1 TESALONIKA 2:18 - Susula Malalaok Hehelu Palak Ma Hehelu Beuk

¹⁸ Ami dodoo mae, ami sanga meu donge-dama emi de au soba hain la'i esa do la'i dua so, tehu Nitu a napanggengge nahele ami.

1 TESALONIKA 2:18 ပူးပေါင်းရင်းမြစ်များ

AYUB 33:14

Manetualain kokolak nenik enok mata-matak-kala tehu, ta hapu hataholi esa boen, taoafik neu hala-kokolan fa.

MATEOS 4:10

Boema Yesus nataa nitu nae, “Hei mana dudungu-papau ko nei! O la'o leona. Te nai Susula Malalok dale nanasulak nae, Makaluku-makatele neu Lamatuak fo o Manetualai ma, ma malalau-maoonon!”

ROMA 1:13

Tolano-tolanoo ngala lemin! Au nau emi bubuluk nana la'i ba'u ka, au dodoo ae ne'i donge-dama emi, tehu au ta hapu loak makandondook fa. Nana au nau au ue-osang nini buna-boak fe emi, sama na leo hataholi ta Yahudi fo manaleo nai mamana fe'e kala boe.

ROMA 15:22

Hu ndia de, nasi'a su'di bee ka napangengge au fo au ta ne'i donge-dama emi fa.

1 KORINTUS 16:21

Au akadaik seluk nate'ak nai ia, fo au sulak aong nae: Nate'ak neme au, Paulus.

FILIPI 4:16

Lelek fo au bei eme Tesalonika, au paluu tutulu-fafalik, de emi haitua fe au, tutulu-fafalik lenak neme la'i esa mai so.

KOLOSE 4:18

Nate'ak neme au, Paulus. Au mesa nga nde sulak baba'ek ia. Boso mafandele henin te, besak ia au bei nai bui dale! Ela leo bee na, Lamatua ka fe baba'e-papalak neu emi. Ha'da-holomata neme ami, Paulus

2 TESALONIKA 3:17

Nate'ak neme au fo Paulus. Au mesa nga nde sulak nate'ak ia. Au sulak ta'du ia, neu basa au susula ngala.

FILEMON 1:9

Tehu, hu ka nde au sue-lai tolanoo ka de, ka'da au oke mesan ia. Au lasik esa, ma besak ia au nanatahan nai bui dale, nana au tui-benga Kristus Yesus.

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.