1 TESALONIKA 3:11 - Susula Malalaok Hehelu Palak Ma Hehelu Beuk

¹¹ Ela leo bee na, ita Aman Manetualain, ma ita Lamatuan Yesus, soi enok fe ami, fo ela ami hapu matongo mo emi!

1 TESALONIKA 3:11 ပူးပေါင်းရင်းမြစ်များ

YESAYA 63:16

Ade, O ta nde ami Amam fa do? Abraham ma Yakob, ta lalelak ami fa. Tehu O, ou Manetualain, O nde been-na, ami Amam, ami Manasoi-manatefam, neme makahulun eli mai.

YEREMIA 31:9

Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

MALEAKHI 1:6

Manetualain Fo Manakoasa, nafa'da basa imam-mala nae, “Ni'iana esa, ana fe ha'da-holomata neu aman, ma malalau-maoono esa, ana fe ha'da-holomata neu ndia tuan-na. Au ia, emi Amam; tao le'e de, emi ta fe ha'da-holomata neu Au fa? Au ia, emi malangam-ma; tao le'e de, emi ta bii-mamata'u neu Au fa? Emi makamumulu-makamamaek Au, tehu emi matane mae, ‘No enok leo bee ka, ami makamumulu-makamamaek O?’

MATEOS 6:14

Makanaema emi fe do'o do ampon neu hataholi mana tao salak neu emi soona, neukose emi Amam manai nusa so'da ka boeo, Ana fe do'o do ampon neu emi sala-singo mala.

MATEOS 6:18

fo daenga hataholi la boso bubuluk emi oka ao mala, ta'da fe'e emi Amam fo nananita tak ndia mesa kana nita emi tatao-nono'im nananafunik ndia, fo neukose Ana fe emi ngga'di.”

MATEOS 6:26

Mete su'dik manupui manai lalai la. Ala ta tao tina-osi, ala ta ketu-kolu, ma ha'de soka ta kala boe, tehu emi Amam manai nusa so'da ka bei nakaboboi naheles tunga faik! Ade emi beli ma ta ba'ulena manupui sila fa do?

MATEOS 6:32

Ka'da hataholi fo ta lalelak Manetualai na nde, usi basa dede'ak sila la. Te see ko na emi Amam manai nusa so'da ka, Ana bubuluk basa, emi paluu basa sila la.

MATEOS 6:4

Neme na fo emi tatao-nono'im ndia hataholi boso bubulu kana, fo ela ka'da emi Amam manai nusa so'da ka mesa kana nde bubuluk emi tatao-nono'i nafunim ndia, fo daenga Ana fe emi ngga'di nai nusa so'da ka.”

MATEOS 6:6

Tehu metema emi hule-haladoi soona, meu leo kama dale meu, fo kena lelesu a neu, fo hule-haladoi neu emi Amam fo nananita tak ndia. Soona emi Amam fo manai nusa so'da ka, nita emi tatao-nono'i nafunim ndia, de neukose Ana fe emi ngga'di.

MARKUS 1:3

Hapu hataholi nalo bou-bou nai mo solokae ka nae, ‘Sadia enok soaneu Lamatua ka leona, tao matetu basa enok fo neukose Ana la'ola'di kala.’ ”

LUKAS 12:30

Dede'a-dede'ak leondia ka nde hataholi fo ta nalelak Manetualai na, ana usi nana. Te se'ko na emi Amam bubuluk nae, memak emi paluu basa sila lala'ena.

LUKAS 12:32

“Emi dede'u ma ka'da lumanak mesa kana de boso bii! Nana emi Amam boeo no namahokok hapu paleta nai emi maso'da ma dalek.

YOHANIS 20:17

Boema Yesus naen nae, “Boso taila'e Au dei, te Au beita kae leo Ama ka u fa. Tehu fali mu'u ma leon, fo mafa'da Au tolanoon gala mae, besak ia Au kae falik leo Au Ama nga ma o Amam, ma Au Manetualai nga ma o Manetualai ma.”

