1 TAWARIKH 29:10 - Susula Malalaok Hehelu Palak Ma Hehelu Beuk

¹⁰ Manek Dauk-ka koa-kio Manetualain nai hataholi makadotok sila-la matan. Ana nafa'da nae, “Ou Manetualain fo ami bei-ba'i kaim Yakob sene-do'ok-ka, kokoa-kikiok soaneu O losa dodoon-na!

1 TAWARIKH 29:10 ပူးပေါင်းရင်းမြစ်များ

KEJADIAN 32:28

Hataholi ndia, nataa nae, “O na'dem-ma, ta na'de Yakob so'on. Nana o maho'uk basa moo Manetualain ma moo hataholi daebafak-ka, de o sengi so; hu ndia de, o na'de Israel.”

KEJADIAN 33:20

Basa boema, ana taon-na mei tunu-hotuk esa neu mamanak ndia, de ana foin na'de “El, fo Israel Manetualain-na.”

1RAJA-RAJA 8:15

Ana nafa'da nae, “Makahulun-na Manetualain naheluk basa no au amang Dauk nae leo ia: ‘Lelek Au oo Au anang-ngala kalua leme Masir mai, nai basa nusa Israel-la lala'en-na, ta hapu kota esa boen fo Au helen da'di mamanak, fo nai bee muse nafofo'a uma soaneu mamana hule-haladoik neu Au. Tehu o, Dauk, Au helen soaneu paleta Au anang-ngala.’ Kokoa-kikiok ba'eneu Israel Manetualain fo Ana tao natetu hehelu-balataan ndia so!”

1 TAWARIKH 29:11

Te'e-te'e O matua ma manakoasa. O Mandela-masa'ak, ua-nale malole, ma matua-madema. Basa hata lala'en fo manai lalai ma daebafak-ka nde been-na O nuum. O manek matua-madema ma manakoasa neu basa hata lala'en-na.

1 TAWARIKH 29:20

Ana hule-haladoi basa nae leondia boema, nafa'da hataholi makadotok fo manamaka bubuak manai sila-la nae, “Koa-kio emi Manetualain leona.” Boema basa hataholi sila-la koa-kio Amak, Manetualain fo sila bei-ba'i kain sene-do'ok-ka. Boema ala sene-do'ok soaneu fe ha'da-holomata neu Manetualain ma manek-ka.

1 TAWARIKH 29:9

Laun-na fe no dalek-katematuak neu Manetualain, de ala lamahoko nanahu sila fe basa ba'uk-ka so. Dauk boeo namahoko nanseli.

2TAWARIKH 31:8

Manek Hizkia no hataholi mana'a ngga'din-nala lita tutulu-fafalik makadotok sila-la boema, ala koa-kio Manetualain ma ala koa-kio laun Israel fo Manetualain anan-nala.

2TAWARIKH 6:4

Nafa'da nae, “Makahulun-na Manetualain helu basa neu au amang Dauk nae leoia, ‘Neme Au o falik Au anang-ngala kalua leme Masir losa faik ia, nai nusak Israel-la Au ta hele kota esa boen da'di mamanak fo nai bee muse nafofo'a uma soaneu mamanak makaluku-makatele neu Au, ma ta hapu hataholi esa boen fo Au Helen soaneu nauli-nalanga Au anang Israel fa. Tehu besak ia Au hele Yerusalem da'di leo mamana makaluku-makatele neu Au. Ma Au hele o, Dauk, soaneu paleta Au anang-ngala.’ Kokoa-kikiok ba'eneu Israel Manetualain fo Ana tao natetu hehelun ndia so!”

EZRA 7:27

Boema Ezra nae, “Koa-kio Manetualain fo ita bei-ba'i kain-nala, sene-do'ok-ka! Ana nakababale basa manek-ka dalen-na, nalosa ana nau taoafik neu ka'da Manetualain Uman-na nai Yerusalem.

NEHEMIA 8:6

Boema Ezra nae, “Koa-kio Manetualain, Manetualain fo matuaina!” Laun-na lala'en-na so'uk liman-nala leo lain neu ma lataa lae, “Amin, amin!” Boema ala sene-do'ok neu Manetualain.

MAZMUR 138:1

Neme Dauk mai. Ou Manetualain, au nau oke makasi neu O, nenik au dale katematuang-nga. Au akamee nakamee kokoa-kikiok ba'eneu O, nai lamatua daebafak lala'ena, matan.

MAZMUR 146:2

Au nau koa-kio Manetualain nai au fai maso'dang-nga dalek, ma au akamee ba'eneu au Manetualaing beidai au bei aso'da ia.

