1 TAWARIKH 23:28 - Susula Malalaok Hehelu Palak Ma Hehelu Beuk

²⁸ Ala muse tulu-fali imam-imam fo Harun tititi-nonosin nai lakalala'ok feta makaluku-makatele dalek nai Manetualain Uman, mete-lakanae Manetualain uma so'dan nala ma kama-kama manai Manetualain Uman, boema lanea fo ela basa hata lala'en fo nanafe hehelik soaneu Manetualain na, boso da'di langgenggeo.

1 TAWARIKH 23:28 ပူးပေါင်းရင်းမြစ်များ

1RAJA-RAJA 6:5

Nai uma ndia buin-na, fo nai papala nanadamak manai deak-ka, ala taok-kama ta'da-ta'da kala okofefeo lan. Hapu ta'dak telu, fo esa soona, dedema na metel dua senti dua.

1 TAWARIKH 23:27

Tunga Dauk paleta mate'en nala, de basa hataholi Lewi la, metema teun duahulu soona, muse nanasulak soaneu ana hapu bela-ba'uk.

1 TAWARIKH 23:29

Sila boeo lu'a-lepa ito-atok kala nde ia: loti fo nanafek neu Manetualain, ha'desopuk fo nanapakek soaneu fen neu Manetualain, koki ni'ianak fo taon ta pake laluteik fa, tutunu-hohotuk nanadalak, ha'desopuk fo nanasese'dok no mina setun. Sila boeo muse tai ma uku tutunu-hohotuk fo lenin leo Manetualain Uman neu.

1 TAWARIKH 23:4

Boema neme hataholi sila-la, ana fe hataholi lifun duahulu haa ho'u tatao-nono'ik manai Manetualain Uman na, hataholi lifun nee soaneu ito-ato susulak kalua masok ma manamaketu-mala'di dede'ak kala,

1 TAWARIKH 28:13

Boeo ana fen gambar la'eneu ba'e imam-mala ma hataholi Lewi-la tao leo beek, la'eneu bela-ba'uk fo sila muse taon, fo nde sila tatao-nono'in nai Manetualain Uman ma mete-lakanae makaluku-makatele bua-lo'an-nala.

2TAWARIKH 23:4

Dede'ak ia nde ita muse taon-nana; Metema basa imam-mala ma hataholi Lewi-la lakalala'ok basa sila bela-ba'un nai fai Sabat-ta soona, ala ta bole fali fa. Sila baba'ek esa neme baba'ek telu mai, muse lanea nai Manetualain Uman-na lelesuina-nala,

2TAWARIKH 23:6

Hataholi esa boen ta bole masok leo Manetualain Uman neu fa, tadafe'e basa imam-mala ma hataholi Lewi fo manalakalala'ok bela-ba'un. Sila bole masok nana sila nanahele hehelik soaneu Manetualain so. Hataholi fe'ek-kala muse tunga Manetualain nakaneneten-na, de lahele leme deak.

2TAWARIKH 29:15

Basa boema laloo lakabubua hataholi Lewi fe'ek-kala fo sila-basa-basas tao lalalao-lalalafu aoina-nala. Basa ndia soona, nandaa no manek-ka paletan-na, de basa imam-mala masok leo Manetualain Uman dale leu de ala tao lalalao-lalalafu aoinan-nala tunga Manetualain hoholo-lalanen. Basa hata manggenggeok-kala ala kalua henis de lenis leo Manetualain Uman-na so'dan-na neu. Hataholi Lewi-la lenis leme ndia leo Bafak Kidron-na neu fo nai kota deak.

2TAWARIKH 29:5

de ana kokolak nos. Ana kokolak nae, “Emi, fo hataholi Lewi-la, muse tao malalao-malalafu aoina-mala soaneu Manetualain, ma tao malalao-malalafu emi bei-ba'i kaim Manetualain Uman-na. Basa hata fo manatao nanggenggeo uma ndia, muse tao heok-kasa.

2TAWARIKH 31:11

No manek-ka paletan-na, de ami tao mama pepe'da nana'a-nininuk nai Manetualain Uman-na boboa-kaisun,

2TAWARIKH 31:2

Manek Hizkia napadedeik falik imam-imam ma hataholi Lewi-la esa-esak balaba'un tunga baba'ek makahulun-na. Bela-ba'uk sila-la nde, tunu-hotu tutunu-hohotu nanatunuk ma tutunu-hohotu mole-dame, lalalau-laoono makaluku-makatele nai Manetualain Uman, ma kokoa-kikiok, boema loke makasi neu Manetualain nai mamanak lala'en-na nai Manetualain Uman dale.

EZRA 8:29

Manea matalolole bua-lo'as sila-la, losa emi basa-basam-mala losa Manetualain Uman. Metema emi losa naa soona, emi basa-basam-mala muse tai bua-lo'as sila-la, fo fen leo imam mala malangan-na ma hataholi Lewi-la mauli-malangan-nala, boema hataholi Israel-la mauli-malangan manai Yerusalem-ma.”

NEHEMIA 11:24

Petahya fo Mesezabeel neme leo-ingu Zera ma leo Yehuda anan-na, ana da'di leoina Israel manai uma manek Persia, lima boa konan-na.

NEHEMIA 13:9

Basa boema au adenu fo ela tao feta tao balisi kama sila. Basa ndia boema, au pe'da falik basa tunu-hotu gandum lala'en-na ma boomenik boema Manetualain Uman-na bua-lo'an leo ndia neu.

YEREMIA 35:4

Au os lo Manetualain Uman fo Yigdalya anan Nabi Hanan-na ana manatungan-nala kaman-na. Kama ndia, nai Salum anan Imam Maaseya kaman-na lain fo dekak no manaho'u paleta fe'ek-kala kaman-na. Maaseya nde been-na manana'a ngga'di madema ina fo manea lelesu-lelesu manai Manetualain Uman-na.

YESKIAL 40:17

Basa boema, touk ndia noo au tunga lelesuina, leo Manetualain Uman-na, so'dan manai deak-ka neu. Nai papala nanadamak-ka boboan deak, fo manaokofefeon-na Manetualain Uman ndia, ala tao kama teluhulu lai ndia. Hapu uma late batu, nai kama sila-la uluk,

YESKIAL 41:26

Jendela-la lai papala manai boboan duas, ma papalan-nala, nanabalias nenik dodoki-dudulak ai palem.

YESKIAL 42:13

Touk ndia, nafa'da au nae, “Uma ka duak sila-la, uma malalao-malalafuk. Imam-mala bole lasasalematak loo Manetualain nai ndia, fo la'a tutunu-hohotu malalao-malalafuk-kala, fonde tutunu-hohotu gandum, tutunu-hohotuk fo, sala-singok hapu do'o do ampon, do tutunu-hohotu bae hutak.

YESKIAL 42:3

Uma ndia, boboan esa nasale leo, uma fo loan-na, metel sanahulu ndia neu, ma boboan esa, nasale leo uma late batu neu, fo nai uma so'dan manai deak-ka. Uma ndia ta'dak telu; fo ta'dan-nala, ta lakatetepak loo ta'dak manai dae-la fa.

YESKIAL 44:14

Besak ia, Au fes bela-ba'uk, fo ala tao tatao-nono'i belak fo, palu nanatao-no'ik nai Au Umang-nga.”