1 TESALONIKA 5:23 - Susula Malalaok Hehelu Palak Ma Hehelu Beuk

²³ Manetualain nde fe ita mole-dame ndia. Ela leo bee na, Ana tao na emi, te'e-te'e maso'da ka'da soaneu Ndia mesa kana. Ami hule-haladoi, fo ela leo bee na, nanea emi dale nakababale ma, dudu'a-aafim, ma emi tatao-nono'im, ta hapu sala-singok faa anak boen, nai faik fo ita Lamatuan Yesus Kristus fafali ma'i na.

1 TESALONIKA 5:23 ပူးပေါင်းရင်းမြစ်များ

YESKIAL 37:28

Metema, Au Umang-nga nai sila tala'da heon losa dodoon-na, soona besak-ka leoina fe'ek-kala bubuluk, lae Au Manetualain, hele basa Israel da'di Au anang mesang so.”

IMAMAT 20:26

Au ta'da fe'e emi neme leoina fe'ek-kala mai, fo ela emi da'di Au nuung. Emi muse malalao-malalafuk, nanahu Au nde Manetualain, ma Au malalao-malalafuk.

IMAMAT 20:8

Tunga Au hoholo-lalaneng-ngala, nanahu Au nde Manetualain, fo manahele hehelik emi soaneu Au.”

LUKAS 1:46

Maria nae, “Au dale nga koa-kio Manetualain,

YOHANIS 17:19

Au fe Au ao ina nga da'dileo Ama ka nuu hehelin, soaneu sila paluu na, fo ela sila boeo, ala da'di Ama ka nuu hehelin, tunga eno ndo sa.

HATAHOLI 20:32

Besak ia au fe emi leo Manetualain neu, fo ela nakaboboi ma fo ela emi ho'u mahele neu halak la'eneu Manetualai susue-lalain. Manetualain nanuu koasa soaneu natetea-nahehele emi, ma Ana fe emi baba'e-papalak fo Ana sadia basan soaneu hataholi kamahehele nala.

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

ROMA 15:13

Manetualain nde bee na emi mamana namahehena ma. Ela leo bee na Ana tao nahenu emi dale ma ninik basa namahokok ma so'da-molek lala'ena, nanahu emi mamahelen, fo ela no Manetualain Dula Dale na koasa na, emi boetai mamahena neu Manetualain.

ROMA 15:33

Ela leo been-na Manetualain, fo manafe mole-dame neu hataholi daebafa ka, no emi basa-basa mala. Amin.

ROMA 15:5

Ela leo bee na Manetualain, fo manatao natea-nahele ma mana kokoe-nanasi hataholi daebafa ka, tulu-fali ita fo taso'da no teikesa-dalekesa, tunga Kristus heheo-hihilun.

ROMA 16:20

Manetualain fo manafe mole-dame neu hataholi daebafa ka, neukose Ana tao Nitu neu emi koasa ma dae, fo tao makalulutu kana. Ela leo bee na ita Lamatuan Yesus Kristus ba'e-pala emi tataas esa!

1 KORINTUS 1:30

Hu ka nde Manetualain de nalosa emi da'di esa mo Kristus Yesus. Tunga Kristus, de Manetualain tao na ita da'di manatee tenok, ma tunga Ndia boe, de Manetualain tao na ita malole falik to Manetualain, nakadada'dik ita da'di Ndia hataholi kamahehele hehelin, ma Ana soi-tefa na ita.

1 KORINTUS 14:33

Hu ka nde ita Manetualain nde bee na, Manetualain fo Ana hii ka'da mole-dame, te Ana ta hii tasi'bu a fa. Sama leo ana da'di nai basa Manetualain hataholi kamahehele nala,

2 KORINTUS 5:19

Ami tui-benga mae, no Kristus hehela-nonolen de Manetualain tao na hataholi daebafa ka malole falik lon. Manetualain tao dede'ak ndia ta no ana leke sala-salak fo hataholi daebafa ka taon neu aoina na. Boema Manetualain fe ami be'ibalakaik soaneu tui-benga halak ndia.

FILIPI 1:10

No enok ndia, emi hele malelak bee ka nde malole, ma emi so'da ma balisi neme sala-singo ka mai do neme kalaak bee ka mai boe, nai Faik fo Kristus fali ma'i na.

