1 TIMOTIUS 3:16 - Susula Malalaok Hehelu Palak Ma Hehelu Beuk

¹⁶ Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

1 TIMOTIUS 3:16 ပူးပေါင်းရင်းမြစ်များ

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

MATEOS 13:11

Boema Yesus nataa nae, “Nana Manetualain fe basa emi baba'e-babati malole, soaneu emi malelak bibila-babaak la'eneu tao leo beek fo Manetualain paleta, tehu sila soona ta.

MATEOS 28:2

Boema no kaiboboi anak de dae a nanggengo matua ina. Lamatua ka ata nusa so'dan esa kona neme nusa so'da ka mai, boema ana loli heni late sa batu kekena na, de nangatuuk neu lain.

MATEOS 3:16

Yohanis salani basa Yesus tutika ana kalua neme oe dale mai. No kaiboik, lalai a natahuka de Yesus nita Manetualain Dula Dale na ana kona neme nusa so'da ka mai sama leo kalua sina de ana kona neu lain.

MATEOS 4:11

Mate'e na boema nitu la'oela Yesus, boema ata nusa soda kala mai de lalalau-laoonon.

MARKUS 1:13

Faik hahulu dale na, Nitu so'ba Yesus neme ndia. Bana fui kala sama-sama lon nai ndia boe, tehu ata nusa so'da kala lasulu-lahapan.

MARKUS 16:19

Lamatuak Yesus kokolak basa nos boema, Yesus nanaso'uk leo nusa so'da ka neu. Nai naa, Ana paleta sama-sama no Manetualain.

MARKUS 16:5

Boema lakandoo leo lates dale leu. Nai lates dale, fo nai late sa boboa kona na, lita hataholi muli-soluk esa, ana pake ba'du manalu fulak nagatuuk nai ndia, boema ala nggenge la.

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”

LUKAS 20:44

Da'di metema Dauk seseik Mane Mana Fe So'dak ndia nae, ‘Lamatuak,’ soona hapu nai bee, Dauk tititi-nonosin Ndia?”

LUKAS 22:43

Boema ata nusa so'dak esa mai de natetea-nahehelen.

LUKAS 24:4

Ala bei lapadeik ma lapangamak dudu'a-dodoo dede'ak ndia, te kaiboboianak hataholi dua, bua-lo'a papake nala fula mangadilak, lapadeik deka los.

LUKAS 24:51

Yesus bei fes baba'e-papalak te nanaso'uk leo nusa so'da ka neu, boema nasi'da-naba'e nos.

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 13:3

Yesus bubuluk basa, Ama ka fe basan koasa lala'ena so. Boeo Ana bubuluk basa, Ana mai neme Manetualain mai, ma neukose Ana fali seluk leo Manetualain neu.

YOHANIS 15:26

Neukose Au adenu Mana Tulu-Fali ka neme Ama ka mai, soaneu emi. Ndia nde Dula Dalek fo neukose nafa'da ndos la'eneu Manetualain. Metema Ana mai soona, neukose Ana fe sakasii la'eneu Au.

YOHANIS 16:28

Memak Au da'di eme Ama ka mai, de Au mai leo daebafa ka mai so. Tehu besak ia, Au la'oela daebafa ka, fo Au fali leo Ama ka u.”

YOHANIS 17:5

Amak! Mamatutua-mamadedema Au besak ia leona soaneu Ama ka, ninik matua-madema fo Au o Ama ka manuun, te daebafak ia beita nananakadada'dik fa.

YOHANIS 20:12

boema nita ata nusa so'dak dua, ala pake bua-lo'a fulak. Duas langatuk lai Yesus popola na mamana, de esa nai langa na ma esa nai ei na.

YOHANIS 6:62

Dede'ak ndia dada'di na tao leo bee ko, ela metema emi mita Ana Hataholi ka kae falik ne'un leo mamana makasososa na neu dei?

HATAHOLI 1:19

Basa hataholi mana leo nai Yerusalem ma ala bubuluk dede'ak ndia. Hu ndia de, ala foi dae ndia na'de na tunga sila dede'a na soona na'de Akeldama, fo sosoa na nae, ‘Dae Daak’.)

