1 TESALONIKA 4:13 - Susula Malalaok Hehelu Palak Ma Hehelu Beuk

¹³ Tolano-tolanoo ngala lemin! Ami nau emi bubuluk matalolole, hata da'di soaneu hataholi mana mate basa kala; fo ela emi dale ma boso he'di sa, sama leo hataholi fo ala ta lamahena leo lakabubua lo Manetualai na fa.

1 TESALONIKA 4:13 ပူးပေါင်းရင်းမြစ်များ

KEJADIAN 37:35

Basa anan-nala, nau touk do inak boe, ala mai kokoe-nanasin, tehu ana ta nau kokoe-nanasi fan. Nae, “Neukose au kii-makaleleu ahele au anang-nga losa au mate.” Leondiak ana falu nahele nanahu anan Yusuf.

2 SEMUEL 18:33

Manek-ka namanene dede'ak ndia boema, dalen-na he'dis-sa nanseli, de ana kae leo kama manai lelesuina lain neu, de ana kii-makaleleu ma nae, “Oh, au anang-ngonei! Au anang Absalom! Absalom, fo au anang-ngonei! Malole lenak, au nde mate nggati o, anang-ngo! Absalom, anang-ngonei!”

1RAJA-RAJA 1:21

Metema Ama Manek ta fe nakeketuk ndia fa soona, tao leo bee o mate basa Ama Manek tutika, au ma au ana mane nga neukose ala tao ami da'di hataholi mangalauk.”

1RAJA-RAJA 2:10

Basa boema mate Dauk de latoin nai Kota Dauk ka.

AYUB 1:21

ma nafa'da nae, “Au inang bongi au-a, au ta eni hata esa boen, de neukose au mate boeo, au ta eni hata esa boen. Manetualain nde fe-a, de Manetualain boeo nde ho'i falik-kana. Koa-kio na'den-na!”

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

YESKIAL 37:11

Manetualain nafa'da au nae, “Hai hataholi daebafak fo, manasapu-manalalok-konei, duik ia-la, ala da'di ta'du-tana neu leoina Israel-la. Ala haladoi lae sila duin-nala lamatuu, de mopo sila namahehenan-na, ma mopo sila maso'dan nai fai manamaik-kala.

DANIAL 12:2

Hataholi manamate basak sila-la ba'uk-ka, neukose laso'da falik; neukose nggelok hapu so'da manaketu basa taak-ka, ma neukose nggelok bai soona, nananakadadaek ma ala hapu toto'a-sosota matuaina fo manaketu basa taak-ka boe.

IMAMAT 19:28

Boso duik mahina emi loum-ma, fo tao ta'du-tana, do tao mahina aopaam-ma, da'di leo ta'du-tana manafalu mamates. Au nde Manetualain.

IMAMAT 21:2

ta'da fe'e manamatek ndia, ndia inan do ndia aman, do ndia anan, do ndia tolanoo toun,

MATEOS 27:52

Lates ala latahuka, de Manetualain hataholi kamahehele mana mate basa nala laso'da falik.

YOHANIS 11:24

Boema Marta nae, “Au bubuluk neukose Lasarus naso'da falik, metema hataholi manamate kala nanatao naso'da falik nai Fai Mate'e ka.”

HATAHOLI 13:36

Dauk tao nakababasak hata fo Manetualain fen tao-no'in, boema maten de latoi lakabubuan no bei ba'ikai nala so boe. Popola na, noeheni la'iesa kana so boe.

HATAHOLI 7:60

Boema ana senek ma ana nggasi napane'e nae, “Lamatuak, boso fe hataholi ia la lu'a-lepa sala-singok ia!” Nafa'da basa nae leondia boema maten.

HATAHOLI 8:2

Hataholi fo lamahele neu Manetualai na, latoi Stefanus. Dale nala he'di sa, de ala kii-makaleleun.

