1 TAWARIKH 27:25 - Susula Malalaok Hehelu Palak Ma Hehelu Beuk

^25-31 Basa manaito-ato manek-ka hata-heton na'den-nala nde ia: Gudang-gudang manai uma manek-ka ma manai Yerusalem-mala: Azmawet, fo Adiel anan-na. Gudang-gudang manai Yerusalem deak: Yonatan, fo Uzia anan-na. Manatao tina osi: Ezri, fo Kelub anan-na Osi angol-lala: Simei neme kota Rama mai Mamana pepe'da angol-lala: Zabdi neme kota Syifmi mai Ai setun ma ai kaak (fo manai leteleak boboak muli huun-na): Baal-Hanan neme kota Gederi mai. Mamana pepe'da mina setun-nala: Yoas Bana-manu manai bafa-bafak-kala: Safat, fo Adlai anan-na Onta: Obil, fo Ismael tititi-nonosin Bi'ilopo ma bi'ihiik-kala: Yazis, fo hataholi Hagri ndia.

1 TAWARIKH 27:25 ပူးပေါင်းရင်းမြစ်များ

KEJADIAN 41:48

Yusuf nakabubuan-na basa gandum sila-la boema ana pe'dan nai kota-kota la. Nai kota la esa-esak dalek, ana pe'da gandum manai kota ndia boboa-kaisun-nala.

2RAJA-RAJA 18:15

Hu ndia de, Hizkia haitua la'iesak lilofulak manai Manetualain Uman dale, ma manai uma manek-ka peti pepe'da doin dale, leo Sanherib neu.

1 TAWARIKH 27:24

Yoab fo Zeruya anan-na lke laun-na dede'un-na, tehu ana ta nakababasak-kana fa, nana Manetualain huku hataholi Israel-la, nanahu lelekek ndia. Hu ndia de, sila dede'un-na ta nanasulak nai Manek Dauk-ka susulan dale fa.

1 TAWARIKH 28:1

Manek Dauk-ka paleta fo ela basa mauli-malangan Israel-la lakabubua. Da'di basa maneleo, malangan teidale-bobongik, basa manamanea manek-ka ma anamanen-nala hata-heton boema bana-manun-nala – dede'a keke'un-na, basa uma manek-ka hataholi matua-mademan-nala, malanga solda'du matuaina-la ma hataholi nananita-nalelak-kala, fo basa-basas lakabubua lai Yerusalem.

1 TAWARIKH 29:6

Boema basa malangan teidale-bobongik-kala, mane leo-la, basa malanga solda'du matuaina-la ma basa manaho'u manek-ka hata-heton lala'en-na lafa'da lae sila boeo hii fe tutulu-fafalik.

2TAWARIKH 16:2

Boema Asa ho'i lilopilas ma lilofulak neme Manetualain Uman-na ma uma manek-ka mamana pepe'da hata-heton mai, boema ana haituas leo Damsyik fo leo Benhadad fo manek Siria neu no hala-heheluk-ka nde ia nae,

2TAWARIKH 26:10

Boeo ana napadedeik uma puni madema makota musu-kala lai moo maloa, ma ana kali-na oedolu ba'uk-ka, nanahu bana-manun makadotok nanseli, nau manai lete lepak-kala do manai masadokek manai boboak muli. Hu kande ana tao dalen-na neu tina-osi, de ana pake hataholi manamaue-male'di makadotok, fo ala tao osi angol nai letelepa-kala ma foi-fala dae maoe-maisik-kala.

KELUARAN 1:11

Boema hataholi Masir-rala so'u manamanea, fo lanea leoina Israel-la, fo tao susa so'dan-nala nenik bela-ba'u mabelaina-la. Lakasetis, fo lafofo'a fe manek Masir-ra kota Pitom ma Raamses, fo da'di mamana pepe'da bua-lo'as.