HATAHOLI 10:34

Boema Petrus nae, “Besak ia, au ame'dan te'e-te'e, Manetualain tao basa hataholi lala'ena, matak esa.

HATAHOLI 14:27

Lelek ala losa Antiokia, boema lalo lakabubua basa mamasok ndia salani nala de ala tuis, basa hata fo Manetualain tao-no'in tunga sila dua. Boeo ala tuis la'eneu tao leo beek de, Manetualain soi enok fe hataholi ta Yahudi la fo lamahele Yesus.

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

ROMA 10:12

Dede'ak ndia la'e basa hataholi lala'ena, nana hataholi Yahudi no hataholi leoina fe'e kala matak esa. Manetualain fo kisak ndia, nde bee na Lamatuak soaneu hataholi lala'ena. Ana fe baba'e-papala manasasi kao-kao ka neu basa hataholi fo mananoke tutulu-fafalik neu nana.

ROMA 10:18

Tehu au atane bai, Ade memak sila beita lamanene halak ndia fa do? Tao leo beeo, lamanenen so! Nana nai Susula Malalaok dale nanasulak nae leo ia, “Sila hala nala dolodolo nai basa daebafa ka lala'ena so, sila hala-kokolan losa daebafa ka bu'u nala so.”

ROMA 16:25

Kokoa-kikiok neu Manetualain! Nanuu koasa fo natetea-nahehele emi namahehele ma, nandaa no Manetualain Hala Malolen fo au tui-bengan la'eneu Yesus Kristus. Au tui-benga halak ndia nandaa no hata fo Manetualain nafa'da ka: fo nde la'eneu Manetualain dale tutu'un fo teu netek eli la, hataholi a beita bubulu kana fa.

ROMA 16:26

Tehu besak ia, no Manetualain paleta matea-mahele na, de dale tutu'uk ndia nananatu'duk ma nanatui-bengak neu basa leoina lala'ena, tunga nabi la susula lii na, fo ela sila basa-basas lamahele ma ala tunga Manetualain.

ROMA 3:4

Tao leo bee o ta! Nana dede'a mangale'do na, Manetualain ndos nahele, leomae basa hataholi daebafa ka masapepekok mesa-mesan. Nai Susula Malalaok dale nanasulak nae, “Ela leo bee na, lita O ndos nai O hala-kokola ma dalek, ma O sengi nai lelek fo laketu-lala'di O.”

ROMA 8:3

Hata fo agama hoholo-lalanen ta hapu tao nala fan, hu ka nde ita hataholi daebafa ka tapandoe na, Manetualain tao basan so. Manetualain sengi sala-singo ka koasa na nai hataholi daebafa ka ha'da-tatao na dalek, ninik Ana haitua Ana na mai no heheo-hihilun sama na leo hataholi daebafa masala-masingo ka, fo Ana kokaheni sala-singo ka.

ROMA 9:5

Sila nde bee na, ita bei-ba'ikai nala, tititi-nonosin. Tunga ao paak soona, Kristus da'di neme sila leoina mai. Kristus dema lenaheni basa-basas. Koa-kio Manetualain losa dodoo na! Amin.

1 KORINTUS 15:47

Adam makasososa ka, da'di neme dae a mai, tehu Adam kadua da'di neme nusa so'da ka mai.

1 KORINTUS 2:7

Manatee tenok fo au kokolak ndia, nde manatee tenok fo maneme Manetualain mai a. Manatee tenok ndia, hataholi daebafa ka beita nalela kana fa, tehu Manetualain sadia basan soaneu ita mandela-masa'an nai lelek daebafak ia beita nananakadada'dik fa.

2 KORINTUS 1:19

Nanahu Yesus Kristus fo Manetualain Anan, fo nananafa'dak neu emi neme Silas, Timotius ma neme au a, ta nde hataholi fo “Hei” ma “Ta.” Nasafali na, Ndia nde bee na natataa “Hei”, neme Manetualain mai.

