1 TAWARIKH 6:32 - Susula Malalaok Hehelu Palak Ma Hehelu Beuk

³² Langganggatiaok bela-ba'un nai Manetualain Lalaa Teman-na, nai tepo-lelek fo Manek Salomo beita nafofo'a Manetualain Uman-na fa.

1 TAWARIKH 6:32 ပူးပေါင်းရင်းမြစ်များ

1 TAWARIKH 6:10

Asyaria (Nalalau-naoono nai Manetualain Uman fo Manek Salomo nafofo'an nai Yerusalem),

1 TAWARIKH 6:31

Lelek lali heok Peti Hehelu-balataak-ka leo mamana makaluku-makatele nai Yerusalem boema, Manek Dauk-ka hele hataholi fo nauli-nalanga nakamee kokoa-kikiok nai Manetualain Uman.

1 TAWARIKH 6:33

Hataholi fo nanafe bela-ba'uk ndia, bei-ba'in tutuin-na nde ia: Neme leo-ingu Kehat: Heman fo Yoel anan-na. Nauli-nalanga manamakameek ka esa. Bei-ba'in tutuin-na neme dae leo lain fo losa Yakob nde ia: Heman, Yoel, Semuel,

1 TAWARIKH 9:33

Hataholi Lewi nggelok hapu bela-ba'uk da'di manamakameek nai Manetualain Uman. Sila malanga uma loon-nala leo nai uma de'ubee nai Manetualain Uman. Sila ta hapu bela-ba'uk fe'ek fa, nanahu sila lanea lele'dok ma le'odaek.

2TAWARIKH 31:2

Manek Hizkia napadedeik falik imam-imam ma hataholi Lewi-la esa-esak balaba'un tunga baba'ek makahulun-na. Bela-ba'uk sila-la nde, tunu-hotu tutunu-hohotu nanatunuk ma tutunu-hohotu mole-dame, lalalau-laoono makaluku-makatele nai Manetualain Uman, ma kokoa-kikiok, boema loke makasi neu Manetualain nai mamanak lala'en-na nai Manetualain Uman dale.

2TAWARIKH 35:15

Basa manamakaminak lalelak sasanu-la leme teidale-bobongik Asaf-a nai leo Lewi dalek, lai mamanak fo Manek Dauk-ka naketu basan soaneu sila so. Hataholi sila-la na'den-nala nde ia: Asaf, Heman, ma Yedutun, nabi esa fo naue-nale'di soaneu manek-ka Basa manamanea lelesuina-la ta paluu la'oela sila mamanan-nala fa, nanahu ala hapu tunga feta Paskah nai sila mamanan-na nenik hataholi Lewi fe'ek-kala tulu-falis.

EZRA 6:18

Basa boema, soaneu lau-onok nai Manetualain Uman dale-a, ala baba'e imam-mala, boema hataholi Lewi-la, tunga nakanenetek fo nanasulak nai Musa susulan dale.

YESKIAL 40:44

Basa boema, touk ndia noo au leo uma so'dan manai dalek-ka neu. Nai ndia, hapu uma dua, nanataok neme ai mai, de esa nai lelesuina kii boboan-na, fo nasale leo kona neu, ma esa nai lelesuina kona boboan-na, fo nasale leo kii neu.