1 TAWARIKH 28:9 - Susula Malalaok Hehelu Palak Ma Hehelu Beuk

⁹ Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

1 TAWARIKH 28:9 ပူးပေါင်းရင်းမြစ်များ

KEJADIAN 28:13

Ma Amak-ka napadeik nai boboan-na de nafa'da nae, “Au nde Manetualain, fo Abraham ma Isak sene-do'ok-ka. Neukose, Au fe o ma o tititi-nonosim, dae fo o mangape'uk nai lain ia.

KEJADIAN 6:5

Manetualain nita hataholi daebafak-kala tatao-nono'i mangalaun-nala, ba'un-na seli nai daebafak-ka; dudu'a-aafin-nala mangalauk tataas esa.

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

1RAJA-RAJA 3:6

Salomo nataa nae, “Manetualain, O matu'du basa mae O sue-lai man seli neu au amang Dauk fo O atam ndia. Au amang ndia malole, ana tao tunga ndoon-na boema ana lilineka neu O. Ma da'dileo buti esa nae losa nakandondoohenin, O sue-lai mahelen, ma O fen ana touk esa fo besak ia ana paleta nggatin.

1RAJA-RAJA 8:39

sa'di leo been-na, O nai O mamana leleom manai nusa so'dak-ka mamanene boema fe do'o do ampon ma tulu-falis. Ka'da O mesam-ma nde bubuluk hataholi daebafak-ka dale bobongo anan-na. Hu ndia de, tao hataholi esa-esak nandaa no tatao-nono'i nala,

1RAJA-RAJA 8:43

ela leo been-na, neme O mamana leleom manai nusa so'dak-ka, O mamanene hule-haladoin ma O sipok nonoken-na. No enok ndia, basa leoina manai daebafak-ka lala'en-na lalelak O ma ala tunga O sama leo O anam Israel. Neukose ala bubuluk lae uma fo au afofo'ak ia nde been-na mamanak soaneu hule-haladoi neu O.

1RAJA-RAJA 8:61

Ela leo been-na emi, fo anan-nala, lilineka tataas esa neu Amak, fo ita Manetualain na, ma tunga hoholo-lalanek ma paletan-nala sama leo hata fo emi taon nai faik ia.”

2RAJA-RAJA 20:3

“Manetualain, mafandendelek te, au ia aso'da nai O matam, no lilinekak ma dale ndoos. Au sanga enok tataas esa, fo tunga O hihii-nanaun.” Boema, Hizkia kii no dale he'dik.

2RAJA-RAJA 21:22

Ana ta naso'da tunga Manetualain hihii-nanaun fa, nakalenak, ana ta tunga Manetualain, fo bei-ba'i kain-nala sene-do'ok-ka fa.

2RAJA-RAJA 22:2

Yosia tao hata, fo nandaa no Manetualain dalen-na. Ana tunga bei-ba'i kain Mane Dauk-ka heo-hilun, de ana tunga basa Manetualain hoholo-lalanen lala'en-na, no dalek-katematuan-na.

1 TAWARIKH 22:19

Da'di, ela leo been-na emi mamahele neu emi Amam Manetualaim no basa emi aopaa samanem lala'en-na. Mulai mafofo'a uma soaneu Manetualain leona, fo ela Peti Hehelu-balataan ma basa bua-lo'as fe'ek fo nanapake hehelik soaneu makaluku-makatele a, hapu pe'das leu ndia.”

1 TAWARIKH 28:8

Boema Dauk kokolak nakandoo nae, “Da'di besak ia, au laung-ngala lemin, nai ita Manetualain matan ma nai basa Manetualain anan fo manai natotongok ia lala'en-na matan, au oke emi tunga no te'e-te'ek neu basa ita Manetualain paletan-nala. No enok ndia, emi hapu manuu mahele nusak fo malole ia ma emi fen neu emi tititi-nonosim fo lanuun losa dodoon-na.”

1 TAWARIKH 29:9

Laun-na fe no dalek-katematuak neu Manetualain, de ala lamahoko nanahu sila fe basa ba'uk-ka so. Dauk boeo namahoko nanseli.

