1 TAWARIKH 23:29 - Susula Malalaok Hehelu Palak Ma Hehelu Beuk

²⁹ Sila boeo lu'a-lepa ito-atok kala nde ia: loti fo nanafek neu Manetualain, ha'desopuk fo nanapakek soaneu fen neu Manetualain, koki ni'ianak fo taon ta pake laluteik fa, tutunu-hohotuk nanadalak, ha'desopuk fo nanasese'dok no mina setun. Sila boeo muse tai ma uku tutunu-hohotuk fo lenin leo Manetualain Uman neu.

1 TAWARIKH 23:29 ပူးပေါင်းရင်းမြစ်များ

1RAJA-RAJA 7:48

Mane Salomo boeo nadenu tao lamadai bua-lo'a fe'ek neme lilopilas sa mai soaneu Manetualain Uman-na. Bua-lo'a nanatao namadai kala nde ia: Mei tutunu-hohotuk Mei soaneu loti fo ala fen neu Manetualain Banu eik sanahulu fo ala taon nai Kama Malalao-malalafu ka matan-na, fo lima lai boboan kona ma lima lai boboan kii Bunga la Banu kala Sepit-sepit Mangotee Buas soaneu taonisa banu ka Mango la Pingak soaneu boomenik Pingak soaneu ha'ikaa bei manapilak Hensel-hensel soaneu lelesu Kama Malalao-malalafu ka ma lelesu manai Manetualain Uman-na deak.

1 TAWARIKH 23:28

Ala muse tulu-fali imam-imam fo Harun tititi-nonosin nai lakalala'ok feta makaluku-makatele dalek nai Manetualain Uman, mete-lakanae Manetualain uma so'dan nala ma kama-kama manai Manetualain Uman, boema lanea fo ela basa hata lala'en fo nanafe hehelik soaneu Manetualain na, boso da'di langgenggeo.

1 TAWARIKH 23:30

Fe'ek neme ndia mai, sila muse lakamee soaneu koa-kio Manetualain tunga-tunga fafain-na ma le'odaen na;

2TAWARIKH 13:11

Tunga-tunga fafai le'donoson ala tunu boomenik ma ala fe tutunu-hohotu nanatunuk soaneu Manetualain boema ala sadia loti tunu-hotuk Tunga-tunga le'odaen-na ala de'de banuk-kala nai banueik lilopilas-sa. Ami tunga mahele Manetualain paletan-nala, tehu emi la'oelan so.

2TAWARIKH 29:18

Boema hataholi Lewi sila-la leni fe Manek Hizkia halak lae, “Ami tao malalao-malalafu basa Manetualain Uman-na lala'en-na so, ma mei tunu-hotu nanatunuk-ka boe, mei soaneu pe'da loti nanasadia-ka, ma basa bua-lo'an-nala.

NEHEMIA 10:33

Neukose ami sadia makaluku-makatelek-ka paluun-na nai Manetualain Uman, fo nde: loti nana'ak, tutunu-hohotu gandum mandofai-a, bana soaneu tutunu-hohotu nanatunuk mandofai-a, tunu-hotu malalao-malalafu fe'ek, tutunu-hohotuk do'o do ampon soaneu Israel, ma basa su'di beek fo paluun soaneu Manetualain Uman-na.

KELUARAN 25:30

Muse pe'da mei ndia neu Peti Hehelu-balataak-ka matan-na, ma muse sadia loti tunu-hotuk tataasesa nai mei ndia lain.”

IMAMAT 7:9

Tutunu-hohotu nanatunuk fo tunun nai mamana tutunuk dale, do nasun nai uledae dale, do nanadalak-ka, imam manatunu-hotuk-ka baba'en ndia.

BILANGAN 3:50

Ana ho'i-na doi fulak 1.365

MATEOS 12:4

Dauk masok leo Manetualain Uman dale neu, boema na'a loti fo nanafe basak neu Manetualai na. Te se'kona tunga ita agama na hoholo-lalanen soona, nau Dauk do hataholi nala boeo, ta bole la'a loti ndia fa. Te ka'da imam ala, nde la'a loti ndia dei.

IBRANI 9:2

Lapadedeik uma lopo esa nai uma mamaso ka mata na, de ala foin na'de Kama Malalaok. Nai ndia hapu mamanak soaneu pe'da banu ka ma mei no loti fo ala fen neu Manetualai na boe, nai Kama Malalaok ndia dalek.