1 TESALONIKA 5:22 - Susula Malalaok Hehelu Palak Ma Hehelu Beuk

²² Tehu madook emi ao ma, neme basa tatao-nono'i mangalau mata-matak lala'ena mai.

1 TESALONIKA 5:22 ပူးပေါင်းရင်းမြစ်များ

KELUARAN 23:7

Madook aoinam-ma neme kalaak pepekok-ka mai, ma boso hu kande o tatao-nono'im de hataholi sala taak-ka nanahukunisak, nanahu Au fe salak neu hataholi manatao tatao-nono'i mangalauk matak leondiak-ka.

YESAYA 33:15

Emi hapu makatatakak, metema emi kokolak, ma tao-no'i hata fo ndoos-sa. Boso sanga nanalak nenik lulumu-eese hataholi nuu taa-hata taak-ka, ma boso sipo doi sosolo dalek. Boso tunga mo hataholi fo, ana tutu'u kanisak, do tatao-nono'i mangalauk fe'ek.

ROMA 12:17

Metema hataholi tao mangalauk neu emi soona, boso bala sana ninik mangalauk. Tao malole tunga hataholi a mata memete na.

1 KORINTUS 8:13

Hu ndia de, metema nana'a ka tao na au tolanoo kamaheheleng esa nasala-nasingo soona, neukose au ta u'a paa makandondook so'on. Nana boso nalosak, au tolanoong fo namahehelek esa ndia nasala-nasingo hu ka nde au.

2 KORINTUS 6:3

Ami ta nau ami lau-onon nanafe salak fa. Hu ndia de, ami sanga enok fo ami ta fe ne'ek neu hataholi esa boen soaneu ana tao dede'ak fo tao na hataholi fe salak neu ami.

FILIPI 4:8

Mate'e na, tolanoo kala tao mahenu dudu'a-aafi mala ninik dede'a kabelik, fo nandaa nanakoa-kiok, fo nde dede'a ndoos, ha'da-holomata, tunga ka'da ndo na, matetuk, manini suse-lalaik ma malole.

1 TESALONIKA 4:12

Metema emi maso'da leondiak soona, emi ta mamahena hataholi so'on, ma hataholi fo ta lamahele Kristu sa, neukose ala fe ha'da-holomata neu emi.

1 TESALONIKA 5:21

Emi muse palisak besa-besa mo basa hata lala'ena, fo bee ka nde malole a soona, muse tunga ka nde ndia.

1 TESALONIKA 5:23

Manetualain nde fe ita mole-dame ndia. Ela leo bee na, Ana tao na emi, te'e-te'e maso'da ka'da soaneu Ndia mesa kana. Ami hule-haladoi, fo ela leo bee na, nanea emi dale nakababale ma, dudu'a-aafim, ma emi tatao-nono'im, ta hapu sala-singok faa anak boen, nai faik fo ita Lamatuan Yesus Kristus fafali ma'i na.

YUDAS 1:23

Tulu-fali hataholi fe'e kala fo daenga laso'da, nono'ka bai de, emi hela henis leme ha'i pilak dale mai. Tulu-fali hataholi fe'ek, tehu manea matalolole, fo daenga emi boso tunga hataholi sila la, sala-singon. Soaneu hataholi fe'e kala, ela leo bee na emi sue-lais no bibii-namatua'uk, tehu mamanasas, nakalenak bua papake nala, hu ka nde sala-singo nala.

RUT SUSULAN-NA 3:14

Boema Rut sungu neme ndia, deka no Boas ein-a. Balahaa fafaik, fo bei makahahatu anan-na, te Rut fo'a so, fo sue kande hataholi boso nitan. Nana Boas ta nau hataholi esa boen, bubuluk nae Rut neu leo mamanak ndia neu.

RUT SUSULAN-NA 3:4

Taoafik matalololen, neu sungu nai bee. Metema ana sungu soona, muu leo ndia muu leon, fo silu heni ba'du manalun-na, fo sungu deka moo ein-na. Mahani te, neukose nafa'da o, hata fo o muse taon.”