1 TAWARIKH 25:3 - Susula Malalaok Hehelu Palak Ma Hehelu Beuk

³ Yedutun anatoun nee, fo nde: Gedalya, Zeri, Yesaya, Simei, Hasabya ma Matica. Sila mauli-malangan nde sila aman, fo landuku-lalosak hala-heheluk neme Manetualain mai nenik musik kecapi, ma lakamee nakamee kokoa-kikiok boema loke makasi neu Manetualain.

1 TAWARIKH 25:3 ပူးပေါင်းရင်းမြစ်များ

1 TAWARIKH 25:2

Asaf anatoun haa, fo nde: Zakur, Yusuf, Netanya ma Asarela. Sila mauli-malangan nde Asaf, fo nanduku-nalosak hala heheluk neme Manetualain mai, metema manek-ka nadenun.

1 TAWARIKH 25:4

Heman anatoun sanahulu haa fo nde: Bukia, Matanya, Uziel, Sebuel, Yerimot, Hananya, Hanani, Eliata, Gidalti, Romamti-Ezer, Yosbekasa, Maloti, Hotir ma Mahaziot.

MAZMUR 92:1

Nakameek soaneu fai Sabat-ta.

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”

SEMUEL SUSULAK-KA ESAN-NA 10:5

Basa ndia soona, o muse muu leo Manetualain pupukun-na nai Gibea, fo hataholi Filistin-nala mamana ofun-na. Nai lelesu masok leo kota dale neu, neukose o matongo moo nabi bubuak esa, kona leme pupukuk tutunu-hohotuk lain mai. Ala foti-longe ma ala eki beekao, lakaminak gambus, rebana, seruling ma kecapi.