1 TESALONIKA 4:9 - Susula Malalaok Hehelu Palak Ma Hehelu Beuk

⁹ Hu ka nde Manetualain nanoli basa emi de, emi masue-malai ao so, de ta paluu ami fe seluk emi susulak, fo ami manoli emi so'on.

1 TESALONIKA 4:9 ပူးပေါင်းရင်းမြစ်များ

MAZMUR 133:1

Dauk nakamee dodonge-dadaman. Tete'ek-ka, malole ma namahokok nanseli, metema Manetualain anan-nala laso'da no mole-dame!

YESAYA 51:13

Masa bole, o mafandele heni Manetualain, fo manamakadada'dik o, fo mananakapepela lalai ma manape'da daebafak-ka buin-na? Tao le'e de, o dele faik-katemak esa dalen-na, neu hataholi manatuni-ndenik-ka, nasa manalua ponu-ponun-na, fo naheheleaon soaneu tao namate-namopo-ka? Te'e-te'e, sila nasa manalua ponu-ponun-na, neukose ta la'e o fa.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

YEREMIA 31:34

Ta hapu sila esa nanoli esa soaneu lalelak Manetualain fa. Nana sila basas, ana do matua, neukose lalelak Au. Sila salan-na lala'en-na neukose Au asanggango henis, sila sala-singon-nala lala'en-na neukose Au fe do'o do ampong neus. Au, Manetualain, nde manakokolak-ka.”

IMAMAT 19:8

Ba'eneu see, fo na'a paa ndia soona, ana lu'a-lepa aon salan-na, nanahu, ana ta fe ha'da-holomata neu hata fo nanafe hehelik soaneu Au so. Au ta sipok hataholi ndia da'di Au anang so'on.

MATEOS 22:39

Paleta kadua, sama leo paleta makasososa ka fo nae: Sue-lai o nonoo hataholi ma sama na leo o sue lai o ao ina ma.

YOHANIS 14:26

Tehu Manetualain Dula Dalen Fo Mana Tulu-Fali ndia, neukose Ama ka nadenun ana mai no Au na'de nga, fo Ndia nde, neukose nanoli emi basa hata lala'ena, boema Ana fe emi nafandendelek soaneu basa hata fo Au afa'dan neu emi so.

HATAHOLI 4:32

Basa hataholi kamahehelek sila la teikesa-dalekesa ma dudu'a-aafik esa. Ta hapu hataholi esa boen nafa'da nae, ndia hata-heton sila la ndia nuu mesan fa. La'a-pake hata-heto nala leu esa.

ROMA 12:10

Ela leo bee na emi masue-malai ao no dale katema-tuak sama na leo tolanook esa nai bobongik esa dalek, ma ela leo bee na esa fe ha'da-holomata neu esa.

2 KORINTUS 9:1

Tunga ndo na, ta paluu au sulak seluk fe emi susulak la'eneu tutulu-fafalik fo bei nanahaituak leo Manetualain hataholi kamahehelen manai Yudea la.

FILIPI 3:15

Ita basa-basa tala namahehelen na natea-nahele so; hu ndia de ita ha'da-tataon boeo, muse nandaa no ita namahehelen ndia. Tehu metema nai emi dalek, bei hapu hataholi nggelok hahapu na fe'ek soona, neukose Manetualain nafa'da mangalele'do fen neu emi boe.

1 TESALONIKA 5:1

Tolano-tolanoo ngala lemin! Ta paluu ami sulak seluk fe emi susulak so'on, la'eneu faihi'da fai na nandaa, fo basa dede'ak sila la, ala da'di.

IBRANI 10:16

Manetualain nafa'da nae, “Ia nde hehelu-balataak fo neukose Au taon no hataholi sila la, nai fai-faik fo manamai ka, ‘Neukose Au pe'da Au hoholo-lalaneng leo dale nala dalek neu, ma Au sula kana neu dudu'a-aafi nala dalek.’ ”

IBRANI 13:1

Ela leo bee na emi masue-malai ao mahele, da'dileo tolano-tolanook fo namahehelek esa.

1 PETRUS 3:8

Dede'a keke'u na nae: ela leo bee na emi teik esa-dalek esa ma dudu'a-aafik esa. Ela leo bee na emi masue-malai ao, sama leo tolanoo ka, boema esa tao malole neu esa, ma esa nakaloe-nakadae ao na neu esa.

1 PETRUS 4:8

Lenak neme basa sila lala'ena, ela leo bee na emi masue-malai ao te'e-te'e, nanahu no nasue-nalai ao ka, fo besa ka emi esa fe do'o do ampon neu esa.

2 PETRUS 1:7

Nai emi maso'dam fo tunga Manetualain hihii-nanau na dalek, muse tama selu kana no, emi susue-lalaim neu emi tolanoom fo, namahehelek esa boe. Basa soona, emi susue-lalaim neu emi tolanoom fo namahehelek esa, ela leo bee na, emi tama selu kana ninik, sue-lai basa hataholi lala'e na.

1 YOHANIS 2:10

Hataholi mana sue-lai tolano na, hataholi ndia naso'da nai mangale'dok dale, de hataholi ndia ta tao na hataholi fe'ek, tu'da leo sala-singok dale neu fa.

1 YOHANIS 3:11

Neme makasososan mai a, lafa'da basa halak ndia neu emi nae: Ita muse tasue-talai ao.

1 YOHANIS 3:23

Ana paleta ita tao dede'a ka nde ia: Ita muse tamahele Anan, fo Yesus Kristus, ma ita muse tasue-talai ao sama na leo Kristus paleta basan neu ita so.

1 YOHANIS 4:21

Hu ndia de, Kristus fe ita paleta nae leo ia, Ba'eneu see fo ana sue-lai Manetualain soona, ana muse sue-lai tolano nala boe.