1 TAWARIKH 28:5 - Susula Malalaok Hehelu Palak Ma Hehelu Beuk

⁵ Ana fe au anak makadotok, de neme basa au anang sila-la mai, Ana hele Salomo soaneu paleta Israel, fo Manetualain nusan-na.

1 TAWARIKH 28:5 ပူးပေါင်းရင်းမြစ်များ

1RAJA-RAJA 1:13

lai-lai muu mataa Mane Dauk ka, fo mafa'dan mae leoia, ‘Ade Ama Manek nde soo-supa basa neu au mae au ana maneng Salomo neukose da'di manek nggati Ama Manek hetu? Besak ia, taole'e de Adonia nde da'di manek-ka?’ ”

1RAJA-RAJA 1:20

Ama Manek Fo Mandela-masa'ak, basa laun Israel-la lala'en-na, besak ia bei lahani talu-talu loo nakeketuk neme Ama Manek mai, la'eneu see kande neukose nggati Ama Manek da'di manek.

1RAJA-RAJA 1:35

Basa soona, la'ok benongo moon fali leo ia mai fo nangatuu au kandela mane nga, nanahu ndia nde au hele basan da'di manek nggati au fo ana paleta Israel ma Yehuda.”

1RAJA-RAJA 2:15

Adonia nataa nae, “Ina bubuluk mae au nde muse da'di manek-ka. Basa Israel-lala'en-na lamahena dede'ak ndia so. Tehu hata fo ana da'di, fe'ek neme ndia mai; au fa'di nga nde da'di manek-ka, nanahu Manetualain dale hihiin-na leondiak.

1RAJA-RAJA 8:20

Besak ia Manetualain tao natetu hehelu-balataan so. Au da'di mane Israel nggati au amang so, ma au afofo'a basa uma soaneu mamana hule-haladoik neu Israel Aman, Manetualain so.

1 TAWARIKH 17:14

O anamanem fo Au helen ndia, neukose Au taon da'di manek neu Au anang ngala, ma Au nusang nga, losa dodoo na, ma upu anan neme bobongik leo bobongik neu, neukose ala paleta da'di leo manek.’ ”

1 TAWARIKH 23:1

Lelek fo Dauk namalasin-nanseli boema, ana so'u Salomo da'di manek Israel.

1 TAWARIKH 29:1

Boema Dauk nafa'da basa hataholi manamakabubuak lai sila-la nae, “Neme basa au anamaneng-nala mai te, Manetualain helek-ka nde Salomo. Tehu Salomo bei muli-soluk nanseli ma malelan-na beita dai fa, te se'kona tatao-nono'ik ia ba'un-na seli. Basa bai te, nananafofo'ak ia ta uma manek soaneu hataholi daebafak fa, tehu uma soaneu Manetualain.

1 TAWARIKH 29:23

Boema Salomo nangatuuk kandela manek-ka nggati aman Dauk sama leo hata fo Manetualain naketu basan so. Ndia manek malole de basa leoina Israel-lala'en-na hiapengen.

1 TAWARIKH 29:28

Ana namasu'i ma nanafe ha'da-holomata de maten nai fai lasin dale. Anamanen Salomo nggatin da'di manek.

2TAWARIKH 9:8

Kokoa-kikiok ba'eneu Amak, fo Tuan Manetualain-na! No Ana so'u Tuan da'di manek soaneu paleta nenik na'den-na, Ana natu'du nae namahoko nanseli neu Tuan. Nanahu Ana sue-lai hataholi Israel-la, de Ana nau fo ela ala ta sapu-lalo fa, te lahele losa dodoon-na, boema Ana so'u Tuan da'di sila manen-na, fo ela Tuan hapu napadedeik natetu hoholo-lalanek ma eno ndos ma matetuk-ka.”

ULANGAN 17:15

Hele matalolole, fo ela emi so'u hataholi fo, ana da'di emi manem-ma nde been-na, emi Manetualaim-ma nde hele hataholi ndia. Emi muse hele hataholi ndia, neme emi leoinam mai, fo emi boso so'u hataholi nusa dea, da'di emi manem-ma.