1 TESALONIKA 5:20 - Susula Malalaok Hehelu Palak Ma Hehelu Beuk

²⁰ Boso heheta-aa'i hala-kokolak fo Manetualain Dula Dale na nafa'dan neu emi a.

1 TESALONIKA 5:20 ပူးပေါင်းရင်းမြစ်များ

HATAHOLI 13:1

Nai hataholi salanik Antiokia la dalek, hapu nabi-nabi ma mese-mese nala, fo nde Barnabas, Simon, fo ala foin na'de Ta'e Nggeok, Lukius neme Kirene mai, Menahem, fo lakaboboin sama-sama no Mane Herode sa, ma Saulus.

HATAHOLI 19:6

Nai lelek fo Paulus lalaa lima na neu hataholi sila la langan lain boema, Manetualain Dula Dale na koasa na hataholi sila la, de ala kokolak lalelak dede'a mata beuk, ma ala tui-benga Manetualain dede'a-kokolan.

1 KORINTUS 11:4

Metema touk esa ana pake lalaa langak nai lelek ana hule-haladoi, do nai lelek nanduku-nalosak halak maneme Manetualai na nai hataholi ba'u ka matan soona, hataholi ndia nakamumulu-nakamamaek Kristus.

1 KORINTUS 12:10

Dula Dalek ndia ana fe koasa neu hataholi esa fo ana tao manda'di beuk, ma neu nggelok soona, ana fes baba'e-babatik fo lafa'da Manetualain dale tutu'u nala. Neu nggelok seluk bai soona, Dula Dalek ndia fes be'ibalakaik fo lafa'da lalelak baba'e-babati bee ka nde neme Manetualain Dula Dale na mai, ma bee ka nde ta. Ana fe nggelok be'ibalakaik fo ala kokolak linik dede'a matabeu mata-mata kala, ma ana fe nggelok be'ibalakaik fo lafa'da mangalele'do dede'ak sila la sosoa-ndandaan.

1 KORINTUS 12:28

Leondiak boe nai salani ka dalek, Manetualain naketu basa mamanak soaneu hataholi mata-mata kala; Makasososa na hataholi nadedenu kala; kadua, nabi la, katelu, mese nala, boema sila fo manatao manda'di beu kala, basa boema sila fo nanafe baba'e-babatik soaneu lakahahaik hataholi, do soaneu tulu-fali hataholi fe'ek, do soaneu nauli-nalanga, do soaneu kokolak linik dede'a matabeu mata-mata kala.

1 KORINTUS 13:2

Leomae au tui-benga alelak Manetualain dede'a-kokolan ma au alelak basa dede'a nanabibila-babaa kala, ma au bubuluk basa hata lala'ena, boema au amahele anseli neu Manetualain, nalosa au adenu lete kala fo ala keko, tehu au ta sue-lai hataholi fe'ek fa soona, basa sila la sosoa-ndandaan ta.

1 KORINTUS 13:9

Nana ita malela na ma ita be'i balakain fo tui-benga Manetualain dede'a-kokola na, beita natetu-nandaa fa.

1 KORINTUS 14:1

Ela leo bee na emi sanga enok fo sue-lai hataholi fe'ek. Ma sanga enok boe, soaneu sipo baba'e-babatik fo Manetualain Dula Dale na fe kala, fo paluu nanseli a nde, be'ibalakaik soaneu tui-benga Manetualain dale tutu'u na neu hataholi daebafa ka.

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

1 YOHANIS 4:1

Tolano susue-lalai ngala lemin! Boso mamahele basa hataholi fo ala manaku lae, sila lanuu Manetualain Dula Dale na so, tehu so'ba su'dik, ade sila dula dalen ndia, tete'e ka Manetualain Dula Dalen ndia do ta. Nana besak ia, nabi pepekok makadotok lafeomeok lai basa mamanak lala'ena so.