1 TESALONIKA 5:9 - Susula Malalaok Hehelu Palak Ma Hehelu Beuk

⁹ Manetualain hele ita, fo ta sue ka nde, Ana huku ita fa, te sue ka nde, Ana soi-tefa ita, tunga ita Lamatuan Yesus Kristus

1 TESALONIKA 5:9 ပူးပေါင်းရင်းမြစ်များ

AYUB 23:14

Neukose, nakalala'ok dale tutu'un-na, neu au, fe'ek neme ndia mai, dale tutu'un-na, bei ba'uk-ka seluk bai.

KELUARAN 9:16

Tehu, Au po'ilotak emi maso'da, fo ela Au hapu atu'du Au koasang-nga neu o, nalosa Au na'deng-nga da'di nanakoa-kiok nai basa daebafak-ka lala'en-na.

AMSAL 16:4

Manetualain tao basa hata lala'en-na, nanuu tetee-tutu'dan; fo tetee-tutu'dan ba'eneu hataholi mangalauk-ka nde been-na, momopo-mamatek-ka.

MATEOS 26:24

Memak Ana Hataholi ka neukose Ana mate sama leo nanasulak nai Susula Malalaok dale. Tehu soe ba'eneu hataholi fo mana ke'dindiu Ana Hataholi ka! Malole lenak hataholi ndia boso bongin makandondook!”

HATAHOLI 1:20

“Nanahu nanasulak nai susula Mazmur dale nae leo ia, ‘Neme na fo mamana leleo na nee nee-lino lino; hataholi esa boen boso leo nai dalek.’ Nanasulak nae leo ia boe, ‘Neme na fo hataholi fe'ek ho'i na kandela nagatutuu na.’

HATAHOLI 13:48

Nai lelek leoina fe'ek fo hataholi ta Yahudi la lamanene dede'ak ndia, boema lamahoko lanseli, de ala koa-kio Manetualain dede'a-kokolan. Ma hataholi fo Manetualain hele basa kala lamahele ala hapu so'da matetu ka, ma mana ketu basa ta ka.

ROMA 11:30

Makahulu na emi ta tunga Manetualain fa. Tehu besak ia Manetualain nafa'da basa nae, hu ka nde hataholi Yahudi a ta nau tunga fa de, emi matapo'i neme sala-singo ka mai so.

ROMA 11:7

Da'di, tao leo beek bai? Hataholi Israe la ta hapu hata fo ala sanga ka fa. Manahapu nana ka'da hataholi bubuanak esa fo Manetualain hele basa hataholi sila la so. Fe'e kala soona, basa-basas ta nau lamanene Manetualain hala nalolo na fa.

1 TESALONIKA 1:10

Boeo ala kokolak la'eneu, tao leo beek de, emi tao emi mamahehena ma neu Manetualain Ana na mamain neme nusa so'da ka mai, fo nde Yesus, fo Manetualain tao naso'da fali kana, neme mamate sa mai so. Yesus ndia boeo, nde soi-tefa nala ita teme Manetualain nasa melun, nai fai mana mai ka.

1 TESALONIKA 3:3

No enok ndia, ta hapu hataholi esa boen neme emi mai a, nakadedeak hu ka nde ita doi-doson ia la. Emi bubuluk, doidosok sila la, nanalekek nai Manetualain dale tutu'u na dalek, soaneu ita.

1 TIMOTIUS 1:13

leomae makahulu na, au tao anggenggeo na'de na, au fepa-li'un boema au akamumulu-akamamae kana. Tehu Manetualain sue-lai au, nana lelek ndia, au beita amahele fa de, au ta bubuluk hata fo au taok ndia fa.

1 TIMOTIUS 1:16

Tehu neme enok ndia mai de, Manetualain sue-lai au, fo ela basa hataholi la lita, Kristus Yesus ta haelai namanasa au fo, hataholi masala-masingok ia. Fo dede'ak ia, ana da'di natutu'duk esa, soaneu basa hataholi fo, neu fai makabuin besa ka lamahele neun na, ala hapu so'da matetu ka, ma mana ketu basa ta ka.

2 TIMOTIUS 2:10

Hu ndia de au akatatakak, fo au lu'a-lepa basa sila la, soaneu Manetualain hele basa hataholi la paluu na, fo ela hataholi sila la boeo, hapu so'dak fo Manetualain fen tunga Kristus Yesus, ma no matua-mademan fo mana ketu basa ta ka.

1 PETRUS 2:10

Makahulu na Manetualain hataholi kamahehelen ta emi fa, tehu besak ia emi da'di Manetualain hataholi kamahehelen so. Makahulu na Manetualain ta sue-lai emi fa, tehu besak ia, Ana sue-lai emi so.

1 PETRUS 2:8

ma “Batu ndia, nde tao na hataholi a nakatunu, boema ala tu'u leu.” Hataholi sila lakatunu nana, ta lamahele Manetualain dede'a-kokolan fa. Manetualain naketu basa hataholi sila la, leondiak so.

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.

YUDAS 1:4

Nana, ita ta tame'da fa te, hapu hataholi kikisa kala, ala masok talipeo leo ita hataholi kamahehele kala nakabuan dale mai so. Hataholi sila la, hataholi mangalau kala. Ala tui puta-pai halak la'eneu ita Manetualain susue-lalain, fo ala hapu loak, tao latetu sila ha'da-tatao ta kandaa nala fa. Ma ala ta sipok Yesus Kristus, fo Mana Koasa kisak, ma ita Lamatua na fa. Hataholi sila, huhuku na nana nafa'da elak nai Susula Malalaok dale, neme makahulun eli mai so.