MAZMUR 22:26

Nai O anam-mala nakabubuan-na tala'da, au koa-kio O, nana basa hata lala'en fo O tao-no'in so. Nai hataholi kamahehelek-kala matan, au tunu-hotu tutunu-hohotuk fo au heluk-ka.

MAZMUR 57:6

Ou Manetualain, matu'du O matua-mademam nai lalai, ma O mandela-masa'am nai daebafak-ka lala'ena.

MAZMUR 89:52

Ou Manetualain, O musum-mala, lakamumulu-lakamamaek manek fo O helek-ka. Neu su'di leo bee neu boe, ala hakinonolin.

YESAYA 63:16

Ade, O ta nde ami Amam fa do? Abraham ma Yakob, ta lalelak ami fa. Tehu O, ou Manetualain, O nde been-na, ami Amam, ami Manasoi-manatefam, neme makahulun eli mai.

YESKIAL 3:12

Boema, Manetualain Duladalen-na, ana so'u-na au, de au amanene halak-ka, nanggulu nai au deang-nga nae, “Koa-kio Manetualain manai nusa so'dak-ka, mandela-masa'an!”

DANIAL 2:20

nae, “Manetualain ndia manatee-tenok ma makadelek, kokoa-kikiok ba'eneun, losa dodoon-na neu!

DANIAL 4:34

Lelek basa teu ka hituk sila-la boema, au anganalo leo lalai u, boema au dudu'a-aafing fali ma'in. Boema au koa-kio Manetualain Fo Mademaina. Au so'u amadedeman ma au koa-kio Ndia fo maso'dak neme doon losa dodo-na ndia ae, “Neukose Manetualain da'di manek losa dodoon-na. Ana koasa neme doon losa dodo-na.

MATEOS 6:9

Hu ndia de, metema emi hule-haladoi soona mae leo ia, ‘Ou, Ami amam manai nusa so'da ka: O nde Manetualain fo Kisak Ela leo bee na. Lakaluku-lakatele ma ala fe ha'da-holomata neu O.

LUKAS 11:3

Fe ami tunga faik nana'a-nininuk fo ami paluu ka,

ROMA 1:7

Hu ndia de, au sulak fe emi susulak ia. Ela leo bee na, ita Aman Manetualain ma Lamatuak Yesus Kristus, fe emi baba'e-papalak ma mole-dame.

ROMA 8:15

Nana Manetualain fe emi Dula Dale ka, ana ta tao emi da'di ata fo emi maso'da nai ka'da bibii-namata'u ka dalek fa. Dede'a nasafali na, Manetualain Dula Dale na, ana tao emi da'di Manetualain anan. Boema no Manetualain Dula Dale na koasan ndia de, ita talo Manetualain soona tae, “Ama, ou au Ama nga!”

EFESUS 1:3

Koa-kio Manetualain, fo ita Aman Lamatuak Yesus Kristus! Ana ba'e-pala ita ninik basa baba'e-papala samane ka nai nusa so'da ka dalek, nanahu ita da'di esa to Kristus.

ULANGAN 32:3

Neukose, au koa-kio Manetualain na'den-na. Tui-benga ita Manetualain matua-mademan!

FILIPI 4:20

Koa-kio neu ita Aman Manetualain losa dodoo na! Amin.

2 TESALONIKA 2:16

Ela leo bee na, ita Lamatuan Yesus Kristus ma ita Aman Manetualain, fe emi kokoe-nanasik, ma natetea-nahehele emi dale ma, fo ela emi hapu tao-no'i ma tui-benga hata fo malole. Hu ka nde Manetualain sue-lai ita, ma hu ka nde dale malole na de, Ana tao na ita tatea-tahele, boema ita tamahena ka'da hata fo malole.

1 TIMOTIUS 1:17

Manetualain fo Manek neu basa le'do fai manalu a, nandaa fen ha'da-holomata ma koa-kion tataas esa, nana Ndia nde mana ketu basa tak, fo ta nananitak, ma ka'da kisak! Amin.

1 PETRUS 1:3

Mai fo toke makasi neu Amak Manetualain, ma ita Lamatuan Yesus Kristus! Ana sue-lai na ita ba'una seli, hu ndia de, Ana fe ita so'da beuk ninik Ana tao naso'da falik Yesus Kristus neme mamate sa mai. Dede'ak ia, nini fe ita namahehena matea-mahelek.

NINITAK 5:12

Ma lakamee lapane'e lae, “Bi'ilopo Ana fo nanado'do basak ndia, nandaa sipo koasa, su'i-betes, manatee tenok ma be'ibalakaik; Ndia nandaa nanafe ha'da-holomata, nananan matutua-namadedemak ma nanakoa-kiok!”