1 TAWARIKH 4:10 - Susula Malalaok Hehelu Palak Ma Hehelu Beuk

¹⁰ Tehu Yabes hule-haladoi neu Manetualain fo hataholi Israel-la sene-do'ok-ka nae, “Ou Manetualain, ba'e-pala au leona, ma sa'di leo been-na tao mamaloa au nusang-nga. Masulu-mahapa au, ma madook susa-soe neme au mai, fo ela au boso doi-doso.” Boema Manetualain sipok nonoken-na.

1 TAWARIKH 4:10 ပူးပေါင်းရင်းမြစ်များ

KEJADIAN 12:2

Neukose, Au fe o tititi-nonosik makadotok, fo neukose, ala da'di leoina matuaina. Neukose, Au ba'e-pala o, ma Au fe o na'dem-ma nanakoa-nanakiok, nalosa neukose, o da'di baba'e-papalak.

KEJADIAN 12:8

Basa ndia boema, ana la'ok nakandoo leo kona neu, fo leo nusa mapupukuk-kala, nai kota Betel-la boboan dulu, de ana ofu neme Betel ma kota Ai tala'da; Betel nai boboak muli, ma Ai nai boboak dulu. Boeo, ana taon-na mei tunu-hotuk esa nai ndia, fo ana sene-do'ok neu Manetualain.

KEJADIAN 28:20

Boema Yakob soo nae, “Metema, Manetualain tulu-fali, ma nasulu-nahapa au, nai leleo-lala'ok ia dalek, ma Ana fe au nana'a ma bua papakek,

KEJADIAN 28:21

nalosa au fali leo au amang uman no so'da-molek soona, neukose Amak-ka da'di au Manetualain.

KEJADIAN 32:26

Boema, hataholi ndia nae, “Po'i au; te ba'ihanak seluk faa bai te, le'do-a tii.” Yakob nataa nae, “Neukose au ta po'i Tuan fa, ta'da fe'e, metema Tuan ba'e-pala au.”

KEJADIAN 32:27

Hataholi ndia, natane nae, “O na'de see?” Boema Yakob nataa nae, “Au na'de Yakob.”

KEJADIAN 32:28

Hataholi ndia, nataa nae, “O na'dem-ma, ta na'de Yakob so'on. Nana o maho'uk basa moo Manetualain ma moo hataholi daebafak-ka, de o sengi so; hu ndia de, o na'de Israel.”

KEJADIAN 33:20

Basa boema, ana taon-na mei tunu-hotuk esa neu mamanak ndia, de ana foin na'de “El, fo Israel Manetualain-na.”

KEJADIAN 48:16

Ndia nde ata nusa so'dak fo ana se'i-po'i au eme soe lala'en-na mai so. Sa'di leo been-na Manetualain ndia, ba'e-pala ni'iana ia-la. Sa'di leo been-na, au ma Abraham ma Isak na'dem mala nanakoa-nanakiok, hu kande n'iana ia-la! Sa'di leo been-na, ala bongi upu anak, ma tititi-nonosin makadotok nai daebafak-ka.”

1 TAWARIKH 16:8

Koa-kio neu Manetualain, tui-benga matua-mademan, tui tatao-nono'in nai leoinak-kala tala'da.

1 TAWARIKH 4:11

Suha tolanoon Kelub anatoun esa na'de Mehir. Mehir anan-na nde Eston,

1 TAWARIKH 4:9

Hapu touk esa na'de Yabes; ndia nanafe ha'da-holomatak lena neme tolanoon-nala mai. Inan foin na'de Yabes, nanahu nai lelek inan bongin-nana, ana doi-doso nanseli.

AYUB 12:4

Au nonoong-ngala, ma au tia-laing-ngala, ala hika-hume au, te se'kona, au ia ndoos, ma ta mabuu-ba'ek fa. Makahulun-na, Manetualain nataa au huhule-haladoing, neu faik bee fo, au aloo bou-bou oke tulu-fali au.

MAZMUR 119:173

Ela leo bee-na, O nau tulu-fali au tataas esa, nana au hele basa, soaneu tunga O nakanenetem-ma.

MAZMUR 121:7

Neukose, Manetualain nasulu-nahapa o, neme susa-soe-a mai, Ana nanea o, fo ela o maso'da.

MAZMUR 145:19

Ana tao namahoko hataholi kamahehelek-kala dalen-na; Namanene sila hala naloloon-na, de Ana soi-tefa-nalas.

MAZMUR 21:4

O mai neun no baba'e-papala manasasi kao-kaok-ka, ma O tao ti'ilanga lilopilas-sa neu langan lain.

MAZMUR 51:12

Makadada'dik dalek fo, neuisik ba'eneu au, ou Manetualain, tao mabebeu au daleng-nga nenik manggatek fo matea-mahelek.

MAZMUR 51:8

O mahiik dale ndoos-sa; tao mahenu au daleng-nga nenik O manatee-tenom-ma.

MAZMUR 55:16

Nemen-na fo au musung-nga, maten no kaiboik ma no ao holi-holik, ana kona leo hataholi manamatek-ka daebafan-na neu, nana tatao-nono'i mangalauk-ka nai sila uman, nai sila tala'da heon.

MAZMUR 65:2

Ami muse koa-kio O nai Sion, ou Manetualain, ma ami tao matetu ami hehelu-balataam neu O-a.

MAZMUR 72:17

Ela leo been-na, na'de manen-na nananafandendelek losa dodoon-na, ma ela leo been-na, na'den-na boetai nanakoa-kiok nai lelek le'do bei nai lalai-a. Ela leo been-na, leoina-la loke, fo fes baba'e-papalak sama leo ndia, ma basa hataholi-la loken soona lae, maua-manalek.