GALATIA 2:8

Nanahu Manetualain nde fe Petrus be'i-balakaik fo ana da'di Lamatua ka hataholi nadedenun soaneu hataholi Yahudi la, leondiak boe, Ana fe au be'i-balakaik fo au da'di Lamatua ka hataholi nadedenun soaneu hataholi ta Yahudi la boe.

GALATIA 4:4

Tehu losa fai na nandaa te, Manetualain nadenu Ana na mai leo daebafa ka mai. Inak esa naso'da nai agama hoholo-lalanen dalek, nde bongi ni'iana ndia.

EFESUS 1:9

Tunga Manetualain hihii-nanau mesa na de, nafa'da dale tutu'u nafuni na neu ita; naketu basa nae, neukose Ana tao nakababasak dale tutu'u nafufunin ndia, tunga Kristus.

EFESUS 6:19

Ma hule-haladoi soaneu au boe, fo ela nai lelek fo au kokolak soona, Manetualain fe au dede'a-kokola ka, nandaa. Fo ela au apalani afa'da Hala Malole ndia, dede'a nafufuni nala.

KOLOSE 1:23

Tehu tao leo bee o emi muse lilineka mahele ma mapadeik mahele nai emi namahehele ma dalek. Boso nalosak emi po'i heni namahehenak fo nanafe basak neu emi, nai lelek emi sipok Hala Malole maneme Manetualai na mai a. Hala Mole ndia nanatui benga basak neu hataholi manai daebafa ka lala'ena. Ma hu no enok ndia de au Paulus, dadi malalau naoono boe.

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

KOLOSE 1:6

Halak maneme Manetualain ndia, nakapepela leo basa daebafa ka lala'e na, boema halak ndia, nini baba'e-papalak nakandoo fe hataholi a so'da na, sama leo emi hapu baba'e-papalak mulai neme lelek fo emi mamanene ala tui-benga Manetualain susue-lalain neu emi a.

KOLOSE 2:2

Au tao basa sila la, fo ela sila dale nala latea-lahele ma lasue-lalai ao nalosa tututi-nanato nala latea-lahele. No enok ndia, sila lalelak te'e-te'e ma lamahele boema ala bubuluk Manetualain dede'a nafufuni na, fo nde Kristus.

2 TESALONIKA 1:10

Basa sila la, neukose ala da'di nai faik fo Ana mai, fo basa hataholi kamahehele kala lamatutua-lamadedeman ma ala fe ha'da-holomata neun. Emi boeo, neukose nai Manetualain hataholi kamahehelen sila la dalek, nana emi mamahele halak fo, ami tui-bengan neu emi a.

2 TESALONIKA 2:7

Emi bubuluk mae, Hataholi Mangalauk fo mana tao tatao-nono'i mangalauk ndia, ana mulai tao-no'i no nafufunik, nana hapu hata esa napangge nan. Tehu mahani te, metema fai na losa fo Manetualain tipa heni mana mapanggenggek ndia soona,

1 TIMOTIUS 3:9

Muse ala ho'u lahele, hataholi salani ka namahehelen fo Manetualain nanoli kala, no dale matetuk.

IBRANI 1:3

Ndia nde nangale'do Manetualain matua-mademan, fo mandela-masa'a ka; Ndia nde dulak fo mangale'dok neme Manetualain ao ina na mesa kana. Ndia boeo nde nakaboboi lalai no daebafak maloa ia matea-mahelen ninik dede'a-kokolan fo mana koasa matua ina na. Ana soi basa enok fe hataholi daebafa ka soaneu nanasoi-po'ik neme sala-singo nala mai boema, Ana nangatuuk kandela mana paleta nai nusa so'da ka sama-sama no Manetualain fo Mana koasa ma madema ina.

IBRANI 12:2

Ela leo bee na ita mata memete na nasale leo Yesus neu, nana Ndia nde nafofo'a ita namahehele na, ma nakaboboin neme makasososa na losa mete'e na. Yesus nakatatakak doidoso ka neme ai nggangek lain! Ana ta nafaduli nae, mate nai ai nggangek lain ndia nde bee na, hata esa fo nini mamaek. Ka'da nafandele neu namahokok fo neukose name'da nitan nai fai makabuin. Besak ia, nangatuuk nai Manetualain kandela mane na boboa kona na, ma Ana paleta sama-sama non.

