1 TAWARIKH 29:16 - Susula Malalaok Hehelu Palak Ma Hehelu Beuk

¹⁶ Ou Amak, fo ami Manetualaim-ma, basa hata-heto kabelik ia-la ami tao makabubuas mai ia soaneu mapadedeik uma esa ba'eneu O, fo ela ami hapu fe ha'da-holomata neu O na'dem fo malalao-malalafum-ma. Tehu basa sila-la, ami sipos leme O mesam-ma mai, ma basa sila-la nde been-na O nuum boe.

1 TAWARIKH 29:16 ပူးပေါင်းရင်းမြစ်များ

1 TAWARIKH 29:14

Te'e-te'e au ma au laung-nala ta hapu fe O hata esa boen, nanahu basa hata lala'en-na nde been-na O baba'e-babatim ma hata fo ami fek ia nde been-na O nuum boe.

1 TAWARIKH 29:15

O bubuluk ou Manetualain, mae sama leo basa ami bei-ba'i kaim-mala, ami boeo nai ami so'dam ia dalek da'di leo hataholi manamai ma hataholi nusa dea. Ami so'dam-ma sama leo salaok fo manasapu-lalok-ka, ma ami ta hapu matapo'i meme mamates-sa mai fa.

1 TAWARIKH 29:17

Au bubuluk O fola hataholi-a esa-esak dalen ma O mahiik hataholi fo dalen-na isik. No dalek-katematuak ma dalen-namahokok, au fe basa ia-la neu O. Au sakasii basa, tao leo beek de O anam fo manamakabubuak manai ia-la leni fe O sila tutunu-hohotun no dalek-katematuak.

2TAWARIKH 31:10

imam matuaina Azarya fo Zadok tititi-nonosin nafa'da nae, “Lelek laun-nala leni sila boa-boa-nala leo Manetualain Uma mai boema, ami ta to'a-taa nana'a-nininuk nakalenak dai ma lena, nalosa ami nana'a-nininum fo nanasadiak-kala, bei makadotok. Ami sipo basa sila-la nanahu Manetualain ba'e-pala anan-nala.”

MAZMUR 24:1

Dauk kokoa-kikion-na. Manetualain nde nuun daebafak-ka no oe-isin, daebafak-ka no basa hata-hata manaleo manai dalek-kala.

HOSEA 2:8

Emi inam beita manaku nita nae, Au nde fe ndia gandum, angol, mina setun, ma basa lilopilas lilofulak lala'en-na, fo ana paken soaneu sene-do'ok Baal-la ndia.

HAGAI 2:8

Basa lilopilas ma lilofulak, manai daebafak ia lala'en-na, nde been-na Au nuung.

LUKAS 19:16

Malalau-maoono makasososa ka mai de nae, ‘Tuan, Tuan fe au doi isi lilopila kisak ndia, au akabubuna kana de ana da'di sanahulu.’