1 TAWARIKH 7:14 - Susula Malalaok Hehelu Palak Ma Hehelu Beuk

¹⁴ Manasye no sao makahatun-na, fo ina Aram ndia, anatoun 2, fo nde: Asriel ma Makhir. Makhir anan-na nde Gilead.

1 TAWARIKH 7:14 ပူးပေါင်းရင်းမြစ်များ

KEJADIAN 25:20

Isak teun haahulu, nai lelek ana ka'bing no Laban fa'din Ribka, fo Betuel hataholi Aram esa neme Mesopotamia mai, anan ndia.

KEJADIAN 50:23

Ana bei hapu loak nita Efraim upu-anan. Boeo ana bei hapu loak nakaboboi Makhir anan-nala, fo nde Manasye upun-nala da'dileo ndia ana bongin.

1 TAWARIKH 7:13

Naftali anatoun 4, fo nde: Yahziel, Guni, Yezer ma Salum. Sila nde been-na Bilha upun sila.

1 TAWARIKH 7:15

Makhir sanga inak fe Hupim ma Supim. Makhir saon-na na'de Maakha. Makhir ana ka 2 nde Zelafehad. Zelafehad anatoun ta, te ka'da maanainak.

BILANGAN 26:28

Neme Yusuf tititi-nonosin mai, nanuu anatouk dua, fo nde leo Manasye ma leo Efraim-ma.

BILANGAN 27:1

Zelafehad anainan lima, fo nde: Mahla, Noa, Hogla, Milka ma Tirza. Zelafehad aman nde Hefer, ma Hefer aman nde Gilead. Gilead aman nde, Makhir, ma Makhir aman nde Manasye, ma Manasye aman nde Yusuf.

YOSUA 13:31

Basa boema, nusa Gilead-ta seli, nai dalek boe, boema Asytarot ma Edrei, fo nde Mane Og-ka nai Basan, nusa paletan-na, popon duas. Ala fe la'iesak nusak ndia leo Mahir, fo Manasye anan-na, tititi-nonosin teidalen-nala.

HAKIM-HAKIM 5:14

Ala la'ok leme Efraim leo bafak-ka leu, ala tunga Benyamin solda'dun, fo ala la'ok lakadadalak nai sila matan-na. Basa malanga solda'du matuaina-la, ala mai leme Makhir mai, ma basa malanga solda'du matuaina-la, ala fo'a leme Zebulon mai