1 TAWARIKH 9:28 - Susula Malalaok Hehelu Palak Ma Hehelu Beuk

²⁸ Hataholi Lewi fe'ek nggelok lanea bua-lo'as soaneu makaluku-makatele. Sila nde leke bua-lo'as sila-la, nai lelek bua-lo'as sila kalua ma nai lelek fe falik-kasa.

1 TAWARIKH 9:28 ပူးပေါင်းရင်းမြစ်များ

1 TAWARIKH 26:20

Hataholi fe'ek manai leo Lewi dalek, ala fes bela-ba'uk soaneu Manetualain Uman na hata-heton ma gudang fo mamana pepe'da tutunu-hohotuk neu Manetualain na.

1 TAWARIKH 9:27

Ala leo deka loo Manetualain Uman-na, nana ala muse lanea uma ndia, ma tunga-tunga fafain-na, ala soi lelesuinan-nala.

1 TAWARIKH 9:29

Nggelok seluk, lanea makaluku-makatele pinga-mangon, ma lanea ha'desopuk, angol, mina setun, boomenik, boema bumbu-bumbu.

NEHEMIA 12:44

Nai lelek ndia, hataholi de'ubee hapu bela-ba'uk lanea kama nana'ak-kala, mamanak fo nai bee ala pe'da tutulu-fafalik soaneu Manetualain Uman-na, fo nai dalek hapu hataholi-a fe baba'ek esa neme ba'eneu sahulu mai, ma boa-boa makasososak-ka, tunga teun. Basa manamanea sila-la, muse leu loke tutulu-fafalik sila neme tina-tina manai kota-kota-la boboa-kaisun mai. Ala fe tutulu-fafalik sila-la leo imam-mala, ma hataholi Lewi-la, nandaa no Hoholo-lalanek nakaneneten. Hataholi Yehuda-la fe ha'da-holomata neu basa imam-mala ma hataholi Lewi sila-la,

BILANGAN 4:12

Basa hata-heto fo nanapakek nai Kama Malalao-malalafuk-ka dalek, muse ala ho'i-las fo ala potis nenik tema balau biak esa. Basa soona, muse ala poti ketun nenik bana lou mangana'u anak esa, fo ala pe'dan neu ai ndondolok-kala lain.