2TAWARIKH 12:5

Nai lelek ndia Manek Rehabeam-ma, ma basa mauli-malanga Yehuda-la lakabubua lai Yerusalem so, nanahu lalai leme Sisak mai. Nabi Semaya mai de nafa'das nae, “Manetualain nae leo ia, ‘Emi la'oela Au, da'di besak ia Au boeo la'oela emi, nalosa Sisak koasa emi.’ ”

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

2TAWARIKH 6:30

ela leo been-na nai O mamana leleom manai nusa so'dak-ka mamanene boema fe do'o do ampon neus. Ka'da O mesam-ma nde bubuluk hataholi daebafak-ka dalen-na. Hu ndia de tao hataholi-a esa-esak nandaa no tatao-nono'in,

EZRA 8:22

Au ta apalani oke manek-ka, solda'du manasa'e ndalan, fo nasulu-nahapa ami neme musu-a mai, nai ami leleo-lala'om-ma dalek. Nana, au afa'da basa, ae ami Manetualaim-ma, Ana ba'e-pala hataholi see fo, ana sene-do'ok neun, tehu Ana huku hataholi see fo, nape'da dale nasak-kana, ma ta lilineka neu fan.

MAZMUR 101:2

Au nau taoafik neu, maso'dak fo bu'u-ba'e tak-ka, eno-dalan. Faihi'da, O mai leo au mai? Au nau aso'da no malalao-malalafuk nai au umang,

MAZMUR 139:2

O bubuluk au tatao-nono'ing lala'ena; O malelak au dudu'a-aafing, neme dook-ka mai.

MAZMUR 17:3

Meteme O fola au daleng-nga ma O mai palisak besa-besa mo au nai fai le'odaen-na soona, neukose O hapum-ma, au daleng-nga ndoos ma matetuk; au hala-kokolang sama leo au dudu'a-aafing.

MAZMUR 18:2

Au sue-lai O, ou Manetualain, O de been-na au be'i-balakaing!

MAZMUR 7:10

Tao mate'e hataholi malelesik-ka tatao-nono'i mangalaun-na, ma matetea-mahehele hataholi malole-a dalen-na nana O Manetualain fo ndoos ma matetuk, ma manafola hataholi daebafak-ka dalen-na ma dudu'a-aafin.

MAZMUR 7:9

O maketu-mala'di hataholi daebafak-ka; fe au ndoos ma matetuk, ou Manetualain, nana au salang ta.

MAZMUR 89:26

Neukose Au tao amaloa nusan-na, neme Tasi Tala'dak losa Lee Efrat-ta.

MAZMUR 89:38

Nusan-na nahele, sama leo bulak-ka, fo sakasii manalilinekak nai ko'as-sa.”

MAZMUR 9:10

Manetualain ndia, mamana nasulu-nahapak, ba'eneu hataholi nanatuni-ndenik-ka, mamana hahaeaok, nai fai toto'a-tataak-ka dalek.

KELUARAN 15:2

Manetualain, nde au manamasala'eng fo mabe'i-balakaik; Ndia nde soi-tefa-nala au-a. Ndia nde au Manetualaing-nga, de au nau koa-kion, Manetualain fo au bei-ba'i kaing-ngala sene-do'ok-ka, de Au amatutua-amadedeman.

KELUARAN 3:16

Muu leona, fo maloo makabubua basa mane leo Israel-la. Fo po'a-benga neus, mae Au, Manetualain, fo sila bei-ba'i kain Abraham, Isak ma Yakob Manetualain-na, natu'du basa aoinan-na neu o so. Mafa'das mae Au mete basa sila so, de Au ita basa, leoina Masir-ra tao sila leo beek so.

AMSAL 17:3

Lilopilas ma lilofulak-ka, nanafolak nai ha'ikaak dale, tehu Manetualain fola hataholi-a dalen-na.

AMSAL 3:6

Mafandendelek Manetualain nai basa hata lala'en fo o tao-no'ik-ka dalek, soona neukose natu'du fe o, so'dak malole-a eno-dalan.

AMSAL 4:4

au amang nanoli au. Ana nafa'da nae, “Mafandendelek au nanoli-nafa'dang-ngala, fo boso mafandele henis makandondook. Makalala'ok au natutu'dung-ngala, fo ela o so'dam-ma naua-nanale.

YESAYA 1:28

Tehu hataholi masala-masingok fo manalena-la'ban Ndia paletan-na, neukose Ana tao namopo-namates, ma basa manala'o ela Manetualain-na, neukose Ana tao namopo-namates.

