1 TAWARIKH 4:9 - Susula Malalaok Hehelu Palak Ma Hehelu Beuk

⁹ Hapu touk esa na'de Yabes; ndia nanafe ha'da-holomatak lena neme tolanoon-nala mai. Inan foin na'de Yabes, nanahu nai lelek inan bongin-nana, ana doi-doso nanseli.

1 TAWARIKH 4:9 ပူးပေါင်းရင်းမြစ်များ

KEJADIAN 3:16

Boema, Manetualain nafa'da inak ndia nae, “Neukose, Au popo-tama seluk o he'dim-ma, nai lelek o bei mailu, ma nai lelek o bongi. Tehu leomae leondiak boe, o nasa sasaom soaneu o saotoum-ma, bei nahele, tehu, neukose o makatele neun.”

KEJADIAN 34:19

de no lai-laik Sikhem sadia tao natetu nonokek sila, nanahu ana sue Dina. Nai basa teidale-bobongin lala'en-na dalek, Sikhem nde nananita-nalelak nanseli-a.

KEJADIAN 35:18

Tehu Rahel mamaten-na sanga deka so de lelek sanga ketu hahaen-na boema, ana foi ni'iana ndia na'de Ben-Oni tehu aman foin na'de Benyamin.

1 TAWARIKH 4:10

Tehu Yabes hule-haladoi neu Manetualain fo hataholi Israel-la sene-do'ok-ka nae, “Ou Manetualain, ba'e-pala au leona, ma sa'di leo been-na tao mamaloa au nusang-nga. Masulu-mahapa au, ma madook susa-soe neme au mai, fo ela au boso doi-doso.” Boema Manetualain sipok nonoken-na.

1 TAWARIKH 4:8

Anub ma Hazobeba nde been-na Kos anatoun-nala, fo Kos ia, bei-ba'i kaik neme leo-ingu Aharhel fo Harum anan-na tititi-nonosin.

1 TAWARIKH 7:23

Basa boema, Efraim sungu seluk no saon-na, boema inak ndia nailu, de ana bongi-na anatouk esa. Efraim foi anan ndia na'de Beria, nanahu ala la'ola'di soe ndia.

AMSAL 23:25

Sa'di leo been-na, o inam ma o amam, dalen-nala lamatua, soaneu o; sa'di leo been-na, inak manabongi o-a, naua-nanale.

YESAYA 43:4

O mabelik nai Au matang, Au fe o ha'da-holomata, ma Au sue-lai o; boema, Au fe hataholi daebafak-ka, da'di leo o ngganggatim-ma, leoinak-kala, da'di leo ngganggatik neu o samanem-ma.

HATAHOLI 17:11

Hataholi manai Berea la hii lamanene Paulus no Silas tutui-bebengan, lenaheni hataholi Tesalonika la. Lamanene Lamatuak Yesus dede'a-kokolan no namahokok, ma tunga faik ala lees Susula Malalao ka fo ala bubuluk, ade Paulus nanolin sila la tete'e ka do ta.

SEMUEL SUSULAK-KA ESAN-NA 4:21

Ana foi ni'iana ndia na'de, Ikabod Nafa'da nae, “Manetualain Fo Mandela-masa'ak-ka, mopo ndela-sa'an neme Israel mai so.” – halan ndia tee tee-tutu'dan nde nae, loso-la Peti Hehelu-balataak-ka so, ma mate aliaman-na ma saon-na so. Hu ndia de, nafa'da nae, “Manetualain Fo Mandela-masa'ak-ka mopo ndela-sa'an neme Israel mai so, nanahu ala loso-la Manetualain Peti Hehelu-balataan so.”