1 TIMOTIUS 1:1 - Susula Malalaok Hehelu Palak Ma Hehelu Beuk

^1-2 Timotius, au ana ndoong fo nai Lamatua ka dalek! Susulak ia, neme au Paulus, fo Kristus Yesus ana nadedenun. No Manetualain, fo ita Manen Mana Fe So'da na, ma no Yesus Kristus fo ita tamahehena ka paleta na, de au oke. Ela leo bee na, Amak Manetualain, ma ita Lamatuan Yesus Kristus, Ana fe baba'e-papalak, susue-lalaik ma mole-dame neu emi.

1 TIMOTIUS 1:1 ပူးပေါင်းရင်းမြစ်များ

MAZMUR 106:21

Ala lafandele heni Manetualain fo, sila manasoi-manatefan-na, fo manatao basa dede'a matuaina-la leme Masir.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 43:11

Au mesang-nga nde, Manetualain, fe'ek neme Au mai, ta hapu manasoi-manatefa fa.

YESAYA 43:3

Nana Au nde Amak, fo o Manetualaim-ma, Israel Manetualain malalao-malalafun, fo o manasoi-manatefam. Au soi-ala o, nenik Masir Sudan ma Seba, da'di leo o ngganggatim-ma.

YESAYA 45:15

Manetualain fo, manasoi-tefa Israel-la, nde been-na Manetualain fo, nafuni aoinan-na.

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

YESAYA 49:26

Neukose, Au tao-a o musum-ma, mafuk daak, nalosa esa dodo-na esa. Soona basa hataholi daebafak lala'en-na, bubuluk lae Au, Manetualain, o Manasoi-manatefam; Fo Mabe'i-balakai lea, Yakob Manetualain-na, o Manasoi-manatefam.”

YESAYA 60:16

Neukose leoinak-kala, ma mane-manek-kala, lakaboboi o, sama leo inak esa, nakaboboi anan-na. Soona besak-ka o bubuluk, mae Au Manetualain, fo o manasoi-manatefam-ma, ma o bubuluk mae Israel Manetualain, fo o Manasoi-po'im-ma, mabe'i-balakaik.

YESAYA 63:8

Manetualain nafa'da nae, “Te'e-te'e, sila nde been-na, Au anang, anak fo, ala ta tao-la Au daleng-nga ba'ihana fa.” Boema, Ana da'di sila Manasoi-manatefan,

HOSEA 13:4

Manetualain nafa'da nae, “Au nde Manetualain, fo emi Manetualaim-ma, nde noo emi kalua meme Masir mai. Emi ta manuu Manetualain fe'ek neme Au mai fa. Au nde emi manasoi-manatefam fo kisak.

LUKAS 1:47

ma au samane nga namahoko-setelee nana Manetualain au Manasoi-Manatefa nga.

LUKAS 2:11

Faik ia nai Dauk kota na, bongi basa Mane Mana Fe So'da ka, fo nde Kristus fo Lamatua ka so.

HATAHOLI 9:15

Tehu Lamatua ka nafa'da Ananias nae, “Ka'da mu leona! Nana Au hele basa hataholi ndia soaneu nalalau-naoono Au, ma ana tui-benga Au neu leoina fe'ek fo ala beita masok agama Yahudi a fa, ma neu mane-mane kala, boema neu Au hataholi kamaheheleng Israel ngala boe.

ROMA 1:1

Tolano-tolanook manai Roma fo Manetualain hele ma sue-lai kala lemin! Manetualain hele basa au, boema Ana so'u heheli au, da'di mana tui-benga Hala Malole maneme Manetualai na mai.

1 KORINTUS 1:1

Tolano-tolanook fo Manetualain salanin manai Korintu sa lemin! Manetualain nalo talanoo kala soaneu da'di Ndia hataholi kamahehelen, nana Kristus Yesus nuun tolanoo kala sama-sama mo basa hataholi manai su'di bee a, fo ala sene-do'ok neu Lamatuak Yesus Kristus, fo nde sila Lamatua na ma ita Lamatua na boe. Au fo Paulus, ma ita tolanoon Sostenes, ami mamahena, ela leo bee na, ita Aman Manetualain, ma Lamatuak Yesus Kristus, fe baba'e-papalak ma so'da-molek neu emi. Au sulak susulak ia, da'dileo Kristus Yesus hataholi nadedenun, fo nanaso'uk neme Manetualain mai ma ninik hihii-nanaun boe.

1 KORINTUS 9:17

Leo uni'ka au akalala'ok tatao-nono'ik ndia ninik au hihii-nanau mesa nga soona, au bole amahena hapu ngga'di. Tehu au tui-benga Hala Malole ndia hu ka nde au nanapaletak. Manetualain nde paleta au fo au tao dede'ak ndia.