YESAYA 38:3

“Manetualain, mafandendelek te, au ia, alalau-aoono basa O no lilinekak ma no dale ndoos so. Au sanga enok tataas esa, fo tunga O hihii-nanaum.” Boema, Hizkia kii no dale he'dik.

YESAYA 45:19

Au ta kokolak no nafufunik, do no bibila-babaak fa. Au ta adenu Au anang Israel sanga Au no palsuma fa. Au Manetualain, kokolak hata fo ndoos, ma afa'da hata fo la'en.”

YEREMIA 11:20

Boema au hule-haladoi ae, “Ou Manetualain Fo Manakoasa, O manamaketu-mala'dik fo matetuk; O nde so'ba-su'di dudu'a-aafik-ka ma hataholi-la dalen-na. Au dede'ang ia Au fen leo o-a neu. Ela leo been-na o nde ito mutang O bala hataholi-hataholi sila-la tatao-nono'in-nala.”

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

YEREMIA 20:12

Tehu, ou Manetualain Fo Manakoasa, O fola hataholi daebafak-ka no ndoos matetuk; O bubuluk sila dalen-na ma dudu'a-aafin-nala. Hu ndia de sa'di leo been-na au ita o balas musu fo tatao-nono'i mangalaun-na nana au fe basa au dede'ang-nga lo O neu so.

YEREMIA 24:7

Neukose Au fes dudu'a maneu soaneu lalelak lae, Au ia Manetualain. Soona neukose sila da'di Au anang-ngala, ma Au da'di sila Manetualain-na, nanahu ala fali lo Au-a mai no dale katematuak.

YEREMIA 29:13

Neukose emi sanga Au, de emi matongo mo Au, nana emi sanga no dale katematuak.

YEREMIA 29:14

Tete'ek-ka, neukose emi matongo mo Au. Neukose Au tao akabubua emi neme basa leoina-la tala'da mai, ma neme basa nusak fo mamanak emi manatao tapasasalak, ma mamanatu'u-tapak. Neukose Au o falik emi lo emi nusa-namom ia mai, ma Au tao ahii emi heheo-hihilum-mala. Au, Manetualain nde manakokolak-ka.’

YEREMIA 31:34

Ta hapu sila esa nanoli esa soaneu lalelak Manetualain fa. Nana sila basas, ana do matua, neukose lalelak Au. Sila salan-na lala'en-na neukose Au asanggango henis, sila sala-singon-nala lala'en-na neukose Au fe do'o do ampong neus. Au, Manetualain, nde manakokolak-ka.”

YEREMIA 9:24

Se nau namatutua-namadema aon-na la'eneu hata esa, soona muse dalen-na namatua nae ana nalelak ma bubuluk Au; nae ana bubuluk Au manasue-laik losa dodoon-na ma Au tao atetu huhukuk-ka ma ndoos ma matetuk-ka nai daebafak. Basa sila-la tao namahoko Au daleng-nga. Au, Manetualain, fo manakokolak-ka.”

YESKIAL 11:5

Basa boema Manetualain Duladalen-na poti-na au, de Manetualain nadenu au, fo au afa'da hataholi Israel-la ae, “Hai leoina Israel-la, Au bubuluk hata fo emi mafa'dan, ma hata fo emi tutu'un nai emi dalem dale.

YESKIAL 38:10

Manetualain Fo Mademaina, nafa'da Gog nae, “Nai hatematak ndia, neukose o tutu'u tao eno mangalauk.

HOSEA 4:1

Manetualain kalaak nusak ia laun-na. Hai Israel, mamanene hata fo nafa'dan nae, “Ta hapu lilinekak, do susue-lalaik nai nusak ia fa, de laun-na ta manaku Au da'di leo Manetualain fa.

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

YOHANIS 1:47

Yesus nita Natanael mai boema, nafa'dan nae, “Mete mitak hataholi Israel matetu ka nde ndia. Ta nanasese'do-babalik fa.”

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

YOHANIS 2:25

Ta paluu hataholi nafa'da mangalele'do hataholi esa boen, la'eneu Yesus fa, nana Ana bubuluk basa hataholi daebafa ka dale na so.

YOHANIS 21:17

Yesus natanen neu kala'i telu na nae, “Simon, fo Yona anan, ade o sue-lai Au do ta?” Boema Petrus dale na he'di sa, nana Yesus natanen losa la'i telu, Boema Petrus nataa seluk nae, “Lamatuak, Lamatua ka bubuluk basa hata lala'ena. Lamatua ka bubuluk, au sue-lai Lamatua ka!” Boema Yesus nafa'dan nae, “Makaboboi Au bi'ilopo ngala.