IBRANI 7:7

Memak ta bisa se'in tae hataholi nanaba'e-pala ka, nai dae lena neme hataholi mana ba'e-pala nana.

IBRANI 8:1

Basa hala kokolak ia la lala'e na, huu na nde ia: Ita tanuu Imam Matua Ina fo leondia ka nangatuuk paleta sama-sama no Manetualain, fo Mana Koasa matua ina nai nusa so'da ka.

1 PETRUS 1:12

Manetualain nafa'da nabi sila la nae, hata fo sila tao-no'in ndia, ta soaneu sila paluu na fa, tehu soaneu emi paluu ma; fo nde basa dede'ak fo besak ia emi mamanenen no mangale'dok neme manatui-benga Hala Malole la'eneu Yesus Kristu sa. Hataholi sila, ala tui-benga dede'ak sila la neu emi, ninik Manetualain Dula Dale na koasa na, fo Ana haituan neme nusa so'da ka mai. Lena-lenak ata nusa so'da kala boeo, ala lahiik bubuluk halak fo hataholi sila la tui-bengak ndia.

1 PETRUS 1:20

Manetualain hele Kristus, te daebafak ia, nananakadada'di beitak. Ma nai faik-faik fo le'do-fai a sanga basan ia, Ana mai leo daebafa ka mai, fo daenga Ana soi-tefa na emi.

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.

1 PETRUS 3:22

Ana kae falik leo nusa so'da ka neu so. Besak ia, Ana koasa sama-sama no Manetualain, ma Ana paleta basa ata nusa so'da kala, basa mana koasa lala'ena, boema basa be'i balakaik lala'ena.

1 YOHANIS 1:2

Lelek fo maso'dak ndia natu'du ao ina na, ami mitan. Hu ndia de ami da'di sakasii la'eneu maso'dak ndia. Ami tui-benga fe emi, so'da matetu ka ma mana ketu basa ta ka, fo hapun sama-sama no Ama ka, boema Ama ka natu'dun neu ami de ami mitan so.

1 YOHANIS 3:5

Emi bubuluk basan, Kristus mai soaneu Ana koka heni hataholi daebafa ka sala-singon, boema emi bubuluk boeo, Kristus sala-singon ta.

1 YOHANIS 3:8

Tehu hataholi mana tao sala-singok nakandondoo heni na, Nitu anan hataholi ndia, nana Nitu a tao sala-singok neme makasososan eli mai so. Hu ndia de Manetualain Ana na mai fo daenga Ana tao nakalulutuk Nitu a tatao-nono'i mangalaun sila la.

NINITAK 17:5

Nai dedei na, nanasulak na'dek esa fo nanuu sosoa-ndandaa nanabibila-babaak. Na'dek ndia nde “Babel Fo Matuaina, basa manasosoa-piaok lala'ena ma hataholi mangalauk manai daebafa ka inan nde inak ndia.”

NINITAK 17:7

Boema ata nusa so'dak ndia nafa'da au nae, “Tao le'e de o bafam poo-poo? Malole lenak au afa'da o inak ndia bibila-babaan ma bana fo ana sa'e nana bibila-babaan, fo nde bana fo nanuu langak hitu ma susulak sanahulu.

NINITAK 7:9

Basa ndia boema au mete seluk, boema au ita hataholi makadotok nanseli. Ta hapu hataholi esa boen hapu leke na dede'u nala fa. Hataholi sila la nde bee na leme basa leoina mata-mata kala, leoanak, nusaina, ma dede'a-dede'a kala mai. No ala pake ba'du manalu fulak ma ho'u ai palem ndanak nai lima nala, hataholi makadotok sila la lapadeik lasasale matak lo kandela mane ka ma lasasale matak lo Bi'ilopo Ana ndia.