FILIPI 1:6

Manetualain nde mulai tatao-nono'i malole ndia, neu emi a, de au amahele, neukose Ana tao-no'i nakandoo tatao-nono'ik ndia, losa nakababasa kana nai Kristus Yesus Fai fafali ma'i na.

FILIPI 4:9

Ela leo bee na, hata fo emi sipon ma manolin neme au a mai, tao tungan ma manea matalololen; nau neme hala-kokola ka mai do neme tatao-nono'i ka mai boe. Manetualain fo oe mata so'da-mole ka, nonok emi.

KOLOSE 1:22

Tehu besak ia no Manetualain Ana na mamate na de Manetualain tao na emi tututi nanatom mon ana, malole falik. No enok ndia, emi hapu masasale matak mo Manetualain no heheo-hihilu malalaok, matetu mandaak ma sala-singo tak.

1 TESALONIKA 2:19

Tete'e ka, emi nde ami namahehena ma, ma ami namahoko ma. Nana mahani te, metema Lamatuak Yesus Ana mai fo, ita teu tataan soona, neukose emi nde da'di, ami namatutua-namadedema ma!

1 TESALONIKA 3:11

Ela leo bee na, ita Aman Manetualain, ma ita Lamatuan Yesus, soi enok fe ami, fo ela ami hapu matongo mo emi!

1 TESALONIKA 3:13

No enok ndia, neukose Lamatua ka natetea-nahehele emi dale ma, fo emi da'di malalaok, ma emi ta masala-masingo nai ita Aman Manetualain matan, nai lelek fo ita Lamatuan Yesus, Ana mai no basa hata fo ana da'di Ndia nuu nala.

1 TESALONIKA 4:3

Manetualain hihii-nanaun nde ia: Manetualain nau, fo ela emi so'da ma da'di Ndia nuu hehelin, malalaok ma madook ao ma neme basa tatao-nono'i sosoa-piaok lala'ena mai.

1 TESALONIKA 5:22

Tehu madook emi ao ma, neme basa tatao-nono'i mangalau mata-matak lala'ena mai.

2 TESALONIKA 3:16

Lamatua ka nde bee na, ita oe mata so'da-mole na. Ela leo bee na, Ana fe so'da-molek neu emi, nai basa dede'ak lala'ena dalek. Ela leo bee na, Lamatua ka no emi basa-basa mala.

IBRANI 13:20

Manetualain tao naso'da falik basa ita Lamatuan Yesus neme mamate sa mai so. Hu ka nde mamaten ndia, de besak ia Ana da'di Mana Foo Matua Ina, ba'eneu ita, fo nde bi'ilopo nala. Mamaten ndia boeo, Ana pakunisa hehelu-balataa manaketu basa tak fo Manetualain taon no ita.

IBRANI 2:11

Yesus safe balisi hataholi daebafa ka leme sala-singo nala mai; ma Ndia nde tao balisi, boema sila fo nanatao balisak ndia, sama-sama lanuu Amak esa. Hu ndia de, Yesus ta mae manaku hataholi sila, da'dileo tolanoo nala fa.

IBRANI 4:12

Manetualain hala-kokolan nde bee na, hala-kokolak fo maso'dak, ma mabe'i-balakaik; tane na lenaheni tafaina tane kadua ka. Hala kokolak ndia, ana tola losa leo samane ka ma dula dale ka dae too na; ana tola losa leo bu'u-bu'u kala, ma dodole dui ka dae too na, nalosa ana bubuluk besa-besa no hataholi daebafa ka dale-aafin, ma dale tutu'u na.

YAKOBIS 1:4

Manea, fo ela emi dale makatatakam ndia, nakapela nakandoo, losa te'e-te'e, emi da'di matetu-mandaak, ma emi ta to'a taa hata esa boen.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.

2 PETRUS 3:14

Hu ndia, tolanoo susue-lalai ngala lemin! Nai lelek fo emi mahani Faik ndia, emi muse sanga enok te'e-te'e, fo emi so'da ma malalaok ma sala-singo tak nai Manetualain matan, Boema makaboboi emi tututi-nanatom no Manetualai na fo, malole nahele.

YUDAS 1:1

Tolano-tolanook fo, Manetualain nalo basak, ma sue-lai ma naneas soaneu Yesus Kristus. Da'dileo Yesus Kristu satan, au – Yudas – fo Yakobis tolanoo na,

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.