1 TIMOTIUS 4:10 - Susula Malalaok Hehelu Palak Ma Hehelu Beuk

¹⁰ Hu ndia de, ita sanga enok ma ita puselaipana no tatao-nono'i ka, nana ita tamahena neu Manetualain fo maso'dak ndia; Ndia nde tao naso'da basa hataholi lala'ena, nakalenak ba'eneu hataholi kamahehele kala.

1 TIMOTIUS 4:10 ပူးပေါင်းရင်းမြစ်များ

MAZMUR 107:2

Mafa'da dede'ak ndia la'i ba'uk-ka, hai emi fo, nanasoi-tefa basak, neme susa dalek mai so.

MAZMUR 118:8

Malole lenak, tasulu-tahapa neu Manetualain, neme tasalai dea-tala, neu hataholi daebafak.

MAZMUR 36:6

Manetualain, O susue-lalaim, dema lalai-a, ma O lilinekam, losa ko'as-sa.

MAZMUR 37:40

Ana tulu-fali, ma Ana soi-tefas, ma Ana fes lala hataholi mangalauk-kala deak, nana, ala lasulu-lahapa leu Manetualain.

MAZMUR 52:8

Hataholi manatao malole-a, nita ndia soona, neukose ana bii-namata'u, boema ana hika-hume o ma nafa'da nae,

MAZMUR 84:12

Nana Manetualain nde ita masulu-mahapan, ma manek fo matua-madema, fo Ana ba'e-bati fe ita, susue-lalaik ma ha'da-holomata. Ana beita tipa nita hata beek boe, fo malole soaneu hataholi fo, so'dan-na bu'u-ba'en ta.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

YEREMIA 17:7

Tehu hataholi fo manamamahena neu Au neukose Au ba'e-palan tatas esa.

DANIAL 3:28

Boema manek-ka nae, “Kokoa-kikiok ba'eneu Manetualain fo Sadrakh, Mesakh ma Abednego sene-do'ok-ka. Nadenu ata nusa so'dan-na mai soi-tefa-na ata ka telun fo lamahele neun ndia. Ala la'olena au paletang-nga so, de lahiik mate neme ala sene-do'ok do lamahele neu lamatua daebafak bee boe, te lamahele ka'da neu sila Manetualain mesak-kana.

NAHUM 1:7

Manetualain ndia malole. Nasulu-nahapa anan-nala nai lelek ala susa, Nanea hataholi fo nasulu-nahapa neun.

MATEOS 16:16

Simon Petrus nae, “Ama nde Mane Mana Fe So'da ka, ma Manetualain Anan fo Maso'da ka.”

MATEOS 27:43

Namahele Manetualain, ma nafa'da nae Manetualain Anan Ndia. Naa, mai fo ata mete su'di kana, tete'e ka besak ia Manetualain nau soi-tefa nan do ta!”

YOHANIS 1:29

Balahaa boema, Yohanis nita Yesus mai boema nae, “Mete mitak, Manetualain Bi'ilopo Anan, fo mana kokaheni daebafa ka sala singo na, ana mai nde ndia.

YOHANIS 4:42

Lafa'da inak ndia lae, “Besak ia, ami mamahele, nana ta hu o hala nafa'da ma fa te, hu ka nde ami mamanene matam, boema ami bubuluk memak tete'e ka, Hataholi ia nde Soi-tefa nala daebafa ka.”

YOHANIS 5:24

Au dede'ang ia la tete'e ka la'en: See taoafik neu Au hala-kokolang, boema namahele Ndia fo manamadenu Au a soona, ana hapu maso'da matetu ka ma manaketu basa ta ka. Neukose ana ta hapu huhukuk fa, te nanapo'i basak neme mamate sa mai so, boema ana hapu maso'da ka.

1 KORINTUS 15:10

Tehu, hu ka nde Manetualain susue-lalain, de au da'di sama leo au fo besak ia. Ma ta palsuma, Manetualain fe do'o do ampon neu au fa. Nakalenak bai, au nde puselaipana lenaheni basa Lamatua ka hataholi nadedenu fe'e nala; Tehu tunga ndo na au ue-osang ta ndia fa; te ndia fo Manetualain manasue-lai au ma manatao-no'i sama-sama no au a, ue-osan ndia.

2 KORINTUS 1:10

Ndia nde soi-tefa nala ami neme susa-soe mamates matuaina ndia mai. Ma mahani te neukose Ndia boeo nde neukose soi tefa nala ami nai fai makabuin, nana ami tao ami namahehena ma neu ka'da Ndia mesa kana.

1 TIMOTIUS 2:3

Ndia nde malole ma nandaa no Manetualain, fo ita mana Soi-Tefa na, dale na.

1 TIMOTIUS 2:4

Ana nau, fo ela basa hataholi lala'ena hapu so'dak, ma lalelak eno ndo sa.

1 TIMOTIUS 2:6

Yesus Kristus ia, hataholi daebafak esa, fo Ana fe heni ao ina na, soaneu Ana soi tefa na basa hataholi lala'ena, leme sala-singo nala mai. No enok ndia, Manetualain naketu la'e fai na nae, Ana nau basa hataholi lala'ena, hapu so'dak.

1 TIMOTIUS 3:15

fo ela metema, au bei akamama'ak au nene'i nga boeo, o bubuluk basa tao leo beek fo, ita muse taso'da sama leo Manetualain tei dalen, fo nde Manetualain hataholi kamahehelen fo maso'dak. Salanik leondia ka nde, sama na leo dii mana tia-to'bak esa, fo ana tia-to'ba nahele Manetualain nanoli ndo nala.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

IBRANI 11:26

Musa name'da, nae beli na ba'u na seli soaneu hapu nakamumulu-nakamamaek hu ka nde Mane Mana Fe So'dak fo Manetualain heluk ndia, neme hapu basa nusa Masi ra hata-haton lala'ena mai, nana Musa namahena ngga'di fai makabui ka.

IBRANI 13:13

Hu ndia de mai leona, fo ata teu takaninin nai Pandopo manai sila la dae too na deak, fo tunga nananakamumulu-nakamamaek sama-sama ton.

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

1 YOHANIS 2:2

No Yesus Kristus tunu-hotu ao ina na, de ita sala-singon hapu do'o do ampon. Tehu ta ka'da ita mesa tala sala-singon hapu do'o do ampon fa te, basa hataholi daebafa ka sala-singon boeo, hapu do'o do ampon.

1 YOHANIS 4:14

Ami mita matam Manetualain Ana na so. Hu ndia de ami tui-benga mae, Ama ka nadenun Ana mai fo Ana da'di daebafa ka Mane Mana Fe So'da na.