1 TESALONIKA 5:6 - Susula Malalaok Hehelu Palak Ma Hehelu Beuk

⁶ Hu ndia de, ita bole sungu-sungu mesan, sama leo hataholi fe'e kala fa. Ita muse tanea matalolole, ma ita dudu'a-aafin, muse mangale'dok.

1 TESALONIKA 5:6 ပူးပေါင်းရင်းမြစ်များ

AMSAL 19:15

Pelatua mangananalok-ka, ana taon-na hataholi-a sungu-sungu mesan, de mate'en-na, tou pelatua, neukose namala'a-namandoe.

YESAYA 56:10

Manetualain nae, “Au leoinang-nga, mauli-malangan-nala nde been-na, hataholi pokek-kala! Ala ta bubuluk hata esa boen. Sila sama leo busa hala tak-ka, fo ta nakaa fa, tehu ka'da ana sungu, fo nalame'i. Ala sungu soona, lamahoko lanseli!

YUNUS 1:6

Nai lelek ofak ndia manaho'u ulin-na kona leo ofak-ka teioen dale neu boema, nita Yunus nai ndia, te ana bei sungu. Boema nae, “Hapu nai bee, o bisa sungu nai ani sangu leo ia-ka! Wei, fo'a! Fo hule-haladoi neu o lamatua daebafam-ma, fo moke tutulu-fafalik. See bubuluk, fafa'kama dalen-na tu'da neu ita, fo ita ta mopo-mate fa.”

MATEOS 13:25

Le'odaek esa, nai lelek fo hataholi la basa-basas sungu, boema tina lamatuak ndia musu noo na ana mai de, ana nggali fii de'ek leo gandu ma tala'da neu, boema ana la'o.

MATEOS 24:42

Da'di manea leona, nana emi ta bubuluk faihi'da fo neukose emi Lamatua ma Ana mai fa.

MATEOS 25:13

Boema Yesus kokolak nate'e nakandandaak ndia nae leo ia, “Hu ndia de manea leona, nanahu emi ta bubuluk fai na do li'u na fa.”

MATEOS 25:5

Losa fai na so, te mana ka'bing touk ndia beita mai fa, hu ndia de mata nala ndua ka de ala sungu.

MATEOS 26:38

Boema nafa'da ana mana tunga nala nae, “Au dale nga he'di nanseli. Au ame'dan sama leo sanga mate. Ela emi meme ia fo manea sama-sama mo Au.”

MARKUS 13:37

Hata fo Au afa'dan neu emi ia, Au afa'dan neu basa hataholi la ae, manea leona!”

LUKAS 12:37

Ua-nalek ba'u na seli ba'eneu malalau-maoono fo tua na hapu nan bei nahani lahele nai lelek tua na mai. Mamahele leona! Neukose tuan ndia nahehele aon fo nadenu malalau-maoonon sila la langatuuk fo nalalau-naoonos.

LUKAS 12:39

Mafandendelek ia leona! Leo uni ka uma lamatuak bubuluk li'u ba'u bee nakodaa neukose ana mai soona, neukose nanea fo ela nakodaa ta masok leo uman dale neu fa.

LUKAS 21:36

Manea mahele ma hule-haladoi tataas esa leon, fo ela emi makatatakak mabe'i nai basa manda'dik fo neukose ala da'di, ma fo ela emi hapu masasale matak mabe'i mo Ana Hataholi ka.”

LUKAS 22:46

Boema nafa'das nae, “Tao le'e de emi sungu? Fo'a leona, fo hule-haladoi, fo ela emi boso hapu soso'ba-susu'dik.”

HATAHOLI 20:31

Hu ndia de manea matalolole! Mafandendelek, te teuk telu dale na, titiheni au luu oe nga, nai lelek fo au anoli-afa'da emi nai lele'do-le'odaen.

1 KORINTUS 15:34

Besak ia, mame'dak leona, fo boso boe tao sala-singok bai. Ndandaa na emi muse bii-mae, nana nai emi dalek, hapu nggelok beita lalelak Manetualain fa.

1 KORINTUS 16:13

Ela leo bee na manea matalolole ma matea-mahele nai emi maso'da ma dalek, da'dileo hataholi kamahehelek. Da'di palani ma balakaik, ma da'di mabe'i-balakaik.

EFESUS 2:3

Makahulu na, ita basa-basa tala sama leo sila boe; ita taso'da tunga ita ha'da-tatao hataholi daebafa na, ma ita tao-no'i hata fo nandaa no ita dudu'a-aafi ao paa na. Nai lelek ndia, Manetualain nasa-melun tu'da la'e ita, sama leo hataholi fe'e kala boe.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

EFESUS 6:18

Tao-no'i basa dede'ak sila la no huhule-haladoik, soaneu moke tutulu-fafalik neme Manetualain mai. Nai basa fai loak lala'ena, hule-haladoi sama na leo Manetualain Dula Dale na, hela-nole emi. Ela leo bee na, emi manea tataas esa, ma boso makadede'ak. Hule-haladoi tataas esa soaneu Manetualain hataholi kamahehelen lala'ena.