ROMA 1:13

Tolano-tolanoo ngala lemin! Au nau emi bubuluk nana la'i ba'u ka, au dodoo ae ne'i donge-dama emi, tehu au ta hapu loak makandondook fa. Nana au nau au ue-osang nini buna-boak fe emi, sama na leo hataholi ta Yahudi fo manaleo nai mamana fe'e kala boe.

1 KORINTUS 10:1

Tolano-tolanoo ngala lemin! Ela leo bee na mafandendelek, hata fo ana da'di neu ita bei ba'ikai nala, lelek fo ala tunga Musa. Ko'a sa nasulu-nahapa na la'iesa kasa, de ala lena lala Tasi Pila sa selik no so'da-molek.

1 KORINTUS 12:1

Besak ia la'eneu baba'e-babatik fo Manetualain Dula Dale na fe kala. La'eneu dede'ak ia la soona, au nau tolanoo ka bubuluk ndoo-matetun.

1 KORINTUS 15:6

Basa ndia boema, natu'du aoina na seluk neu hataholi manatungan, lenak neme natun lima la'iesa tutik. Hataholi sila la, ba'u na bei laso'da losa besak ia, ka'da sila de'ubee soona mate sos.

2 KORINTUS 1:8

Tolano-tolanoo ngala lemin! Ami nau emi bubuluk la'eneu toto'a-tataak fo ami la'ola'din nai nusa Asia. Doidosok fo ami lu'a-lepak ndia, ana ne'e nambela ami de nalosa ami ta mamahena neukose maso'da so'ok;

EFESUS 2:12

Nai lelek ndia, emi ta da'di esa mo Kristus fa. Emi nde bee na, hataholi manamai, fo emi ta masok nai Manetualain hataholi kamahehele nala dalek fa. Emi ta masok nai Manetualain hehelu-balataan fo Ana taon no hataholi kamahehele nala dalek fa. Emi maso'da nai daebafa ka, ta no namahehenak ma ta no Manetualain.

EFESUS 2:3

Makahulu na, ita basa-basa tala sama leo sila boe; ita taso'da tunga ita ha'da-tatao hataholi daebafa na, ma ita tao-no'i hata fo nandaa no ita dudu'a-aafi ao paa na. Nai lelek ndia, Manetualain nasa-melun tu'da la'e ita, sama leo hataholi fe'e kala boe.

1 TESALONIKA 4:14

Ita tamahele Yesus maten, ma naso'da falik so. Hu ndia de, ita boeo tamahele, neukose Manetualain tao naso'da falik basa hataholi kamahehele mana mate basa kala, fo sue ka nde laso'da sama-sama lo Yesus.

1 TESALONIKA 4:15

Besak ia, ami nau mafa'da emi, hata fo Lamatua ka nanoli-nafa'dan, la'eneu dede'ak ndia, nae leo ia: Nai lelek fo Lamatuak Yesus fai mama'i na te, hataholi mana mate makahulu kala, lakahuluk leme ita hataholi bei maso'da kala.

1 TESALONIKA 5:10

Ana mate soaneu ita, fo neu fai mamai na ta bubuluk ita beitaso'da do, ita mate so ita hapu taso'da sama-sama ton.

1 TESALONIKA 5:6

Hu ndia de, ita bole sungu-sungu mesan, sama leo hataholi fe'e kala fa. Ita muse tanea matalolole, ma ita dudu'a-aafin, muse mangale'dok.

2 PETRUS 3:4

fo ala kokolak lae leo ia, “Lafa'da lae, Lamatua ka helu nae, neukose Ana mai! Na, besak ia Ana mai de, nai bee? Ita ama kai nala, mate basas so, tehu basa hata lala'ena, bei sama leo makahulu na, fo nai lelek Manetualain nakadada'dik lalai a no daebafa ka boe!”

2 PETRUS 3:8

Tehu tolano-tolanoo ngala lemin! Boso mafandele heni dede'ak esa nde ia nae, tunga Lamatua ka mata memete na soona, faik esa, sama leo teuk lifun esa a'eneu Lamatua ka. Duas matak esa.