1 TAWARIKH 29:12 - Susula Malalaok Hehelu Palak Ma Hehelu Beuk

¹² Basa su'i-betes ma tetu-temak lala'en-na da'di neme O mai; O kasa basa hata lala'en-na nenik O be'ibalakaim ma O paletam-ma; O manuu koasa tao su'di see da'di hataholi matua ma balakaik.

1 TAWARIKH 29:12 ပူးပေါင်းရင်းမြစ်များ

1 TAWARIKH 29:13

Besak ia ou ami Manetualaim-ma, ami moke makasi neu O, ma ami koa-kio O na'dem fo matua-mademam-ma.

2TAWARIKH 1:12

Hu ndia de, neukose Au fe o manatee tenok ma malelak. Fe'ek neme ndia mai, neukose Au tao o da'di manatetutemak lena, kamasu'i-makabetek lena nananita-nalelak lena neme su'di manek bee mai boe, nau tepo-lelek maneuk-ka do nai tepo-lelek manamaik-ka.”

2TAWARIKH 16:9

Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

2TAWARIKH 20:6

de ana hule-haladoi no napane'e hala-na nae, “Ou Amak, fo ami bei-ba'i kaim-mala Manetualain-na! O Manetualain manai nusa so'dak-ka, ma manapaleta basa leoina lala'en-na nai daebafak-ka. O manakoasa ma mabe'i-balakai; ta hapu hataholi esa boen fo nabe'i la'ban O.

2TAWARIKH 32:29

Fe'ek neme ndia mai, napadedeik kota makadotok boe. Su'i-betes fo Manetualain fen-nana, ana sasi kao-kao.

AYUB 42:10

Ayub hule-haladoi basa ba'eneu tia-lai ka telun-nala boema, Manetualain taon-nan, namasu'i seluk. Ana fen namasu'i diku la'i dua, neme su'i makahulun-na mai.

AYUB 9:19

Ade, au muse akasusu'di balakaik on do? Tehu mitak, be'i-balakain ba'un-na seli! Leo uni'ka, au kalaak au dede'ang-nga neun, soona see kande napalani naloon leo manakee-manafula matan neu?

MAZMUR 103:19

Manetualain paleta nai nusa so'dak-ka, Ndia manek fo manakoasa neu basa hata lala'ena.

MAZMUR 28:8

Manetualain fe be'i-balakaik neu anan-nala, Ana nasala'e ma soi-tefa manek fo Ana helek-ka.

MAZMUR 29:1

Dauk kokoa-kikion-na. Koa-kio Manetualain leona, hai mahahaek nusa so'dak-kala lemin, koa-kio matua-mademan ma koasan-na.

MAZMUR 29:11

Sa'di leo been-na, Manetualain fe anan-nala be'i-balakaik, ma Ana tao-nalas tetu-temak.

MAZMUR 62:11

Boso mamahena, emi kalo mini bua kakalok-kala, ma boso masalai deam-ma neu bua kakalok sila. Nakalenak, metema emi su'i-betem boetai lamaba'uk-ka soona, boso tao emi dalem-ma neun.

MAZMUR 62:12

Au amanene Manetualain nafa'da la'i de'ubee, nae koasa, ana mai neme Ndia mai,

AMSAL 10:22

Ka'da hu kande Manetualain baba'e-papalan, de hataholi-a da'di kamasu'ik; ue-le'di no puse-laipanak-ka, ta hapu popo-tama hata-heto fa.

AMSAL 8:18

Su'i-betes-sa nanasadiak nai au, ha'da-holomata ma tetu-temak-ka boe.

PENGKHOTBAH 5:19

Manetualain tao nahenu hataholi ndia dalen-na nenik namahoko-seteleek-ka, de ana ta hela-hae no dudu'a-dodoo la'eneu maso'da keke'uanan ia so'on.

YESAYA 40:29

Ana fe hataholi manasota-manguk-kala be'i-balakaik, Ana fe manggatek neu, manandole-ndakuk-kala.

YESAYA 43:13

Au Manetualain ahele, losa dodoon-na. Ta hapu esa boen, fo ana hapu naladeak neme Au koasang-nga mai fa, do napanggengge Au dale tutu'ung-nga.”

YESAYA 45:24

Neukose hataholi-la, lafa'da lae, ‘Ndoos ma matetuk-ka, ma be'i-balakaik, ka'da neme Manetualain mai!’ Basa hataholi fo, ta lahiik Au fa, neukose ala mai leo Au mai, fo ala hapu mamaek.

YESAYA 46:10

Neme makasososan-na, Au tui-benga dede'a makabuik-kala, neme makahulun-na, Au afa'da ela, hata fo, neukose ana da'di. Au afa'da ae, Au nakeketung-nga, nanatao natetuk, tao leo bee-o, Au tao tunga, Au dale hihiing-nga!

DANIAL 2:20

nae, “Manetualain ndia manatee-tenok ma makadelek, kokoa-kikiok ba'eneun, losa dodoon-na neu!

DANIAL 6:26

Basa ndia boema, mane Darius-sa haitua susulak leo hataholi maleme leoina ma dede'ak manai daebafak-ka lala'en-na nae, “So'da molek!

MATEOS 28:18

Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

YOHANIS 19:11

Boema Yesus naen nae, “Makanaema Manetualain ta fe koasa ndia neu o fa soona, o ta manuu koasa faa anak boen, soaneu Au fa. Hu ndia de, hataholi manafe Au leo o neu ndia, sala singon ba'ulena o sala-singom.”

EFESUS 3:16

Au hule-haladoi fo ela leo bee na, Manetualain fo mandela-masa'a ka, Ana nau natetea-nahehele emi dale ma ninik Dula Dale na.

EFESUS 3:20

No Manetualain koasan fo Ana tao-no'i no mahelek nai ita dalen dale a, Manetualain hapu tao-no'i ba'u ka seluk bai, neme hata fo ita token do ita dudu'a-dodoo nana.

ULANGAN 8:18

Mafandendelek te, emi Amam Manetualaim nde fe emi su'i-betes ndia. Ana tao leondiak, nanahu losa faik ia dalen-na, Ana bei lilineka neu hehelu-balataan, fo Ana taon no emi bei-ba'i kaim-mala.

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.

KOLOSE 1:11

Ela leo bee na Manetualain koasa matua-madema na, ana tao natea-nahele emi, nalosa emi lu'a-lepa mabe'i doi doso ka, nai basa dede'ak lala'e na dalek, no namahokok ma dudu'a naluk,

YOSUA 4:24

fo ela basa hataholi manai daebafak-ka bubuluk, Manetualain koasan-na ba'un-na seli. Ma no enok ndia boe, neukose emi fe ha'da-holomata neu emi Manetualaim-ma, losa dodoon-na.”

NINITAK 11:17

Lafa'da lae, “Manetualain Fo Mana Koasa, fo nai, ma nai ia so! Ami moke makasi neu O, nana O pake basa O koasa matuaina ma, de O mulai paleta so!