ROMA 1:3

Hala Malole ndia, ana tui la'eneu Manetualain Anan, fo ita Lamatuan Yesus Kristus. Fo tunga hataholi daebafa ka hahapu na soona, Yesus Kristus ndia nde bee na Dauk tititi-nonosin,

2 KORINTUS 6:18

Neukose Au da'di emi Amam, ma neukose emi da'di Au anang. Leondiak Manetualain fo Mana Koasa nafa'da.”

GALATIA 1:4

Nana hu ka nde Kristus Ana tunga ita Aman Manetualain hihii-nanaun, de Ana fe heni ao ina na, da'di neu tutunu-hohotuk soaneu ita sala-singo nala, fo ela Ana soi-po'i na ita teme ha'da-ndandaa daebafa mangalau ka mai.

1 TESALONIKA 3:13

No enok ndia, neukose Lamatua ka natetea-nahehele emi dale ma, fo emi da'di malalaok, ma emi ta masala-masingo nai ita Aman Manetualain matan, nai lelek fo ita Lamatuan Yesus, Ana mai no basa hata fo ana da'di Ndia nuu nala.

1 TESALONIKA 4:16

Mahani te, neukose ata nusa so'da kala malanga na, naloo napane'e ma Manetualain pupuu na, nanapuuk da'di ta'du-tana esa. Soona, Lamatuak Yesus kona neme nusa so'da ka mai, ma hataholi kamahehelek mana mate basa kala, neukose Manetualain tao naso'da fali kasa lakahuluk.

1 TESALONIKA 5:23

Manetualain nde fe ita mole-dame ndia. Ela leo bee na, Ana tao na emi, te'e-te'e maso'da ka'da soaneu Ndia mesa kana. Ami hule-haladoi, fo ela leo bee na, nanea emi dale nakababale ma, dudu'a-aafim, ma emi tatao-nono'im, ta hapu sala-singok faa anak boen, nai faik fo ita Lamatuan Yesus Kristus fafali ma'i na.

2 TESALONIKA 2:16

Ela leo bee na, ita Lamatuan Yesus Kristus ma ita Aman Manetualain, fe emi kokoe-nanasik, ma natetea-nahehele emi dale ma, fo ela emi hapu tao-no'i ma tui-benga hata fo malole. Hu ka nde Manetualain sue-lai ita, ma hu ka nde dale malole na de, Ana tao na ita tatea-tahele, boema ita tamahena ka'da hata fo malole.

2 TESALONIKA 3:16

Lamatua ka nde bee na, ita oe mata so'da-mole na. Ela leo bee na, Ana fe so'da-molek neu emi, nai basa dede'ak lala'ena dalek. Ela leo bee na, Lamatua ka no emi basa-basa mala.

2 TESALONIKA 3:5

Ela leo bee na, Lamatua ka hela-nole emi, fo daenga emi boetai malelak Manetualain susue-lalain neu emi a, boema Kristus fe emi be'ibalakaik fo emi hapu makatatakak nai basa dede'ak lala'ena dalek.

1 YOHANIS 3:1

Mete mitak Manetualain sue-lai na ita ba'u na seli de, nalosak ita nanaseseik lae, Manetualai nana nala. Ma memak ita nde bee na, Manetualai nana nala. Hu ndia de daebafa mangalauk ia, ana ta nau nalelak ita fa nana, ta nalelak Manetualain fa.

NINITAK 21:3

Boema au amanene hala ka neme kandela manek ndia nalo bou-bou napane'e nae, “Besak ia Manetualain mamana leleo na nde bee na nakabubua no hataholi daebafa ka! Neukose naso'da nos, ma neukose ala da'di Manetualain hataholi kamahehelen. Neukose Manetualain nde leo nos, ma Ana da'di sila Manetualai na.