1 TAWARIKH 24:19 - Susula Malalaok Hehelu Palak Ma Hehelu Beuk

¹⁹ Hataholi sila-la na'den nala nanasulak tunga sila fain fo masok leo Manetualain Uman neu fo ala tao makaluku-makatele fo sila bei-ba'in kain Harun naketu basan nandaa no Israel Manetualain paletan na.

1 TAWARIKH 24:19 ပူးပေါင်းရင်းမြစ်များ

1 TAWARIKH 24:1

Harun anatoun haa, fo nde: Nadab, Abihu, Eleazar ma Ipopo-tamar. Nadab ma Abihu mate lakahuluk leme sila aman mai, te ana taa kala. Hu ndia de, sila tolanon Eleazar ma Ipopo-tamar da'di imam. Dauk ba'e Harun tititi-nonosin neu bubua-bubuak kala tunga sila bela-ba'un. Nai bubuak sila-la tatao-nono'in nala dalek, Zadok fo Eleazar tititi-nonosin ma Abimelekh fo Ipopo-tamar tititi-nonosin na, tulu-fali Dauk.

1 TAWARIKH 24:20

Fe'ek neme ndia mai, nai Lewi tititi-nonosin na dalek bei hapu malanga uma loo la nde ia: Yehdeya, fo Amram tititi-nonosin, neme Subael tititi-nonosin tutu'da na mai; Yisia, fo Rehabya tititi-nonosin; Yahat, fo Yizhar tititi-nonosin neme Selomot tititi-nonosin tutu'da na mai; Yeria, Amarya, Yehaziel ma Yekameam fo Hebron anan nala tunga teu bobongin nala. Samir, fo Uziel tititi-nonosin neme Mikha tititi-nonosin tutu'da na; Zakharia, fo Uziel tititi-nonosin neme Yisia fo Mikha tolanon na tititi-nonosin tutu'dan na mai; Mahli, Musi ma Yaazia, fo Merari tititi-nonosin.

1 TAWARIKH 6:34

Elkana, Yeroham, Eliel, Toah,

1 TAWARIKH 9:25

Sila tolanoo ka'a-fa'din manaleo nai nggolo-nggolok-kala, ala tulu-falis langganggatiaok – la'i esa nai mamasok esa dalen-na.

2TAWARIKH 23:4

Dede'ak ia nde ita muse taon-nana; Metema basa imam-mala ma hataholi Lewi-la lakalala'ok basa sila bela-ba'un nai fai Sabat-ta soona, ala ta bole fali fa. Sila baba'ek esa neme baba'ek telu mai, muse lanea nai Manetualain Uman-na lelesuina-nala,

2TAWARIKH 23:8

Hataholi Lewi-la ma Yehuda laun-nala lakalala'ok Yoyada paletan ndia. Hataholi fo basa ndia bela-ba'un nai fai Sabat-ta, ana ta bole fali ne'u fan. Da'di basa malanga solda'du matuaina-la esa-esak ho'i hataholin, nau hataholi fo basa bela-ba'un so, do hataholi fo besak-ka ana mai nakalala'ok bela-ba'un boe.

LUKAS 1:8

Faik esa fo nai lelek Abia nakabua na hapu baba'ek soaneu lalalau-laoono boema, Zakharia nakalala'ok bela ba'un da'dileo imam nai Manetualain matan.

1 KORINTUS 14:40

Tehu basa sila la muse taon no malole na, ma nanaito-atok.

IBRANI 7:11

No Lewi ima mala hehela-nonolen, de agama Yahudi a hoholo-lalanen nanafek neu hataholi Israe la. Nana Lewi imam-imam makahulu nala, ta hapu tao-no'i no matetuk, hata fo muse ana tao-no'i nana, de muse hapu imam fe'ek fo nde sama leo Imam Melkisede ka, fo ta neme Imam Haru ma mai so'on.