1 TAWARIKH 26:26 - Susula Malalaok Hehelu Palak Ma Hehelu Beuk

²⁶ Selomit no tolano ka'a-fa'din nala hapu bela-ba'uk neu basa tutunu-hohotuk fo Manek Dauk, malanga uma loo la, mauli-malangan teidale-bobongik, ma basa malanga solda'du matuaina la tunu-hotuk kala.

1 TAWARIKH 26:26 ပူးပေါင်းရင်းမြစ်များ

2 SEMUEL 8:11

Mane Dauk-ka, tunu-hotu la'iesak bua palsen sila-la neu Manetualain fo ala paken nai feta makaluku-makatele dale. Ma ana loso neni bua-lo'a lilopilas ma lilofulak neme Hadadezer, ma neme ana sengi leoina Edom, Moab, Amon, Filistin ma Amalek mai, ana tunu-hotu fes neu Manetualain boe.

1 TAWARIKH 18:11

Manek Dauk ka fe basa bua palsen sila-la leo Manetualain neu fo pakes nai feta nakalupu-nakatela. Ana tao leondiak boe neu bua lilopilas ma lilofulak fo ana loso ninin neme Hadadezer ma ana sengi leoinak-kala fo nde: leoina Edom, Moab, Amon, Filistin ma Amalek.

1 TAWARIKH 22:14

La'eneu Manetualain Uman ndia soona, au sanga enok te'e-te'e soaneu hapu lilopilas ton lifun telu natun haa, ma lilofulak ton lifun telu natun haa ma lenak. Fe'ek neme ndia mai, hapu liti ma besi fo ta hapu leke na dede'u nala fa. Ai ma batu boeo, au sadia basan so, tehu o muse popo-tama seluk kasa.

1 TAWARIKH 26:25

Fo bei teidalek esa no Selomit tunga Eliezer fo Gersom tolanon na. Eliezer tititi-nonosin tutu'dan na losa Selomit nde been-na nde ia: Eliezer, Rehabya, Yesaya, Yoram, Zikhri, Selomit.

1 TAWARIKH 26:27

Tutunu-hohotuk sila-la nde been-na buas fo ala losolenik kala seli, fo buas sila-la ala hapus nai natee-natatik dale, de ala fes soaneu nanapake hehelik nai Manetualain Uman dale.

1 TAWARIKH 28:21

Baba'e bela-ba'u makaluku-makatele-a nai Manetualain Uman dale, nananaketu basak nai basa imam-mala ma hataholi Lewi-la dalek so. Manatao-no'i malelak nai esa-esak tatao-nono'in-na dalek, neukose no namahokok ala tulu-fali o, ma basa mauli-malangan sama-sama lo basa laun-nala lala'en-na, neukose ala tunga o paletam-ma.”

1 TAWARIKH 9:14

Hataholi Lewi manaleo nai Yerusalem-ma nde ia: Semaya, fo Hasub anan-na; bei-ba'i kain-nala nde Azrikam ma Hasabya fo neme leo-ingu Merari-a mai Bakbakar, Heres ma Galal Matanya, fo Mikha anan-na; bei-ba'i kain-nala nde Zikhri ma Asaf Obaja, fo Semaya anan-na; bei-ba'i kain-nala nde Galal ma Yedutun Berekhya, fo Asa anan-na, ma Elkana upun-na, ana leo nai kota Netofa.

2TAWARIKH 23:8

Hataholi Lewi-la ma Yehuda laun-nala lakalala'ok Yoyada paletan ndia. Hataholi fo basa ndia bela-ba'un nai fai Sabat-ta, ana ta bole fali ne'u fan. Da'di basa malanga solda'du matuaina-la esa-esak ho'i hataholin, nau hataholi fo basa bela-ba'un so, do hataholi fo besak-ka ana mai nakalala'ok bela-ba'un boe.

2TAWARIKH 31:2

Manek Hizkia napadedeik falik imam-imam ma hataholi Lewi-la esa-esak balaba'un tunga baba'ek makahulun-na. Bela-ba'uk sila-la nde, tunu-hotu tutunu-hohotu nanatunuk ma tutunu-hohotu mole-dame, lalalau-laoono makaluku-makatele nai Manetualain Uman, ma kokoa-kikiok, boema loke makasi neu Manetualain nai mamanak lala'en-na nai Manetualain Uman dale.

NEHEMIA 12:45

nanahu sila nde tao feta tao balisi aok-ka, ma feta-feta fe'ek fo Manetualain paleta basan so. Basa manamakaminak sasanu-la ma manamanea Manetualain Uman-na lelesuinan-na boeo, lakalala'ok sila bela-ba'un, nandaa no Mane Dauk-ka ma anamanen Salomo paletan-na.