1 TESALONIKA 3:10 - Susula Malalaok Hehelu Palak Ma Hehelu Beuk

¹⁰ Lele'do le'odaen, ami hule-haladoi neu Manetualain no dale katema tuak, fo ela ami hapu matongo matam mo emi, fo ami tao matetu hata fo emi paluu ka, soaneu emi mamahele neu Kristus tunga matetu na.

1 TESALONIKA 3:10 ပူးပေါင်းရင်းမြစ်များ

LUKAS 2:37

ana da'di inafalu, losa besak ia teun faluhulu ha so. Beita la'iesa fo ana la'oela Manetualain Uma na fa. Lele'do le'odaen nai ndia, fo ana sene-do'ok neu Manetualain, ninik hule-haladoi ma oka ao na.

HATAHOLI 26:7

Leoina Israe la leoana kasanahulu dua nala boeo lamahehenadae lo hehelu-balataak ndia, de nalosa lele'do-le'odaen ala hule-haladoi neu Manetualain. Ama Manek fo Mandela-Masa'ak! Hu ka nde au amahele hehelu-balataak ndia de hataholi Yahudi la fe salak neu au.

2 KORINTUS 1:15

Hu ka nde namahehelek ndia de neme makasososan mai a, au tutu'u basa ne'i donge-dama emi, fo ela emi hapu baba'e-papalak diku la'i dua.

2 KORINTUS 1:24

Au ta laka-akaseti emi la'eneu hata fo emi muse mamahelen, nana emi mamahele manseli neu Kristus so. Ka'da au tao-no'i neu esa o emi, fo ela emi boetai maua-manale.

2 KORINTUS 13:11

Mate'e na tolano-tolanoo kala ela leo bee na emi mamahoko, ma sanga enok leona fo da'di matetu-mandaak. Sipo ma basa au nanoli-nafa'dang lala'ena. Ela leo bee na emi dalek esa ma maso'da no mole-dame. Manetualain fo Mana Sue-lai Matuaina, ma manini mole-dame ndia, neukose no emi.

2 KORINTUS 13:9

Ami mamahoko, metema ami tapandoe ma emi balakaik. Nakalenak ami hule-haladoi boe, fo ela emi da'di matetu-mandaak.

FILIPI 1:25

Au amahele dede'ak ndia. Hu ndia de au bubuluk basan, neukose au leo ahele o emi, fo ela au hapu tulu-fali emi, fo emi boetai balakai ma emi boetai mamahoko nai namahehelek nai Lamatua ka dalek.

KOLOSE 1:28

Kristus ndia nde ami tui-bengan neu basa hataholi lala'e na. Ami manoli-mafa'das ma ami fes nasanene'dak, ninik basa ami dudu'a-aafim lala'e na. Ami hihii ma nde bee soona, ami nau moo basa hataholi lala'ena leo Manetualain mai, fo namahehele nala latea-lahele, nanahu ala da'di esa lo Kristus so.

KOLOSE 4:12

Nate'ak neme Epafras. Emi hataholin ndia boe. Kristus Yesus atan ndia fo ana manggate hule-haladoi tataas esa fe emi. Ana noke te'e-te'e neu Manetualain fo ela emi namahehele ma da'di natea-nahele, ma emi mamahele te'e-te'e, fo daenga emi tunga Manetualain hihii-nanaun lala'ena, no matetu-mandaak.

1 TESALONIKA 3:11

Ela leo bee na, ita Aman Manetualain, ma ita Lamatuan Yesus, soi enok fe ami, fo ela ami hapu matongo mo emi!

2 TESALONIKA 1:11

Hu ndia de, ami hule-haladoi tataas esa fe emi. Ami hule-haladoi neu Manetualain fo ela emi hapu maso'da tunga hihii-nanaun; hu no dede'a ka nde ndia de, nalo emi. Ela leo bee na, Manetualain koasa na, tao natetea-nahehele emi, fo ela emi tao-no'i dede'a malole. Manetualain koasa na boeo, sama-sama no emi fo, emi tao-no'i tatao-nono'i mateu-mandaak, hu ka nde emi mamahele Kristus.

2 TIMOTIUS 1:3

Au oke makasi neu Manetualain fo, au alalau-aoonon no dale katema tuak, sama na leo makahulu na, au bei ba'i kai ngala tao-no'i ka. Au oke makasi tataas esa neu Manetualain, nai lelek fo au afandele o nai huhule-haladoi ka dalek, leomae lele'dok do le'odaek ndia boe.

FILEMON 1:22

Au amahena tolanoo ka sadia fe au kama esa nai tolanoo ka umam, nana au amahena Manetualain sipok emi basa-basa mala huhule-haladoim, fo no falik au leo emi neu.

NINITAK 4:8

Mahahae kahak sila la esa soona, li'dan ne, boema nai boboa-kaisun ma nai dalek henuk no matak. Lele'do-le'odaen mahahaek sila la ta hahae lakamee lae, “Malalaok, malalaok, Manetualain malalaok, Manetualain Mana Koasa; fo nai ia, nai ia so, ma nai ia losa doo na.”

NINITAK 7:15

Hu ndia de, lapadeik lai Manetualain kandela mane na mata na fo ala koa-kion lele'do-le'odaen nai Manetualain Uman dale. Ma Ndia fo nangatuuk nai kandela manek ndia lai na, neukose Ana mai fo nasulu-nahapas.

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.