1 TIMOTIUS 2:4 - Susula Malalaok Hehelu Palak Ma Hehelu Beuk

⁴ Ana nau, fo ela basa hataholi lala'ena hapu so'dak, ma lalelak eno ndo sa.

1 TIMOTIUS 2:4 ပူးပေါင်းရင်းမြစ်များ

YESAYA 45:22

Hai, basa laun daebafak-ka lala'en-na, fali leo Au mai, fo ela emi nanasoi-tefak, nana ka'da Au nde Manetualain-na, de ta hapu fe'ek fa!

YESAYA 49:6

Manetualain nafa'da au nae, “Hai Au atang-ngo nei, bela-ba'u mabelaina, nahani o; neukose, ta ka'da o moo falik Yakob tititi-nonosin fo, bei elak-kala fa, ma ta mabebeu leo-leo Israel-la, matua-mademan, tehu Au tao o da'di mangale'dok, ba'eneu leoinak-kala, fo ela, basa daebafak-ka lala'en-na, nanasoi-tefak.”

YESAYA 53:11

Hu ndia de, Manetualain nafa'da nae, “Name'da basa doidosok-ka soona, neukose naua-nanale, ma dalen-na, name'da namahokok. Au atang ndia, nde nandaa no Au daleng-nga, ana lu'a-lepa basa, hataholi makadotok huhukun-na so; hu no hataholi ndia de, neukose Au fe do'o do ampon neus.

YESAYA 55:1

Manetualain nafa'da nae, “Mai leon, basa emi fo, manamaa ma'dak-kala, fo minu oe nanasadiak-ka leona. Mai leon, emi fo doi tak-kala, sipo gandum, te ta bae fa, fo mi'a leona! Angol ma kapaoe-a, nanasadiak, sipon no ta bae fa.

YESKIAL 18:23

Ade, o dodoo mae, Au Manetualain Fo Mademaina, namahoko, metema mate hataholi mangalauk-ka do? Ta makandondook! Au hii, ana tukatei-saledale neme sala-singon-nala mai, fo ela naso'da nahele.

YESKIAL 18:32

Metema, mate hataholi esa soona, Au susa. Tukatei-saledale meme emi sala-singom mai, fo ela emi maso'da mahele. Au, Manetualain Fo Mademaina, nde manakokolak-ka.”

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

HABAKUK 2:14

Tehu sama leo oe henu tasi-a, leondiak boe daebafak-ka, neukose henuk no malelak la'eneu Manetualain, ma koasan-na.

MATEOS 28:19

Hu ndia de meu leo basa leoina manai daebafa ka lala'ena, fo taos da'di Au ana mana tunga ngala. Salanis ninik Ama ka na'de na, Ana ka nade'na, ma Manetualain Dula Dale na na'de na.

MARKUS 16:15

Boema Yesus nafa'das nae, “Meu leo basa daebafa ka lala'ena meu, fo tui mamaloloa Manetualain Hala Malolen ndia neu basa hataholi daebafa ka lala'ena.

LUKAS 1:77

soaneu tui-benga neu hataholi kamahehele nala mae, neukose sila nanasoi-tefak, metema Manetualain fe basa do'o do ampon neu sila sala-singo nala.

LUKAS 14:23

Boema tuan ndia nae, ‘Mu leo okofoo la lain ma eno kaba'ek manai kota deak, fo makaseti hataholi la mai fo ela au uma nga henun.

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

YOHANIS 17:17

Ama ka taos da'di Ama ka nuu hehelin, tunga eno ndo sa. Ama ka dede'a-kokolan nde da'di eno ndo sa.

YOHANIS 6:37

Ama ka fe basa Au hataholi la, neukose ala mai leo Au mai. Boema see mai leo Au mai soona, Au ta tipa esa boen.

ROMA 11:14

Au amahena, au uni nape'da dalek fe au leoina ngala, fo no enok ndia, au hapu soi tefa ala sila nggelok.

1 TIMOTIUS 4:10

Hu ndia de, ita sanga enok ma ita puselaipana no tatao-nono'i ka, nana ita tamahena neu Manetualain fo maso'dak ndia; Ndia nde tao naso'da basa hataholi lala'ena, nakalenak ba'eneu hataholi kamahehele kala.

2 TIMOTIUS 2:25

Hataholi ndia, muse nanoli hataholi mana lena-la'ba kala no mangana'uk; fo ela leo bee na, Manetualain fe hataholi sila la, fai loak soaneu ala tuka tei-sale dale leme sala-singo nala mai, fo lalelak nanoli ndo sa.

2 TIMOTIUS 3:7

Tunga ndo na, inak sila la loke lanoli lakandoo, tehu ala ta hapu lalelak nanoli ndoos fo maneme Manetualai na mai fa.

TITUS 1:1

Susulak ia neme au, Paulus. Au sulak susulak ia, da'dileo Manetualai natan ma Yesus Kristus hataholi nadedenun. Au nanahelek ma nananadenuk, soaneu au tulu-fali Manetualain hataholi kamahehele nala, fo ela ala da'di balakaik nai namahehele nala dalek. Au boeo muse hela-noles, fo ela lalelak nanoli ndoos fo agama nanoli kala.

TITUS 2:11

Nana Manetualain natu'du basa susue-lalain, soaneu Ana soi-tefa na basa hataholi daebafa ka lala'ena so.

IBRANI 10:26

Nana metema halak fo ndoos maneme Manetualain mai a, nanananduku-nalosa basak neu ita, tehu ta'ko ita ka'da tao sala-singok takandoo soona, ta hapu seluk tutunu-hohotuk soaneu loseheni ita sala-singon fa.

YAKOBIS 3:14

Tehu metema emi mape'da dalek, emi dale ma bei he'di sa, emi bei paluu ka'da emi ao ina ma mesa kana soona, boso koao minik emi manatee tenom ndia, nana no enok ndia, emi popo'de-papai hala ndoos maneme Manetualai na mai.

2 PETRUS 3:9

Amak Manetualain ta nakamama'ak fe hata fo Ana helu basa ka fa, leomae hataholi nggelok laedaenga leondiak. Dede'a nasafali na, Ana ta hae lai namanasa emi fa nana, Ana ta nau mate-mopo emi esa boen. Ana nau fo ela basa hataholi lala'ena, ala tuka tei-sale dale bee no'u leme sala-singo nala mai.

2 YOHANIS 1:1

Susulak ia neme au, fo mauli-malanga salanik. Au fe susulak ia neu Inak fo Manetualain hele ka, ma Ina ana nala. Au sue-lai emi te'e-te'e. Ta ka'da au mesa nga sue-lai emi fa, te basa hataholi mana malelak Manetualain fo ndo sa, ala sue-lai emi boe.

NINITAK 14:6

Boema au ita ata nusa so'da fe'ek esa ana laa dema na seli nai lalai. Ata nusa so'dak ndia nini halak la'eneu Hala Malole fo matea-mahelek soaneu nanananduku-nalosa kana neu hataholi manai daebafa ka, fo nde neu basa leoina, leoanak, dede'ak, ma nusaina la.