1 TIMOTIUS 4:5 - Susula Malalaok Hehelu Palak Ma Hehelu Beuk

⁵ Nana Manetualain dede'a-kokolan ma huhule-haladoi ka, tao nalalao basa hata lala'ena.

1 TIMOTIUS 4:5 ပူးပေါင်းရင်းမြစ်များ

KEJADIAN 1:25

Leondiak, Manetualain tao basa sila-la, de nita manada'dik ndia, boema namahoko.

KEJADIAN 1:31

Manetualain nita, Ana taon-na basa hata lala'en-na ndia boema, namahoko nanseli. Le'odaek-ka seli, boema fafaik-ka da'di. Fo ndia nde fai ka 6-na.

LUKAS 11:41

Fo manai emi pinga-mangom dale ndia nde muse emi fen neu hataholi nuu ta-hata ta kala. No enok ndia, basa-basan neukose da'di balisi soaneu emi.

LUKAS 4:4

Yesus nataa nae, “Nai Susula Malalaok dale nanasulak nae, ‘Hataholi a ta hapu naso'da neme loti mesa kana mai fa.’ ”

1 KORINTUS 7:14

Nana tou kamahehele ta ka, nandaa soaneu ana da'di Manetualain hataholi kamahehele nala ei liman, nana ana sao na inak fo mana da'di Manetualain nuun so. Leondiak boe, saoina kamahehele ta ka, nandaa soaneu ana da'di Manetualain hataholi kamahehele nala ei liman, nana ana sao na touk fo mana da'di Manetualain nuun so. Metema ta leondiak fa soona, tao leo bee o, ana nala sama leo ni'iana dinitiu, te se'kona ni'iana sila la, landaa dadi Manetualain hataholi kamahehele nala ei liman boe.

1 TIMOTIUS 4:3

Lanoli hataholi a fo ala boso saoana, ma laluli nana'a-nininuk nggelok. Te se'kona nana'a-nininuk sila la, Manetualain nakadada'di kasa soaneu hataholi kamahehele kala ma hataholi mana malelak Manetualain nanoli ndo na, fo la'a-linu soona, ala hule-haladoi, loke makasi neu Manetualain

TITUS 1:15

Basa hata lala'ena nde bee na, malalao-malalafuk ba'eneu hataholi malalao-malalafu ka. Tehu ba'eneu hataholi fo dudu'a-aafi manggenggeo kala, ma kamahehele ta kala soona, ta hapu hata malalao-malalafuk esa boen, nana dudu'a-aafin ma dale nala manggenggeok so!

IBRANI 11:3

Hu ka nde namahehele ka, de ita talelak tae daebafa ka no lalai maloa ia, nananakadada'dik neme Manetualain hala-kokolan mai. Da'di hata fo hapu nananita ka, ana da'di neme hata fo ta hapu nita fan.