1 TAWARIKH 23:6 - Susula Malalaok Hehelu Palak Ma Hehelu Beuk

⁶ Dauk baba'e hataholi Lewi sila-la nai bubuak telu dalek tunga sila teidale-bobongin, fo nde: teidale-bobongik Gerson, Kehat ma Merari.

1 TAWARIKH 23:6 ပူးပေါင်းရင်းမြစ်များ

1 TAWARIKH 23:7

Gerson anatoun dua, fo nde: Ladan ma Simei.

1 TAWARIKH 24:1

Harun anatoun haa, fo nde: Nadab, Abihu, Eleazar ma Ipopo-tamar. Nadab ma Abihu mate lakahuluk leme sila aman mai, te ana taa kala. Hu ndia de, sila tolanon Eleazar ma Ipopo-tamar da'di imam. Dauk ba'e Harun tititi-nonosin neu bubua-bubuak kala tunga sila bela-ba'un. Nai bubuak sila-la tatao-nono'in nala dalek, Zadok fo Eleazar tititi-nonosin ma Abimelekh fo Ipopo-tamar tititi-nonosin na, tulu-fali Dauk.

1 TAWARIKH 26:1

Baba'e bela-ba'uk soaneu hataholi Lewi fo manamanea Manetualain Uman na. Neme teidale-bobongik Korah, latu'du Meselemya fo Kore neme teidalek Ebyasaf, anan-na.

1 TAWARIKH 28:13

Boeo ana fen gambar la'eneu ba'e imam-mala ma hataholi Lewi-la tao leo beek, la'eneu bela-ba'uk fo sila muse taon, fo nde sila tatao-nono'in nai Manetualain Uman ma mete-lakanae makaluku-makatele bua-lo'an-nala.

1 TAWARIKH 6:1

Lewi anatoun 3, fo nde: Gerson, Kehat ma Merari.

1 TAWARIKH 6:16

Lewi anatoun 3, fo nde: Gerson, Kehat ma Merari.

2TAWARIKH 23:18

Boema Yoyada fe imam-ma ma hataholi Lewi-la bela-ba'uk soaneu ito-ato tatao-nono'ik manai Manetualain Uman tunga baba'ek fo Manek Dauk-ka naketu basan so. Sila muse fe tutunu-hohotu nanatunuk neu Manetualain – nandaa no Musa hoholo-lalanen – nenik feta ma nakameek sama leo Dauk ito-ato basak-ka.

2TAWARIKH 29:25

Nandaa no natutu'du-natutu'duk fo Manetualain fen neu Dauk tunga Nabi Gad, fo naue-nale'di fe manek-ka, ma tunga Nabi Natan-na, de manek-ka pe'da hataholi Lewi-la nai Manetualain Uman, fo lakamina kecapi ma gambus,

2TAWARIKH 31:2

Manek Hizkia napadedeik falik imam-imam ma hataholi Lewi-la esa-esak balaba'un tunga baba'ek makahulun-na. Bela-ba'uk sila-la nde, tunu-hotu tutunu-hohotu nanatunuk ma tutunu-hohotu mole-dame, lalalau-laoono makaluku-makatele nai Manetualain Uman, ma kokoa-kikiok, boema loke makasi neu Manetualain nai mamanak lala'en-na nai Manetualain Uman dale.

2TAWARIKH 35:10

Basa hata lala'en-na nanasadia basak soaneu feta Paskah boema, imam-mala ma kelompok hataholi Lewi-la esa-esak ho'i mamanak sama leo manek-ka paletan-na.

2TAWARIKH 35:4

Maheheleaom nai Manetualain Uman tunga emi kelompok-ka, nandaa no baba'e bela-ba'uk fo nananaketu basak soaneu emi neme Manek Dauk-ka ma amamanen Manek Salomo mai.

2TAWARIKH 8:14

Salomo ito-ato tatao-nono'i tunga-tunga faik soaneu basa imam-mala ma soaneu hataholi Lewi fo muse lakamee nakameek soaneu Manetualain-na ma ala tulu-fali basa imam-mala nai lakalala'ok feta makaluku-makatele-la dalek, nanadaa no aman Dauk nakaneneten-nala. Boeo basa manamanea Manetualain Uman-na, ana ba'en neu bubua-buak-kala soaneu lelesuina-la esa-esak nandaa no Manetualain atan Dauk natutu'dun-na.

EZRA 6:18

Basa boema, soaneu lau-onok nai Manetualain Uman dale-a, ala baba'e imam-mala, boema hataholi Lewi-la, tunga nakanenetek fo nanasulak nai Musa susulan dale.

BILANGAN 3:17

Lewi anatoun telu: fo nde Gerson, Kehat ma Merari. Teidale-bobongin-nala bei-ba'i kain nde sila, de loke na'den-nala tunga bei-ba'i kain-nala na'den-na. Gerson anatoun dua: fo nde Libni ma Simei. Kehat anatoun haa: fo nde Amram, Yizhar, Hebron ma Uziel. Merari anatoun dua: fo nde Mahli ma Musi. Teidale-bobongin-nala bei-ba'i kain nde sila, de loke na'den-nala tunga bei-ba'i kain-nala na'den-na.

BILANGAN 3:3

Sila nanandoo eik da'di imam nenik ala po'a mina neu langan lain.

BILANGAN 4:4

Sila tatao-nono'in nde, ito-ato bua-lo'as malalao-malalafuk nanseli-la.