1 TESALONIKA 5:7 - Susula Malalaok Hehelu Palak Ma Hehelu Beuk

⁷ Hataholi mana sungu ka, ana sungu nai fai le'odae na, ma hataholi mana mafu ka, ana mafuk nai fai le'odae na boe.

1 TESALONIKA 5:7 ပူးပေါင်းရင်းမြစ်များ

AYUB 33:15

Nai fai le'odaen-na, hataholi-a sungu namanee, Manetualain kokolak, nai me'is ma ninitak-ka dalek.

AYUB 4:13

Au sungu, ta amanee fa, hu kande namakukutuk ndia, sama leo hapu me'is mangalauk, nai fai le'odaen-na.

YOHANIS 2:10

nafa'dan nae, “Tunga ita ha'da na soona, fe hataholi la linu lakahuluk angol mala'da, fo metema linu lakabete soona, besa ka fes linu angol ta mala'da fa. Tehu tolanoo ka pe'da mahele angol mala'da ia de besa ka tolanoo ka fe hataholi la linu!”

HATAHOLI 2:15

Hataholi ia la ta mafuk sama leo emi dudu'am ndia fa, nana besa ka li'u sio fafaik.

ROMA 13:13

Ita muse tao tatao-nono'i nanakoa-kiok sama leo mandoofai hataholi a tao-no'in nai fai lele'do na; boso tao feta-dote lena neme dae too mai, do mafuk ala-lalu. Boso sosoa-piao, do matu'du ha'da-tatao ha'da tak. Boso mahote, do mape'da dalek neu hataholi.

1 KORINTUS 15:34

Besak ia, mame'dak leona, fo boso boe tao sala-singok bai. Ndandaa na emi muse bii-mae, nana nai emi dalek, hapu nggelok beita lalelak Manetualain fa.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

2 PETRUS 2:13

Neukose ala sipo sila tatao-nono'i mangalaun ndia buna-boan, fo nde doidosok ma to'a-taa ka. Tatao-nono'ik fo, nandaa no hataholi sila dale na nde, ala tao su'di bee ka nai fai lele'do na, sa'di ala tao latetu sila dale hihii na. Metema langatuuk lakabubua lo emi nai feta-dote soona, hataholi la malua heheo-hihilu nala, nana nasa melu mata-mata kala, tao lalas da'di mana mafu kala.