1 TAWARIKH 6:49 - Susula Malalaok Hehelu Palak Ma Hehelu Beuk

⁴⁹ Harun no tititi-nonosin bela-ba'un nde tunu boomenik, tunu-hotu tutunu-hohotuk nanatunuk nai mei tunu-hotuk lain, tao basa feta mata-matak lala'en-na nai Kama Malalao-malalafuk nanseli-a, ma tunu-hotu tutunu-hohotuk soaneu fe do'o do ampon neu hataholi Israel-la sala-singon. Ala tao basa sila-la, nandaa no natutu'duk-natutu'duk fo Manetualain atan Musa fek-ka.

1 TAWARIKH 6:49 ပူးပေါင်းရင်းမြစ်များ

1 TAWARIKH 6:48

Bela-ba'u fe'e-fe'ek manai uma makaluku-makatele-a, nanafek neu sila nonoon-nala, fo bei hataholi Lewi boe.

AYUB 33:24

Neukose, ata nusa so'dak ndia, nafa'da no dale kasian nae, ‘Se'i po'i hataholi ndia, fo boso fen kona leo hataholi manamatek-ka, daebafan dale neu. Doi sosoin-na nde ia, de po'in leona.’

KELUARAN 29:33

Sila muse la'a nana'ak fo nanatunu-hotuk nai feta sala-singok hapu do'o do ampon nai fai ndo eik-ka. Ka'da imam-mala nde bole la'a nana'ak fo nanafe hehelik soaneu Au ndia.

IMAMAT 1:5

Basa soona, muse ta'ti sapi ndia nai Lalaa Temak-ka lelesun-na, bafan-na. Imam-imam fo Harun tititi-nonosin-nala, muse tunu-hotu daan-na soaneu Manetualain boema pisi daak ndia neu mei tunu-hotuk-ka boboan haas, fo nai Lalaa Temak-ka lelesun-na matan-na.

IMAMAT 4:20

Tataon-na sama leo tunu-hotu sapi mane soaneu tutunu-hohotuk fo sala-singok hapu do'o do ampon. Tataon-na leondiak, ba'eneu Imam Matuaina tunu-hotu tutunu-hohotuk soaneu salanik-ka sala-singon-nala, soona neukose, Manetualain fe do'o do ampon neu sala-singok sila-la.

BILANGAN 15:25

Boema imam-ma muse tao feta sala-singok hapu do'o do ampon soaneu hataholi Israel-la. Soona neukose, ala hapu do'o do ampon, hu kande ta lame'da fa te, ala tao salak so, ma hu kande leni basa tutunu-hohotu sala-singok hapu do'o do ampon, boema tutunu-hohotu nanatunuk neu Manetualain so.

BILANGAN 16:16

Boema Musa nafa'da Korah nae, “Balahaa soona, muu leo Manetualain Lalaa Teman-na muu, sama-sama moo hataholi natu ka dua limahuluk-kala, fo manalooko-a. Harun boeo, neukose nai ndia boe. Emi esa-esak, muse meni emi mamana ha'im-mala. Tao boomenik leo dalek neu, fo tunu-hotu fen neu Manetualain.”

ULANGAN 34:5

Boema, mate Manetualain atan Musa neme dae Moab-pa, sama leo hala nafa'da makahulun-na.

YOSUA 1:1

Mate basa Musa, fo Manetualain atan ndia boema, Manetualain kokolak no Musa limaboa konan-na, fo nde Yosua fo Nun anan-na.