1 TIMOTIUS 3:6 - Susula Malalaok Hehelu Palak Ma Hehelu Beuk

⁶ Hataholi mauli-malanga salanik esa, ta bole hataholi fo, besa ka ana da'di hataholi salanik fa, nana neukose hataholi ndia, ana da'di hataholi mana koaok, fo nanasoo-supak, sama na leo makahulu na Nitu a boe.

1 TIMOTIUS 3:6 ပူးပေါင်းရင်းမြစ်များ

2RAJA-RAJA 14:10

O, fo Amazia, manako'ao-ndaeaok, nanahu o sengi hataholi Edom-mala so. Nah, ade sesengik ndia, dai so hetu? Malole lenak, o meme ka'da uma! Sosoak hata, sanga dede'ak, fo neukose, ka'da nini soe fe o, ma o laum-mala?”

2TAWARIKH 26:16

Lelek manek Uzia natea-nahele boema, ana da'di manakoao-ndaeaok, de koao-ndaeaon ndia nde tao nakalulutuk-kana. Ana la'o lena Manetualain paletan-na, nanahu neu leo Manetualain Uman dale neu fo ana hotu boomenik nai mei tunu-hotu boomenik lain.

2TAWARIKH 32:25

Tehu hu kande ana koao-ndaeao, de ana ta noke makasi neu lelea-hahaik fo Manetualain fen neu-na fa. Hu ndia de Manetualain namanasa Yehuda ma Yerusalem.

AMSAL 18:12

Hataholi manakoao-ndaeaok-ka, neukose ana tu'da, hataholi dale taidaek-ka, neukose nanafe ha'da-holomata.

AMSAL 29:23

Hataholi fo namatutua-namadedema aoinan-na, neukose nananakadadaek; hataholi dale taidaek-ka, neukose nanakoa-kiok.

YESAYA 2:12

Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

DANIAL 11:12

Basa boema, neukose namahoko nanseli, nanahu ana sengi ma hu kande ana taonisa solda'du musu makadotok, tehu neukose ana ta koasa nakandoo fa.

LUKAS 10:18

Boema Yesus nafa'das nae, “Au ita Nitu a tu'da neme lalai sama leo ndela sa.

1 KORINTUS 3:1

Tolano-tolanoo ngala lemin! Tunga ndo na, au ta kokolak o tolanoo ka sama leo au kokolak o hataholi fo Manetualain Dula Dale na dalen dale. Au kokolak o emi, ka'da sama leo au kokolak o hataholi fo bei naso'da tunga hihii-nanau daebafa ka; ma sama leo au kokolak o hataholi fo bei ni'iana beuana nai namahehelek neu Kristu sa dalek.

1 KORINTUS 8:1

Besak ia la'eneu nana'a-nininuk fo ala fen neu sosongo-tatango ka. Memak la'en sama leo hataholi la hala na lae, “Ita basa-basa tala malelak so.” Tehu malela ka ana tao na hataholi a dadi manakoao-ndaeaok, ma susue-lalai ka nakatutuluk hataholi a tao malole.

2 KORINTUS 12:7

Tehu fo ela au boso koao-ndaeao anseli hu ka nde ninitak matuaina sila la, de au hapu he'dis matak esa nai au ao paa nga. Da'dileo Nitu nadedenu na, he'dis ndia nanahaituak soaneu ana tao na au doidoso fo ela au boso koao-ndaeao.

ULANGAN 17:20

Metema, ana lees matalololen soona, neukose ana ta tatao oan nae ndia malole lena neme hataholi fo, sila leoina esa, ma neukose ana ta la'olena Manetualain paletan-nala, no enok leobeek ndia boe. Boema, ndia no tititi-nonosin-nala, neukose ala paleta leoinan, neme bobongik leo bobongik neu.”

ULANGAN 8:14

manea matalolole, fo ela emi boso da'di hataholi manakoao-ndaeaok, ma mafandele heni emi Manetualaim-ma fo manasoi-po'i emi neme Masir mai, fo mamanak manatao emi da'di ata.

1 TIMOTIUS 3:7

Hataholi ndia, na'de na ta nanggenggeo nai lau na dalek fa; nana metema ta leondiak fa soona, neukose hataholi la lakamumulu-lakamamae kana, fo ana tu'da leo Nitu a, hihi'in dale neu.

1 TIMOTIUS 6:4

hataholi mana koaok ndia, boema ta nalelak hata esa boen! Mangalau na nde, ala hii ka'da latuik ma lale'a dede'a manda'di taa kala, fo ninini na nde, nape'da dale ka, nasi'da-naba'e ka, nakamumulu-nakamamae ka, dale ba'ihana ka,

2 TIMOTIUS 3:4

Ala hii ka'da ke'dindiu hataholi, lamatutua-lamadedema ao nala, ma hahae keke'u kala.

1 PETRUS 2:2

Te ela leo bee na, emi da'di ni'iana nanabongi beuk, fo ana maa ma'da neu su'u oe matetu ka tataas esa. No enok ndia, neukose emi moli-da'di ma nanasoi tefak.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”

2 PETRUS 2:4

Ata nusa so'da masala-masingo kala boeo, Manetualain ta po'ilota kasa latapo'i leme huhuku ka mai fa. Ana tapas leo tasi ha'ik dale leu. Manetualain taos leo faka makahatuk dale leu fo, tahan naheles leme ndia, losa Fai Naketu-nala'di ka losa.

YUDAS 1:6

Tao leo bee o, emi boeo bubuluk la'eneu ata nusa so'dak fo mana la'o lena sila koasa na too-lanen, nalosa ala la'oela sila mamana leleo na soona, Manetualain lange ata nusa so'dak sila la ninik namosina mana ketu basa taa ka, nai mamana makahatuk dale, nai daebafa ka buin-na. Ata nusa so'dak sila, nanatahan nahelek, losa sila huhuku na nananaketuk, metema fai mate'e ka losa.