YOHANIS 4:24

Hu ka nde Manetualain ndia, nde Dula Dale ka, de no ka'da Manetualain Dula Dale na koasa na, de hataholi a hapu sene-do'ok neu Ama ka, sama leo Ama ka nai ia.”

YOHANIS 8:55

te see ko na emi ta malela kana fa. Tehu Au alela kana. Leo uni ka Au afa'da ae, Au ta alela kana fa soona, Au hataholi masapepekok, sama na leo emi boe. Tehu Au alela kana, boema Au tunga dede'a-kokolan.

HATAHOLI 1:24

Boema ala hule-haladoi lae, “Ou Lamatuak, O bubuluk basa hataholi daebafa ka dale na. Yudas ia, Lamatua ka hataholi nadedenun, tehu ana tu'da neme kandela nagatutuu na mai, de maten so. Hu ndia de, matu'du fe ami, nai hataholi kaduak ia la, see ka nde Lamatua ka helen, soaneu nakalala'ok bela-ba'uk ndia nggati Yudas.”

HATAHOLI 17:23

Nana nai lelek fo au la'ok okofefeo emi kota ma de au taoafik neu emi mamana huhule-haladoim, boema au ita mamana tutunu-hohotuk esa boe. Nai mamanak ndia nanasulak nae, ‘Neu Manetualain Fo Ta Nananalela ka fa.’ Naa, Manetualain emi fo sene-do'o kana tehu emi ta malela kana ndia nde, au tui-bengan neu emi a.

HATAHOLI 17:30

Manetualain nafandeleheni ita nggoa na so, tehu besak ia nadenu basa hataholi daebafa ka tukatei-saledale leme sala-singo nala mai.

1 KORINTUS 15:34

Besak ia, mame'dak leona, fo boso boe tao sala-singok bai. Ndandaa na emi muse bii-mae, nana nai emi dalek, hapu nggelok beita lalelak Manetualain fa.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

2 KORINTUS 8:12

Metema te'e-te'e emi nau fe soona, neukose Manetualain sipok emi fefeem ndia, tunga hata fo emi manuun, te ta tunga hata fo emi ta manuu fan.

2 KORINTUS 9:7

Hataholi a esa-esak muse fe tunga dale hihii na. Ana boso fe no dale bibia-seselik, do hu ka nde laka-nakasetik, nana Manetualain sue-lai hataholi fo ana fe no dale namahokok.

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

ULANGAN 31:21

ma neukose, susa-soe matuaina makadotok, ala tuni-ndeni lalas. Tehu neukose, lakamee lahele nakameek ia, ma ala paken da'di leo, sakasii soaneu sila. Nakalenak besak ia, Au beita oos leo nusak fo, Au heluk-ka neu fa, te bubuluk sila dudu'a-aafin, tetee-tutu'dan so.”

ULANGAN 4:35

Manetualain natu'du basa sila-la neu emi, fo ana da'di ta'du esa, nae ka'da Manetualain ndia mesak-kana, nde Manetualain-na, de ta hapu lamatua daebafa fe'ek fa.

IBRANI 12:28

Hu ndia de ela leo bee na, ita toke makasi neu Manetualain, nanahu Ana fe ita nusak esa ta nanggengo fa. Ela leo bee na, ita toke makasi ma sene-do'ok neu Manetualain no ha'da-holomata ma bibii-namata'uk, tunga enok fo mesa kana nahii kana.

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

1 PETRUS 5:2

fo ela emi foo-lolo matalolole bi'ilopo fo Manetualain fe emi a. Foo-lolo bi'i sila la no dale namahokok, tunga Manetualain dale hihii na, ma boso no dale bibia-seselik. Boso sanga hahapuk neme emi ue le'dim ndia mai, te emi tao-no'ik ndia, nana memak te'e-te'e, emi hii malalau-maoono.

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

SEMUEL SUSULAK-KA ESAN-NA 12:20

Semuel nataa nae, “Boso bii, leomae emi tao basa tatao-nono'i mangalauk ndia so, te boso fali deak neme Manetualain mai, tehu mamahele mahele neun, no emi dalek-katema tuam-ma.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”