1 TESALONIKA 5:10 - Susula Malalaok Hehelu Palak Ma Hehelu Beuk

¹⁰ Ana mate soaneu ita, fo neu fai mamai na ta bubuluk ita beitaso'da do, ita mate so ita hapu taso'da sama-sama ton.

1 TESALONIKA 5:10 ပူးပေါင်းရင်းမြစ်များ

MATEOS 20:28

Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

YOHANIS 10:11

Au nde manafoo malole. Manafoo malole a ana fe basa so'da na neu bi'ilopo nala.

YOHANIS 10:17

Ama ka sue-lai Au, nana Au feheni Au maso'da nga, fo daenga Au hapu fali kana.

YOHANIS 15:13

Hataholi manasue-lai tolanoo nala ba'u ka, nde hataholi fo ana feheni so'da na soaneu tolanoon sila la.

ROMA 8:34

Ade hapu hataholi nau fe salak neu ita do? Soona, mahani te Kristus Yesus nde nasala'e ita! Ndia nde manamate basa ka, ma naso'da falik neme mamate sa mai, de nangatuuk nai Manetualain boboa kona na.

1 KORINTUS 15:3

Hata fo au anduku-alosa kana neu emi ndia, nde bee na hata fo au sipon boe. Fo nanapaluuk nanseli a, sama leo nanasulak nai Susula Malalaok dale, au anduku-alosa kana neu emi ae, hu ka nde ita sala-singon de Kristus mate;

2 KORINTUS 5:15

Kristus mate soaneu hataholi lala'ena, fo ela hataholi maso'da ka ana boso naso'da soaneu aoina na mesa kana, tehu soaneu Kristus fo Ana mate de naso'da falik hu ka nde hataholi sila la paluu na.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

1 TESALONIKA 4:13

Tolano-tolanoo ngala lemin! Ami nau emi bubuluk matalolole, hata da'di soaneu hataholi mana mate basa kala; fo ela emi dale ma boso he'di sa, sama leo hataholi fo ala ta lamahena leo lakabubua lo Manetualai na fa.

1 TESALONIKA 4:15

Besak ia, ami nau mafa'da emi, hata fo Lamatua ka nanoli-nafa'dan, la'eneu dede'ak ndia, nae leo ia: Nai lelek fo Lamatuak Yesus fai mama'i na te, hataholi mana mate makahulu kala, lakahuluk leme ita hataholi bei maso'da kala.

1 TESALONIKA 4:17

Basa ndia soona, ita bei maso'dak nai faik ndia, ita sama-sama to hataholi sila la fo, teu tatongo to Lamatua ka nai ko'as lain nai lalai, fo ita leo to Lamatua ka, losa dodoo na.

1 TESALONIKA 5:6

Hu ndia de, ita bole sungu-sungu mesan, sama leo hataholi fe'e kala fa. Ita muse tanea matalolole, ma ita dudu'a-aafin, muse mangale'dok.

1 TIMOTIUS 2:6

Yesus Kristus ia, hataholi daebafak esa, fo Ana fe heni ao ina na, soaneu Ana soi tefa na basa hataholi lala'ena, leme sala-singo nala mai. No enok ndia, Manetualain naketu la'e fai na nae, Ana nau basa hataholi lala'ena, hapu so'dak.

2 TIMOTIUS 2:11

Dede'a-kokolak ia la, tete'e ka la'en: “Metema ita mate basa ton soona, neukose ita taso'da ton.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.