1 TIMOTIUS 4:8 - Susula Malalaok Hehelu Palak Ma Hehelu Beuk

⁸ Nanoli ao paa ka, sosoa-ndandaan ka'da faa anak mesa kana, tehu nanoli samane ka, sosoa-ndandaan ba'una seli nai basa dede'ak lala'ena dalek, nana isi na, hehelu balataak soaneu ita maso'dan nai besak ia ma nai fai mana mai ka.

1 TIMOTIUS 4:8 ပူးပေါင်းရင်းမြစ်များ

AYUB 36:11

Metema, ala tunga Manetualain, ma lalalao-laoonon neun, soona laso'da no mole-dame ma tetu-temak, losa sila fai maso'dan-na, nate'e.

MAZMUR 145:19

Ana tao namahoko hataholi kamahehelek-kala dalen-na; Namanene sila hala naloloon-na, de Ana soi-tefa-nalas.

MAZMUR 37:11

Hataholi fo, manamakaloe-makadae aok, neukose nanuu dae ndia, fo ana hapu tetu-temak fo manasasi kao-kaok-ka.

MAZMUR 37:29

Hataholi manatao malole-a, neukose nanuu dae ndia, fo ana leon losa dodoon-na.

MAZMUR 37:9

Nana hataholi manatao, tatao-nono'i mangalauk-ka, neukose mopok-kana, tehu hataholi fo, namahena neu Manetualain-na, neukose nanuu dae ndia.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

AMSAL 19:23

Fe ha'da-holomata neu Manetualain, soona o so'dam-ma naua-nanale; ma neukose, o mame'da dai-ma lena, ma o matapo'i meme soe-a mai.

AMSAL 22:4

Hataholi fo, namahele neu Manetualain ma nakaloe-nakadae aoinan-na, neukose naua-nanale, tetu-temak ma nanafe ha'da-holomata.

PENGKHOTBAH 8:12

Leomae hataholi masala-masingok esa, ana tao tatao-nono'i mangalauk natun esa, tehu naso'da nahele, nakalenak teun-na manalu. Hataholi-la lafa'da lae, see tunga Manetualain soona, tao leo bee-o, so'dan-na mu'da-mu'dak mesan.

YESAYA 3:10

Manetualain nafa'da nae, “Mafa'da hataholi manatunga Au-a, mae neukose sila laua-lanale ma laso'da. Neukose sila hapu la'a-pake lita, sila sosota-mamangun buna-boan.

YESAYA 33:16

Soona neukose, emi nananasulu-nahapak, ma matapo'i neme soe-a mai, nono'kabai, nai kota musu matea-mahelek dale. Neukose, nana'ak ma nininuk, nanasadiak ba'eneu emi.

YEREMIA 6:20

Sosoak hata, sila leni fe Au boomenik neme Syeba mai, do bumbu-bumbu-la leme nusa dook mai? Au daleng-nga ta hii sipo sila tunu-hotun fa. Au ta hii sila tutunu-hohotu nanatunun-na fa.

MATEOS 12:32

Metema hataholi a, ana kokolak dede'ak esa, fo ana lena-la'ban Ana Hataholi ka soona, ana hapu do'o do ampon, tehu metema nakamumulu-nakamamaek Manetualain Dula Dale na soona, ana ta hapu do'o do ampon fa, nau nai besak ia do nai fai mate'e ka boe!”

MATEOS 19:29

Ma see la'oela uma-loon do tolanoo tou tolanoo inan, do ina aman, do upu-anan, do tina-osin nanahu Au soona, neukose hataholi ndia, ana sipo fali kana didikuk la'i natun esa. Ma neukose, ana sipo so'da matetu ka, ma mana ketu basa ta ka boe.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

MARKUS 10:30

soona, neukose hataholi ndia sipo lena ba'u ka, nai lelek besak ia. Neukose ana hapu didikuk la'i natun esa, de'u lena uma, tolanoo toun, tolanoo inan, inan, ni'iana la, ha'deoe, tina osi, leomae neukose ana hapu doidosok boe. Ma neukose nai le'do fai mana mai ka te, neukose hataholi ndia sipo so'da matetu ka ma mana ketu basa ta ka.

