1 TAWARIKH 27:33 - Susula Malalaok Hehelu Palak Ma Hehelu Beuk

³³ Ahitofel nde been-na manek-ka manamanolin-mafa'dan, ma Husai, fo hataholi Arki ndia, nde been-na manek-ka manamanolin-mafa'dan ma tia-lai malolen.

1 TAWARIKH 27:33 ပူးပေါင်းရင်းမြစ်များ

2 SEMUEL 15:12

Boema, Absalom bei tunu-hotu tutunu-hohotuk te, nadenu hataholi neu leo kota Gilo neu boe, fo naloo Ahitofel, fo Mane Dauk-ka hataholi manamanoli-mafa'dan esa. Leondiak, nakabua makahatuk, fo la'ban manek-ka ndia, boetai natea-nahele, ma hataholi manatunga Absalom-ma, boetai lamaba'uk-ka.

2 SEMUEL 15:32

Nai lelek Dauk losa pupukuk lain, nai mamanak fo hataholi-a biasa sene-do'ok neu Manetualain boema, tia-lain manalilinekan fo nde Husai, hataholi Arki ndia, sipok-kana. Husai siba'e bua papaken-na, ma ana nggali afu leo langan lain neu.

2 SEMUEL 15:37

Boema, Dauk tia-lain fo Husai, fali ne'un leo Yerusalem neu, nandaa no lelek Absalom losa kota ndia boe.

2 SEMUEL 16:23

Nai tepo-lelek ndia, Ahitofel nanoli-nafa'dan lala'en-na nanasipok, nono'ka bai de, Manetualain hala-kokolan ndia; de nau Dauk do Absalom boe, ala tunga nanoli-nafa'dan.

2 SEMUEL 17:23

Lelek Ahitofel bubuluk nae ala ta tunga ndia nanoli-nafa'dan fa boema, ana bela ne'a sa'e ndalan-na neu keledein lain, de ana fali ne'un leo ndia kotan-na neu. Ana pe'da-fua matalolole hata-heton lala'en-na boema, ana lonaaon de maten, de latoin nai teidalen-nala loo-laten.

1 TAWARIKH 27:32

Manek Dauk-ka to'on fo mana'de Yonatan-na, nde been-na hataholi esa manamanolin-mafa'da malelak ma manasakolak. Ndia ma Yehiel fo Hakhmoni anan-na hapu bela-ba'uk soaneu manek-ka anamanen-nala sakola na.

MAZMUR 55:13

Sa'di leo been-na, musu fo nakamuu-nakadau au, au bei bisa akatatakak. Sa'di leo been-na, musu nok fo nakamumulu-nakamamaek au, au bei bisa ke'ke neme musu nok ndia mai.

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,