1 TAWARIKH 28:6 - Susula Malalaok Hehelu Palak Ma Hehelu Beuk

⁶ Manetualain nafa'da au nae leo ia, ‘Salomo, fo o anam-ma, neukose nafofo'a uma soaneu Au. Au hele basan da'di Au anang so, ma neukose Au da'di ndia aman.

1 TAWARIKH 28:6 ပူးပေါင်းရင်းမြစ်များ

1RAJA-RAJA 5:5

Manetualain helu basa neu amang Dauk nae leo ia: ‘O ana manem fo neukose Au so'un da'di manek nggati o a, neukose nafofo'a uma fo mamana hule-haladoi neu au.’ Hu ndia de, Tuan Hiram Fo Mandela-masa'ak, au, Salomo, aketu basa soaneu afofo'a uma ndia.

1RAJA-RAJA 8:20

Besak ia Manetualain tao natetu hehelu-balataan so. Au da'di mane Israel nggati au amang so, ma au afofo'a basa uma soaneu mamana hule-haladoik neu Israel Aman, Manetualain so.

2TAWARIKH 1:9

Besak ia ou Manetualain ela leo bee na O tao matetu O hehelu-balataam neu au amang. O so'u basa au da'di manek neu leoina matuaina fo ta leke na dede'un-na ia fa.

YESKIAL 40:14

Boeo ana uku kama matua ndia: de ana hapu nalun-na, metel sanahulu. Kama ndia lelesun-na, nasale leo Manetualain Uman-na, so'dan deak neu.

IBRANI 3:3

Tehu Yesus nandaa hapu ha'da-holomata fo matua ina neme Musa mai. Nanahu hataholi mana mafo'a uma, muse ana hapu ha'da-holomata matua ina lena neme uma ndia mai.

IBRANI 3:6

Tehu Kristus lilineka da'dileo Anak fo nde nataa Manetualain Uma na. Ma ita ia nde Manetualain Uma na, metema ita manggate tahele ma tamahele tahele soona ita hapu hata fo ita tamahena ka.

IBRANI 4:5

La'eneu dede'ak ndia, nanasulak seluk nae leo ia, “Neukose ala ta masok leo nusak ndia dalek leu, soaneu ala hahae ao nala sama-sama lo Au fa.”