1 TIMOTIUS 2:2 - Susula Malalaok Hehelu Palak Ma Hehelu Beuk

² soaneu mane-mane kala, ma basa hataholi mana ho'u koasa lala'ena. Moke fo ela ita taso'da no nee nee-lino linok, mole-dame soaneu Manetualain, no ha'da-tatao matetu-mandaak.

1 TIMOTIUS 2:2 ပူးပေါင်းရင်းမြစ်များ

2 SEMUEL 20:19

Ami nusam Abel ia matuaina, kota esa nee-nee lino-linok, ma manalilinekak nai dae Israel ia. Tao le'e de, Tuan sanga enok fo tao makalulutuk-kana? Tuan nahiik tao nakalulutuk Manetualain daen-na do?”

EZRA 6:10

Tao basa sila-la, fo ela ala hapu fe tutunu-hohotuk nandaa no Manetualain, fo manakoasa nai nusa so'dak-ka dalen-na, ma fo ela ala loke baba'e-papalak ba'eneu au, ma ba'eneu basa au ana toung-ngala.

NEHEMIA 1:11

Mamanene au huhule-haladoing ma basa O ata fe'e-fe'em fo mananau fe ha'da holomata neu O-a, huhule-halaon-nala. Fe O tutulu-fafalim mai leona, fo ela nai faik ia, O atam ia, hapu dale kasian neme manek-ka mai.” Nai tepo-lelek ndia, au nde manaito-ato manek-ka nininun-na.

MAZMUR 72:1

Neme Salomo mai. Ou Manetualain, manoli O hoholo-lalanem neu manek-ka, fe O ndoom-ma matetum-ma neu manek-ka anamanen-na.

AMSAL 24:21

Anang-ngonei, bii-mamata'u neu Manetualain, ma fe ha'da-holomata neu manek-ka. Boso tunga hataholi, fo ana la'ban-nasa.

YEREMIA 29:7

Maue-maosa soaneu kota-kota fo Au tu'u-tapa emi lo mamanak-ka meu-a tetu-teman. Hule-haladoi neu Au, soaneu kota-kota sila-la palun-na, nana metema kota-kota sila hapu-dai soona, neukose emi boeo hapu-dai.

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

LUKAS 2:25

Lelek ndia nai Yerusalem, hapu hataholi esa na'de Simeon. Hataholi ndia hataholi malole, fo ana bii neu Manetualain, ma ana bei nahani fai na losa ba'eneu Manetualain soi-tefa hataholi Israe la. Manetualain Dula Dale na koasa nan,

HATAHOLI 10:22

Boema lae, “Kaptein Kornaliu sa nde nadenu ami mai leo ia mai a. Hataholi ndia dale na malole, ma ana fe ha'da-holomata neu Manetualain, boema basa hataholi Yahudi la fe ha'da-holomata neun. Manetualain ata nusa so'dan esa nadenun fo noke Tuan neu leo uman neu, fo ana da'di neu natataak esa soaneu huhule-haladoin, ma ata nusa so'dak ndia nadenun fo namanene hata fo Tuan sanga nafa'da neun.”

HATAHOLI 24:16

Hu ndia de au sanga enok matalolole tatas esa fo daenga au dale bobongo ana nga balisi soaneu Manetualain, ma balisi soaneu hataholi daebafa ka.

ROMA 12:18

Sanga enok tao leo bee fo maso'da mole-dame mo basa hataholi lala'ena.

FILIPI 4:8

Mate'e na, tolanoo kala tao mahenu dudu'a-aafi mala ninik dede'a kabelik, fo nandaa nanakoa-kiok, fo nde dede'a ndoos, ha'da-holomata, tunga ka'da ndo na, matetuk, manini suse-lalaik ma malole.

1 TESALONIKA 4:11

Sanga enok fo maso'da pe'daom, fo boso meu sese'do-babalik nai hataholi fe'ek dede'an dale. Ela leo bee na, emi tunga sanga emi so'da ma, sama na leo makahulu na, ami mafa'da basan neu emi so.

IBRANI 12:14

Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.