2 KORINTUS 1:1

Tolano-tolanook fo Manetualain hataholi kamahehelen manai Korintu sala, ma Manetualain hataholi kamahehelen manai Akhaya la, lala'ena lemin. Au, Paulus fo Kristus Yesus hataholi nadedenun, fo nanaso'uk tunga Manetualain hihii-nanaun, sama-sama no ita tolanoon Timotius,

GALATIA 1:1

Tolano-tolanoo kamahehelek manai kota Galatia la lemin! Au, fo Paulus, ma basa tolanoo kamahehelek fo mana lo au a, ami mamahena ela leo bee na, ita Aman Manetualain ma Lamatuak Yesus Kristus fe baba'e-papalak ma so'da-molek neu emi. Au da'di Lamatua ka hataholi nadedenun, ta hu ka nde hataholi daebafa ka, lele'a-nonolen do hu ka nde, hataholi daebafa ka nde so'u au da'di Lamatua ka hataholi nadedenun fa te, Yesus Kristus fo ita Aman Manetualain tao naso'da fali kana neme mamate sa mai ndia, nde so'u au a.

GALATIA 1:11

Tolano-tolanoo kala muse bubuluk te, Hala Malole fo au tui-bengak ndia, ta neme hataholi daebafa ka mai fa.

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

2 TESALONIKA 2:16

Ela leo bee na, ita Lamatuan Yesus Kristus ma ita Aman Manetualain, fe emi kokoe-nanasik, ma natetea-nahehele emi dale ma, fo ela emi hapu tao-no'i ma tui-benga hata fo malole. Hu ka nde Manetualain sue-lai ita, ma hu ka nde dale malole na de, Ana tao na ita tatea-tahele, boema ita tamahena ka'da hata fo malole.

1 TIMOTIUS 1:12

Au oke makasi neu ita Lamatuan Yesus Kristus, hu ka nde Ana fe au be'i-balakaik fo au alalau-aoonon, nana nafa'da nae, au andaa soaneu bela ba'uk ndia,

1 TIMOTIUS 2:3

Ndia nde malole ma nandaa no Manetualain, fo ita mana Soi-Tefa na, dale na.

1 TIMOTIUS 2:7

Hu ndia de, nadenu au u leo hataholi ta Yahudi la, fo au tui-benga fes, halak la'eneu namahehele ka, ndo na. Fo au afa'dak ia nde bee na, tete'e ka, au ta pepeko fa.

1 TIMOTIUS 4:10

Hu ndia de, ita sanga enok ma ita puselaipana no tatao-nono'i ka, nana ita tamahena neu Manetualain fo maso'dak ndia; Ndia nde tao naso'da basa hataholi lala'ena, nakalenak ba'eneu hataholi kamahehele kala.

TITUS 1:3

Manetualain nafa'da hehelu-balataan ndia, nandaa no fai na, nai hala hehelun dale. Manetualain fo ita Manasoi-manatefa na, namahele au de, Ana paleta au, fo au u tui-benga hala hehelun ndia.

TITUS 2:10

do lamanako fa. Ela leo bee na, sila latu'du lae, sila ha'da-tataon malole ma sila mana lilinekak, fo ela no sila ha'da-tataon ndia fo, hataholi a koa-kio nanolik la'eneu Manetualain fo ita Mana soi-tefa na.

TITUS 2:13

Besak ia, ita beitahani Faik fo ita tamahehenak ndia; Neu Faik ndia te, neukose daebafa ka nita Yesus Kristus matua-mademan, fo nde Manetualain fo Matua Madema, ma ita Mane Mana soi-mana tefa na.

TITUS 3:4

Tehu Manetualain fo ita Mane Mana Fe So'da na, natu'du susue-lalain ma dale malole na neu ita.

TITUS 3:6

Manetualain fe Dula Dale na neu ita, tunga Yesus Kristus fo ita Mane Mana Fe So'da na nde da'di lelete,

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

1 PETRUS 1:3

Mai fo toke makasi neu Amak Manetualain, ma ita Lamatuan Yesus Kristus! Ana sue-lai na ita ba'una seli, hu ndia de, Ana fe ita so'da beuk ninik Ana tao naso'da falik Yesus Kristus neme mamate sa mai. Dede'ak ia, nini fe ita namahehena matea-mahelek.

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

1 YOHANIS 4:14

Ami mita matam Manetualain Ana na so. Hu ndia de ami tui-benga mae, Ama ka nadenun Ana mai fo Ana da'di daebafa ka Mane Mana Fe So'da na.

YUDAS 1:25

Ka'da Ndia mesa kana nde Manetualain fo Manasoi-tefa ita tunga ita Lamatuan Yesus Kristus. Ndia nde Manetualain fo mandela-masa'ak, matua-madema, mana koasa, ma manini-mafa'dak, neme makahulun eli losa besak ia, ma losa dodoo na! Amin.