1 TESALONIKA 2:11 - Susula Malalaok Hehelu Palak Ma Hehelu Beuk

¹¹ Emi bubuluk basa, ami sue-lai emi esa-esak, sama leo amak esa, ana sue-lai ana nala.

1 TESALONIKA 2:11 ပူးပေါင်းရင်းမြစ်များ

1 TAWARIKH 28:20

Basa boema Dauk nafa'da seluk anamanen Salomo nae, “O muse mamahele ma mapalani. Mulai ho'u tatao-nono'ik ndia leona, ma boso bii neu hata esa boen. Manetualain fo au sene-do'ok-ka, neukose tulu-fali o. Neukose Ana ta la'oela o fa. Neukose nai o boboam-ma losa basa tatao-nono'ik ndia lala'en-na.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

MAZMUR 34:11

Singa-la boeo lamala'a, nanahu nana'ak-ka ta dai fa; tehu hataholi fo, manasene-do'ok neu Manetualain-na, ana ta to'a-taa fa.

AMSAL 1:10

Anang-ngonei, metema hataholi fufu'di-oo'dok o soona, boso tunga sila fufu'di-oo'don ndia.

AMSAL 1:15

Anang-ngonei, boso tunga hataholi matak leo silak-kala! Madook aoinam-ma, neme hataholi sila-la mai.

AMSAL 2:1

Au anang-ngonei, sipo-ma au nanoling-ngala, ma mafandendelek tataas esa, neu au nanoli-nafa'dang neu o-a.

AMSAL 3:1

Anang-ngonei, boso mafandele heni hata fo au anolin neu o so. Mafandendelek tataas esa neu au paletang-nga,

AMSAL 6:1

Anang-ngonei, fafa'kama o maheluk hai moo hataholi esa, fo o bae huta-bu'un.

AMSAL 7:1

Hei anang-ngonei, mafandendelek mahele au hala-kokolang, ma boso mafandeleheni hata fo au paleta-kala neu o.

AMSAL 7:24

Hu ndia anang-ngala lemin, mamanenen neu au. Taoafik neu au nanoling-ngala.

BILANGAN 27:19

Madenun fo napadeik neu Imam Eleazar-ra, ma basa hataholi Israel-la lala'en-na matan. O muse po'a-benga nai basa hataholi sila-la matan, mae Yosua nggati o.

LUKAS 16:28

Te au tolanoong lima bei lai ndia. Madenu Lasarus neu fo ana fes nasanene'dak, fo daenga boso nalosak sila boeo masok leo mamana doidosok ia mai.’

HATAHOLI 20:2

Neu donge-dama nggolo-nggolok manai Makedonia la, de ana fes nanoli-nafa'da ba'u neu hataholi kamahehelek neu Yesus manai naa la, fo latea-lahele dale nala. Basa boema, neu leo Yunani neu.

EFESUS 4:17

Hu ndia de, no Lamatua ka na'de na, au sanga afa'da dede'a ka nde ia no balakaik ae, boso boe maso'da sama leo hataholi fo beita nalelak Manetualain fa, fo ana dodoo ka'da hata mana da'di ta kala.

ULANGAN 3:28

Fe Yesua natutu'duk. Matetea-mahehele dalen-na, nana neukose ndia nde nauli-nalanga leoina ndia leo Lee Yarden-na selik neu, fo langatuu-la nusak fo o mitan ndia.’

ULANGAN 31:14

Basa boema, Manetualain nafa'da Musa nae, “O so'dam-ma, ta dook-ka so'on. Da'di, muu fo moo Yosua leo Au Lalaa Temang-nga neu, fo ela Au fen natutu'duk.” Boema, Musa no Yesua leu leo Manetualain Lalaa Teman-na leu,

1 TESALONIKA 2:7

Tehu ami tao manga'uk neu emi nai lelek ami nai emi tala'da, sama leoinak esa nasaluluku ana nala.

1 TESALONIKA 4:1

Tolano-tolanoo ngala lemin! Mate'e na, ami fe basa emi natutu'duk la'eneu emi muse maso'da tao leo beek fo, nandaa no Manetualain dale na. Memak emi maso'da leondiak so. Tehu besak ia, no Lamatuak Yesus koasa na, ami moke manseli, ma ami makaseti emi, fo ela emi boetai sanga enok seluk, nai basa dede'ak sila la dalek.

1 TESALONIKA 4:6

Nai basa tatao-nono'ik sila la dalek, emi boso ke'dindiu do tao mangalauk neu emi tolanoo ma do tipu dain. Makahulu na ami fe basa emi nasnene'dak mae, neukose Lamatua ka huku hataholi mana tao-no'i tatao-nono'i masalak leo sila kala.

1 TESALONIKA 5:11

Hu ndia de, ela leo been-na emi esa nanoli-nafa'da esa, ma esa natetea-nahehele esa, sama leo besak ia, emi tao ka.

1 TESALONIKA 5:14

Tolano-tolanoo ngala lemin! Ami moke boe, fo daenga manoli-mafa'da hataholi mana pela-bale kala; matetea-mahehele hataholi mana bii-mamata'u kala; tulu-fali hataholi mana paluu tutulu-fafalik, ma boso haelai mamanasa hataholi.

2 TESALONIKA 2:5

Mafandendelek te, au afa'da hai dede'ak sila la neu emi, ndek makahulu na, au bei sama-sama o emi a.

2 TESALONIKA 3:12

No Lamatuak Yesus koasa na, ami paleta hataholi sila la, ma ami fes nasanene'dak, fo ela laue-lale'di, soaneu ala tunga sanga aon, sila so'da na.

1 TIMOTIUS 5:21

Nai Manetualain, Kristus Yesus ma ata nusa so'da nanahele kala matan, au oke fo ela o tunga basa nanoli-nafa'dak ia la no boso neo hataholi esa boen, ma boso metematak.

1 TIMOTIUS 5:7

Manoli nanoli-nafa'dak ia la neu salani kala, fo ala boso tao sala-singok.

1 TIMOTIUS 6:13

Ma besak ia, nai Manetualain fo mana fe hahae maso'da ka neu basa hata lala'ena matan, ma nai Kristus Yesus fo mana mafa'da ndoos neme Pontius Pilatus mata na, au oke dede'ak esa nde ia neme o mai:

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

1 TIMOTIUS 6:2

Ata bee tua na hataholi salanik soona, boso nakasoe no tuan ndia, nana sila basa-basas hataholi salanik mesan. Te sila muse lalalau-laoono sila tuan ndia, no malole lena seluk bai, nana Manetualain sue-lai sila ma sila tuan ndia boe. O muse manoli-mafa'da basa dede'ak ia la lala'ena.

TITUS 2:15

Manolis basa dede'ak sila la, ma manoli-mafa'das, ma kena-ka'i basa o hataholi mana mamanene kala, no malole. Boso po'ilotak hataholi esa boen, nakadadaek o.

TITUS 2:6

Leondiak boe, manoli hataholi muli-solu kala, fo ala da'di hataholi manatee tenok.

TITUS 2:9

Mafa'da basa ata-ata la, fo sila muse tunga sila malanga na paleta na, ma ala tao lamahoko dale nala, nai basa dede'ak lala'ena dalek. Sila ta bole laban sila malanga na,

IBRANI 13:22

Au dokodoe, fo ela emi taoafik neu au nanoli-nafadang ia, no boso haelai mamanasa, nanahu au susulang ia, ta manalu nanseli fa.

3 YOHANIS 1:4

Ta hapu hata esa boen, fo ana tao namahoko au dale nga lena neme, au amanene lae, au ana ngala laso'da tunga Manetualain nanoli nala.