FILIPI 4:5

Ela leo bee na, basa hataholi la hapu lita emi heheo-hihilu malole ma. Nanahu ta doo ka so'on te, neukose Lamatua ka, ana mai so.

KOLOSE 4:2

Ela leo bee na, emi hule-haladoi no manggatek ma manea matalolole, boema moke makasi neu Manetualain.

1 TESALONIKA 4:13

Tolano-tolanoo ngala lemin! Ami nau emi bubuluk matalolole, hata da'di soaneu hataholi mana mate basa kala; fo ela emi dale ma boso he'di sa, sama leo hataholi fo ala ta lamahena leo lakabubua lo Manetualai na fa.

1 TESALONIKA 5:10

Ana mate soaneu ita, fo neu fai mamai na ta bubuluk ita beitaso'da do, ita mate so ita hapu taso'da sama-sama ton.

1 TESALONIKA 5:8

Tehu ita nde bee na, hataholi fo naso'da nai mangale'do ka dalek, nai fai lele'do na; hu ndia de, ita dudu'a-aafin boeo, muse mangale'dok. Ita muse tamahele tahele Lamatua ka, ma sue-lai hataholi fe'ek, boema tamahena no namahehelek tae, neukose Manetualain soi-tefa na ita. Ndia nde tee-tafa fo nasulu-nahapa ita, nai lelek ita laban makahatu ka.

1 TIMOTIUS 2:15

Leomae leondiak boe, neukose ina ka hapu so'dak, nana ana bongi anak; sa'di no dale nakaloe aok, namahele nahele Kristus, ma ana sue-lai nahele hataholi fe'ek, ma naso'da malalaok neu Manetualain.

1 TIMOTIUS 2:9

Ela leo been-na, basa ina kala bubu'u-dada'a ao ina nala no mandaa na, ma ala pake-nggao no ha'da-holomata. Ala boso nggute adu-dodoki langa doo nala, do pake lilo pila poemata, do ala pake bua lo'a kabeli ina la.

1 TIMOTIUS 3:11

Hataholi sila, saoina nala boeo, muse hataholi malole, boso hataholi mana tui dede'a pe'dak. Muse lakatatakak lalelak ao ina nala, ma ala tao tunga ka'da ndo na, nai basa dede'ak lala'ena dalek.

1 TIMOTIUS 3:2

Mauli-malanga salanik esa, muse hataholi bu'u-ba'e tak, saon ka'da esa, nakatatakak nala dale na, manatee tenok, ma mana ito-ato malole; ana nau sipok hataholi leo uman neu, ma nanoli nalelak hataholi; boso hataholi mana mafuk ala lalu;

2 TIMOTIUS 4:5

Leomae leondiak boe, o muse makatatakak maa o ao ina ma, nai fai leo beek ndia boe. Makatatakak nai doidoso ka dalek, tao-no'i o bela ba'um sama leo hataholi mana tui-benga Hala Malole a, ma makalala'ok matalolole o bela ba'um sama leo Manetualain hataholi malalau-maoonon.

TITUS 2:12

Manetualain susue-lalain ndia, nde nanoli ita fo ela ita so'da na boso naseikosalak no Manetualain hihii-nanaun, ma ita boso tunga hihii-nanau daebafa ka. Ita nanananoli-nafa'dak, fo ela ita hapu takatatakak ita ao ina na, tao tunga ndo na, ma ata lilineka tahele neu Manetualain, nai lelek fo ita taso'da nai daebafak ia.

TITUS 2:6

Leondiak boe, manoli hataholi muli-solu kala, fo ala da'di hataholi manatee tenok.

1 PETRUS 1:13

Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.

1 PETRUS 4:7

Basa hata lala'e na sanga deka basan ia so, hu ndia de, ela leo bee na emi muse paleta ma ao ina mala ma manea, fo ela emi hapu loak soaneu hule-haladoi.

1 PETRUS 5:8

Ela leo bee na, emi manea ma mahehele ao mala! Nanahu Nitu a nde bee na, emi musu noo ma. Nitu ndia sama leo meo asu a, fo ana la'ok neu mai ma nangao sanga nana'a na.

NINITAK 16:15

“Mamanene leona! Te Au mai sama leo nako'ka. Maua-manalek neu hataholi fo naheheleaon nahele, ma nanea bua-papake na, nalosa ana ta la'ok no makaholak fo ana mae nai lea matan!”

NINITAK 3:2

Nanahu au mete emi so'dam fo da'dileo hataholi Salani ka, beita natetu no hata fo Manetualain nahii kana. Da'di fo'a leon meme emi susungu samanem ndia mai, fo tao matea-mahele ha'da tataok ma so'da Salani ka eno dalan fo emi bei manuu fan bei dai basa sila la te'e-te'e beita sapu-lalo fa.