soona, nandaa ana hapu ha'da-holomata, diku la'i dua, lena-lenak, hataholi mana manggate tui-benga ma mana manoli-mafa'da ka

1 TIMOTIUS 5:2

boema tao ina lasi kala da'di o inam, ma tao ana fe'oana kala, da'di o fa'di inanam. Taos no ha'da tatao matetu-mandaak.

TITUS 2:2

Manoli toulasi kala, fo daenga lakatatakak ao ina nala, manatee-tenok, boema laso'da sama leo hataholi fo nanda nanafe ha'da-holomata. Muse ala ho'u lahele nanoli ndoos fo, maneme Manetualai na mai, lasue-lalai ao no matetu-mandaak, ma lakatatakak nai doidoso ka dalek.

TITUS 2:6

Leondiak boe, manoli hataholi muli-solu kala, fo ala da'di hataholi manatee tenok.

YAKOBIS 3:17

Tehu hataholi fo nanuu manatee tenok maneme lai na mai ndia, maka sososa na, hataholi ndia matetu-mandaak, fo basa soona, ana hii ka'da mole-dame, hala-kokolan mangana'uk, ma ana tunga paleta. Dale na henuk no susue-lalaik, fo susue-lalaik ndia, nabuna-naboa tatao-nono'i malole. Hataholi ndia ta mana metematak, ma ta manadea dalek fa.

YAKOBIS 5:14

Metema nggelok lamahe'di soona, ela leo bee na nalo ma Penatua la ala hule-haladoi fen, ma ala lose mina neu hataholi kamahe'dis ndia, ninik Lamatua ka na'de na.

1 PETRUS 5:1

Au oke, mana mauli-malanga salani kala taoafik neu salani kala. Au sulak susulak ia, sama leo nonoo mauli-malangan, ma sama leo hataholi fo mana sakasii matan Kristus doidoso na so, de neukose au boeo nananamatutua-namadedemak, nai lelek fo Kristus namatutua-namadedeman nananatu'duk neu hataholi daebafa ka. Hu ndia de, au oke anseli,

2 YOHANIS 1:1

Susulak ia neme au, fo mauli-malanga salanik. Au fe susulak ia neu Inak fo Manetualain hele ka, ma Ina ana nala. Au sue-lai emi te'e-te'e. Ta ka'da au mesa nga sue-lai emi fa, te basa hataholi mana malelak Manetualain fo ndo sa, ala sue-lai emi boe.

3 YOHANIS 1:1

Tolanoo Gayus fo au sue-lai ka! Au ia, mauli-malanga salanik. Au sue-lai o te'e-te'e,

NINITAK 4:4

Nai kandela manek ndia boboa kaisun, hapu kandela mane fe'ek duahulu. Lasi kaduahuluha kala langatuuk lai ndia, fo bua-papake nala fulak, ma ala pake bulamoli lilopilas.