1 TESALONIKA 4:4 - Susula Malalaok Hehelu Palak Ma Hehelu Beuk

⁴ Tou kala esa-esak, muse bubuluk, naso'da tao leo beek no saoina na, fo ana tao namahoko Manetualain dale na, ma hataholi daebafa ka dale na boe.

1 TESALONIKA 4:4 ပူးပေါင်းရင်းမြစ်များ

HATAHOLI 9:15

Tehu Lamatua ka nafa'da Ananias nae, “Ka'da mu leona! Nana Au hele basa hataholi ndia soaneu nalalau-naoono Au, ma ana tui-benga Au neu leoina fe'ek fo ala beita masok agama Yahudi a fa, ma neu mane-mane kala, boema neu Au hataholi kamaheheleng Israel ngala boe.

ROMA 1:24

Hu ndia de, Manetualain po'ilota kasa, fo daenga ala tao tunga ka'da sila dale hihii-nanau mesa nala, nalosa ala tao nonoo hataholi nala no ta malole fa.

ROMA 12:1

Tolano-tolanoo ngala lemin! Manetualain malole na ba'u na seli neu ita. Hu ndia de au oke anseli fo ela leo bee na, emi fe emi so'da ma da'dileo tutunu-hohotu maso'da hehelik soaneu Manetualain fo nandaa no dale na. Emi huhule-haladoim neu Manetualai na, muse leondiak.

ROMA 6:19

Hu ka nde emi malela ma beita dai fa de, au pake dede'a ata ndia, fo ana da'di natutu'duk esa soaneu emi, fo sue kande emi malelak sosoa-ndandaan lai-lai. Makahulu na tatao-nono'i manggenggeok ma tatao-nono'i mangalau kala, ala tao emi da'di ata soaneu tao tatao-nono'i mangalau kala. Leondiak boe besak ia, ela leo been-na emi fe la'iesak emi so'da ma neu Manetualain fo da'di ata soaneu tunga hihii-nanaun.

1 KORINTUS 6:15

Tolano-tolanoo kala bubuluk basa, emi ao paa ma nde bee na lima eik neme Kristus ao paa na mai. Da'di, ade au bole ho'i a Kristu sao paa na ei liman esa, boema au taon dadi hataholi manasosoa-piaok esa ei liman do? Ta leondiak makandondook fa!

1 KORINTUS 7:2

Tehu fo ela ana boso hapu dudungu-papauk soaneu tao dede'ak fo ta kandaa kala, malole lenak tou kala esa-esak masaoinak ma ina kala esa-esak masaotouk.

1 KORINTUS 7:9

Tehu metema emi ta makatatakak ma dale ma fa soona, malole lenak emi bole saoana. Nana malole lenak tolanoo ka saoana, neme emi nasa sao-anan lua ponu-ponu.

2 KORINTUS 4:7

Tehu hata-heto samanek mana'a hiik ndia nanape'dak nai uledae dale, fonde ami aoinam beli tak ia. No enok ndia nananitak nae, Manetualain nde koasa na lena, te ta ami fa.

FILIPI 4:8

Mate'e na, tolanoo kala tao mahenu dudu'a-aafi mala ninik dede'a kabelik, fo nandaa nanakoa-kiok, fo nde dede'a ndoos, ha'da-holomata, tunga ka'da ndo na, matetuk, manini suse-lalaik ma malole.

IBRANI 13:4

Basa hataholi lala'ena, muse latu'du heo-hilu ha'da-holomata soaneu uma lo a, hu ndia de ela leo bee na saotou saoinak, esa lilineka nahele no esa. Hataholi mana sosoa-piao ka ma manahohonge ka, neukose Manetualain naketu-nala'dis.

1 PETRUS 3:7

Ma ba'eneu emi, fo saotou kala lemin! Ela leo bee na, maso'da no dudu'a-aafi neuk mo emi saoina mala, ma emi muse bubuluk, sila be'i-balakain ta ba'u emi be'i-balakaim fa. Taos no ha'da-holomata, nanahu emi mo sila hapu maso'da matetu ka neme Manetualain mai. Tao tungan leondiak, fo ela boso hapu hata napanggengge emi huhule-haladoim.

SEMUEL SUSULAK-KA ESAN-NA 21:5

Dauk nataa nae, “Tao leo bee-o ta. Metema, ami makalala'ok ami bela-ba'um soona, au solda'dung-ngala lanea besa-besa, fo ela sila balisi lahele, tunga agama nakaneneten-na, leomae bela-ba'uk ndia, ka'da bela-ba'u biasa; mu'dahata no bela-ba'uk fo sama leo besak ia!”