LUKAS 5:38

Angol beu ka muse salin leo alukosu beuk dale neu boe.

ROMA 8:28

Ita bubuluk basa, Manetualain ito-ato basa dede'ak lala'ena, de nalosa nini buna-boa malole soaneu hataholi manasue-lai nana, ma hataholi fo nandaa no dale tutu'u na.

1 KORINTUS 3:22

Paulus, Apolos, Petrus, daebafak ia, maso'da ka ma mamate sa, le'do fai besak ia, do le'do fai manamai ka boe, basa hata lala'ena nde bee na, emi nuum so.

1 KORINTUS 8:8

Tunga ndo na, nana'a-nininuk ta nde tao na ita tututi-nanaton to Manetualai na natea-nahele fa. Metema ita ta'a nana'ak ndia soona, ita ta hapu nanalak hata esa boen. Nasafali na, metema ita ta ta'a nana'ak ndia fa soona, ita boeo ta tu'da hata esa boen.

1 TIMOTIUS 4:7

Madook o ao ina ma neme tutui me'i-afe sosoa-ndandaan ta kala mai. Boema manggate mamaso kasasasi.

1 TIMOTIUS 6:3

See nanoli fe'ek neme nanolik ia la ma sila nanolin ndia, ta nandaa no ita Lamatuan Yesus Kristus nanoli ndo na ma ita agama na nanoli na fa soona,

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

1 TIMOTIUS 6:6

Memang agama nini hahapu matua ina, metema nai hataholi ndia dale nameme'da na, ndia hahapu-dadain sila la, dai so.

2 TIMOTIUS 3:5

Meten tunga ao paa ka soona, ala tao latetu agama nakanenete nala, tehu tunga ndo na, ala ta tao tunga agama nanoli huhuu na fa. Madook ao ina ma neme hataholi matak leo sila kala mai.

TITUS 3:8

Dede'ak ia, memak tete'e ka la'en. Au nau o taoafik neu dede'ak ia la, fo ela hataholi fo lamahele neu Manetualai na, te'e-te'e ala sanga enok soaneu ala tao-no'i tatao-nono'i malole ma masosoa-ndandaak soaneu basa hataholi lala'ena.

IBRANI 13:9

Boso po'ilotak nanoli matabeu mata-matak lala'ena, ala tao latofa-latalak emi. Ita dale na, muse nananatetea-nahehelek ninik Manetualain dale malole na, fo ndia nde malole a. Boso hu ka nde nananaketuk neme ito-atok la'eneu nana'a-nininuk. Hataholi fo makahulu na ala tunga nakanenetek sila la, ala ta hapu sosoa-ndandaan fa.

1 YOHANIS 2:25

Kristus helu basa, Ana fe ita so'da matetu ka ma mana ketu basa taa ka so.

NINITAK 3:12

Hataholi manasengi ka, neukose Au taon da'dileo dii nai Au Manetualai nga Uma Malalaon dale, ma neukose ana leo nai mamanak ndia losa dodo na. Au Manetualaing na'de na ma kota na na'de na, fo nde Yerusalem Beu ka, neukose kona neme nusa so'da ka neme Au Manetualaing mai, fo neukose Au sula kana neu hataholi ndia aoina na. Au na'de beu nga boeo, neukose Au sula kana neu aoina na!”

NINITAK 3:21

Sila fo manasengi kala, neukose Au fes loak langatuuk leu Au kandela mane nga sama-sama lo Au, sama leo Au boeo sengi so, de besak ia Au angatuuk sama-sama o Au Amang nai kandela manen lain.

SEMUEL SUSULAK-KA ESAN-NA 15:22

Tehu Semuel nae, “Beek kande, Manetualain nahiik-kana, tunga do fe tutunu-hohotuk? Tunga neu Manetualain, nde mole lena neme tunu-hotu tutunu-hohotuk. Tunga no dale katematuak, malole lena neme bi'ilopo mina mai.