MAZMUR 99:6

Musa ma Harun, nanalekek nai Ndia imam-mala dalek, Semuel nde bee-na, hataholi esa fo, ana hule-haladoi neun, Ala laloo bou-bou neu Manetualain, de Ana fe natataak.

AMSAL 10:22

Ka'da hu kande Manetualain baba'e-papalan, de hataholi-a da'di kamasu'ik; ue-le'di no puse-laipanak-ka, ta hapu popo-tama hata-heto fa.

AMSAL 30:8

Boso nalosak, au kokolak dede'a-kokolak peko-pakik, ma pepekok, ma boso fe au nuu-taa hata-taak do kamasu'i-makabetek. Ka'da fe au, hata fo au paluuk-ka.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 41:17

Metema, Au leoinang fo, ua-nale poke-pakek ndia sanga oe, ma botolii koko'don-na namatuu, nanahu maa ma'dak-ka, soona Au, fo Manetualain, neukose ataa sila huhule-haladoin; Israel Manetualain-na, neukose Ana ta la'oela anan-nala fa.

YEREMIA 33:3

“Maloo bou-bou neu Au, soona neukose Au ataa; neukose Au afa'da neu emi dede'ak fo neulau ina-la, ma matua-madema-la fo emi beita bubuluk fa.

MATEOS 26:75

Boema Petrus nafandele Yesus nafa'da basan nae, “Manu a beita kokoa boen te o malelesi Au la'i telu so.” Boema Petrus kalua leo deak neu de ana kii-makaleleu ma dale na he'di nanseli.

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

LUKAS 19:42

Ma nae, “Kasian la'iesa kana, neu o Yerusalem! Malole na seli, metema faik ia o lau mala bubuluk hata fo nini mole-dame! Tehu besak ia, dede'ak ndia nananafunik neme sila mai.

YOHANIS 10:28

Au fes maso'da matetu ka, ma manaketu basa ta ka, fo ala ta mopo-mate losa dodoo na. Ta hapu hataholi esa boen, hapu loso ninis leme Au limang dale mai fa.

YOHANIS 21:17

Yesus natanen neu kala'i telu na nae, “Simon, fo Yona anan, ade o sue-lai Au do ta?” Boema Petrus dale na he'di sa, nana Yesus natanen losa la'i telu, Boema Petrus nataa seluk nae, “Lamatuak, Lamatua ka bubuluk basa hata lala'ena. Lamatua ka bubuluk, au sue-lai Lamatua ka!” Boema Yesus nafa'dan nae, “Makaboboi Au bi'ilopo ngala.

HATAHOLI 3:26

Hu ndia de Manetualain hele Ata na fo nadenun Ana mai nakahuluk neu emi, fo ela Ana fe baba'e-papalak neu emi. Ana fe baba'e-papalak ndia, eno na nde, Ana tao na tolanoo kala tukatei-saledale neme emi maso'da mangalau ma eno dalan mai.”

ROMA 12:9

Sue-lai no matetu na. Makamu-makadau tatao-nono'i mangalau ka, ma ho'u mahele tatao-nono'i malole a.

ROMA 16:19

Basa hataholi la bubuluk basa lae, emi lilineka neu nanolik la'eneu Manetualain Hala Malole na. Ma au amahoko neu dede'ak ndia la'eneu emi. Au nau fo ela emi manatee tenom la'eneu dede'a malole la ma emi mamanggoa la'eneu dede'a mangalau kala.

EFESUS 1:3

Koa-kio Manetualain, fo ita Aman Lamatuak Yesus Kristus! Ana ba'e-pala ita ninik basa baba'e-papala samane ka nai nusa so'da ka dalek, nanahu ita da'di esa to Kristus.

EFESUS 3:20

No Manetualain koasan fo Ana tao-no'i no mahelek nai ita dalen dale a, Manetualain hapu tao-no'i ba'u ka seluk bai, neme hata fo ita token do ita dudu'a-dodoo nana.

EFESUS 4:30

Boso tao makahehe'dik Manetualain Dula Dale na. Nana Manetualain tao ta'du-tana neu emi ninik Dula Dale ka, de emi da'di Manetualain nuun so. Dula dalek ndia boeo, nalupa bua pepe'dak esa nae, losa Fai Soi-tefa ka te, neukose ana mai neu emi.

2 TIMOTIUS 4:18

Memak neukose Lamatua ka soi-po'i au eme hataholi mana mape'da dale mangalauk lo au a. Neukose no falik au no so'dak, leo nusa so'da ka neu. Ela leo bee na Lamatua ka nananamatutua-namadedemak losa dodoo na! Amin.

NINITAK 3:19

Hataholi fo Au sue-lai kala, sila nde Au ka'is ma Au filu kasa. Hu ndia de ela leo bee na, emi manggate ma tukatei-saledale neme emi sala-singo mala mai.

SEMUEL SUSULAK-KA ESAN-NA 1:17

Boema Eli nae, “Metema leondiak soona, fali mu'um ma no so'da-molek. Sa'di leo been-na, Israel Manetualain-na, sipok o nonokem-ma.”

SEMUEL SUSULAK-KA ESAN-NA 1:20

Inak ndia nailu, de ana bongi anatouk esa. Ana foin na'de Semuel, nana nafa'da nae, “Au oken neme Manetualain mai so.”

SEMUEL SUSULAK-KA ESAN-NA 1:26

Hana nafa'da Eli nae, “Ampon Ama. Ama bei mafandendelek au do ta? Au ia, inak fo Ama nita hain napadeik neme ia, fo hule-haladoi neu Manetualain.

SEMUEL SUSULAK-KA ESAN-NA 1:27

Ni'iana ia nde, au oken neme Manetualain mai. Ana sipok au huhule-haladoing,