1 TESALONIKA 2:10 - Susula Malalaok Hehelu Palak Ma Hehelu Beuk

¹⁰ Ami maso'da no malalaok, ndoos, ma ami ta masala-masingo soaneu emi fo, mana mamahele basak neu Kristu sa so. Manetualain ma emi, nde da'di ami sakasii ma.

1 TESALONIKA 2:10 ပူးပေါင်းရင်းမြစ်များ

YEREMIA 18:20

Natetu-nanda malole-a nanabalak nenik mangalauk-ka? Tehu sila kali bolok, fo ela au tu'da leo dalek neu. Mafandele dei, te au asala'e sila nai O matam, fo ela O boso mamanasa neu sila.

BILANGAN 16:15

Musa namanasa nanseli, de nafa'da Manetualain nae, “Manetualain, Boso sipok sila tutunu-hohotun. Beita la'iesa boen, fo au tao akatutu'dak sila hataholin esa boen; lena-lenak, beita la'iesa boen, fo au ho'i-a sila keledein esa boen.”

LUKAS 23:41

Ka'da ita dua huhuku na, memak nandaa no ita tatao-nono'in. Tehu Hataholi ia salan ta makandondook!”

HATAHOLI 20:18

Lelek ala losa, boema Paulus nafa'das nae, “Dodoo basa ia, tolanoo kala bubuluk basa au so'da nga leo beek, mulai neme fai makasososak fo au losa nusa Asia.

HATAHOLI 20:26

Hu ndia de, faik ia au afa'da emi te metema nai emi basa-basa mala ia, nggelok hapu momopo-mamates soona, au salang ta ndia fa.

HATAHOLI 24:16

Hu ndia de au sanga enok matalolole tatas esa fo daenga au dale bobongo ana nga balisi soaneu Manetualain, ma balisi soaneu hataholi daebafa ka.

2 KORINTUS 1:12

Ami mamahoko nana ami dale bobongoana ma natetea-nahehele ami nae, ami maso'dam nai daebafak ia, makasososa na ami tututi-nanatom mo emi a, ami makalala'ok basan no dale ndoos ma matetuk so. Ami tao basa sila la ta no hataholi daebafak manatee teno na fa, tehu no be'ibalakaik fo Manetualain fe ka.

2 KORINTUS 11:11

Tao le'e de au afa'da ae leondia? Ade hu ka nde au ta sue-lai emi fa do? Manetualain bubuluk au sue-lai emi!

2 KORINTUS 11:31

Manetualain, fo Lamatuak Yesus Aman, Ana bubuluk nae, au ta pepeko fa. Koa-kio na'de na losa dodoo na.

2 KORINTUS 4:2

Ami ta pake eno-dala makahatuk fo nini bibii-mamaek fa. Ami ta nau maue-male'di no tipu-daik do puputa-papaik Manetualain dede'a-kokolan fa. Ami malalau-maoono Manetualain no dale neuisik tunga hihii-nanaun. Hu ndia de, ami mamahena basa hataholi la tai-dodoo ami no malole, nandaa no dale bobongoana nala.

2 KORINTUS 5:11

Ami bubuluk, sosoak hata ita bii Lamtua ka; hu ndia de ami sanga enok fo hataholi la lamahele, see ami ia. Manetualain nalelak besa-besa no ami, de au amahena emi boeo malelak ami nai emi dalem dale.

2 KORINTUS 7:2

Sipok ami nai emi dalem dale. Ami ta masala neu hataholi esa boen, ma ami beita makatutu'dak mita hataholi esa boen. Ami ta la'u nanalak makandondook neme su'di see a mai boen.

1 TESALONIKA 1:5

Nana ami tui-benga Hala Malole neu emi, ta ninik ka'da hala-kokolak mesa kana fa, te ninik koasa, ma Manetualain Dula Dale na. Ma ami mamahele te'e-te'e neu Hala Malole ndia ndo na. Emi bubuluk, tao leo beek de, ami maso'da soaneu emi paluu ma, nai lelek fo ami bei makabubua mo emi a.

1 TESALONIKA 2:5

Emi boeo bubuluk, beita la'iesa fo ami fufu'di-oo'dok emi ninik dede'a-kokolak makee-mamina fo sue ka nde ami hapu doik neme emi mai. Manetualain nde da'di sakasii a! Nana amai ta mape'da dudu'a-aafi leondiak makandondook fa.

2 TESALONIKA 3:7

Emi nde bubuluk mae, emi muse maso'da sama leo ami. Nai lelek fo ami bei nai emi tala'da, ami ta pela-bale fa.

1 TIMOTIUS 4:12

Boso fe hataholi nakadadaek o, hu ka nde o bei muli soluk. Te ela leo been-na, o da'di natutu'duk esa ba'eneu hataholi kamahehele kala, nai o dede'a-kokolam ma o ha'da tataom dalek, nai o susue-lalaim neu o nonoo hataholi ma dalek, nai o namahehelem neu Kristus Yesu sa dalek, ma nai o so'da malalao-malalafu ma dalek.

2 TIMOTIUS 3:10

Tehu o soona, o tunga au nanoli-nafa'dang, au ha'da-tataong, au so'da nga tetee-tutu'dan so. O mita matam, tao leo beek de, au amahele te'e-te'e neu Yesus Kristus, ma au sue-lai nonoo hataholi ka so. O boeo bubuluk basa, au ta hae lai amanasa ma au nakatataka nga so.

1 PETRUS 5:3

Boso tao emi ao ina ma, nono'kabai de, emi da'di mana koasa neu hataholi fo ala fe emi maneas ala, te emi muse da'di natutu'du malole soaneu hataholi sila.