1 TAWARIKH 23:26 - Susula Malalaok Hehelu Palak Ma Hehelu Beuk

²⁶ Hu ndia de, Manetualain Lalaa Temak na ma basa buas fo nanapakek soaneu makaluku-makatele a, ta paluu hataholi Lewi la ndolo seluk kana fa.”

1 TAWARIKH 23:26 ပူးပေါင်းရင်းမြစ်များ

1 TAWARIKH 23:27

Tunga Dauk paleta mate'en nala, de basa hataholi Lewi la, metema teun duahulu soona, muse nanasulak soaneu ana hapu bela-ba'uk.

2TAWARIKH 35:3

Hataholi Lewi fo nanahele hehelik soaneu Manetualain, ma manada'di Israel mesen-nala hapu paleta nde ia neme Yosia mai nae, “Tao Manetualain Peti Hehelu-balataan malalao-malalafun ndia leo Dauk amamanen Manek Salomo napadedeik-na Manetualain Uman dale neu. Emi ta bole laliheok-kana so'on. Malalau-maoono emi Manetualain ma leoina Israel-la fo Anan-nala.

BILANGAN 4:15

Manetualain nafa'da Musa no Harun nae, “Nai lelek emi ofe heni mamana ofu-a soona, Harun no anan-nala muse leu leo Au Lalaa Temang dale leu, fo ala poti ketu basa bua-lo'as ma hata-heto manai sila-la. Basa ndia soona, besak-ka hataholi Kehat-tala bole mai fo ala ndolon leona. Tehu, ala ta bole mete do deka, do ko'i la'e hata-heto sila-la fa, nanahu nanafe hehelik basa neu Au so. Metema ala la'o lenan soona, neukose mates. Da'di, fo ela hataholi Kehat sila-la na'den-nala boso nanalose henik neme leo Lewi-a dalek mai, Harun no anan-nala muse fe sila esa-esak bela-ba'u beek fo muse lenin. Hataholi Kehat-tala bela-ba'un nde ndia, nai lelek lali heok Au Lalaa Temang-nga. Eleazar fo Harun anan-na, muse mete-nakanae Au Lalaa Temang-nga lala'en-na, banuk-kala minan-na, boomenik-ka, tutunu-hohotu gandum soaneu nana'ak fo nanasadia nahelek-ka, mina feta, ma basa hata manai Au Lalaa Temang ndia dalek.”

BILANGAN 4:49

No Manetualain paletan-na tunga Musa, de basa hataholi-la esa-esak nanasulak, ma esa-esak hapu bela-ba'uk soaneu hata fo muse nalalau-naoonon, do hata fo muse ana lu'a lepa.

BILANGAN 4:5

Manetualain fe Musa, paleta nde ia nae, Metema fain-na losa, fo ofe heni mamana ofu-la soona. Harun no anan-nala muse leu leo Manetualain Lalaa Teman dale leu, fo lakona heni tema lelesu manai Peti Hehelu-balataak-ka uluk, fo poti ketu Peti ndia nenik tema lelesu ndia.

BILANGAN 7:9

Tehu, Musa ta fe hataholi Kehat-tala gelobak do sapi fa, nana ala muse lu'a bua-lo'as malalao-malalafuk, fo ala mete-lakanaes-sala.

ULANGAN 10:8

Nai lelek bei leme letek-ka ndia, Manetualain hele hehelik hataholi Lewi-la, fo ala ito-ato Peti Hehelu-balataak-ka, ma lalalau-laoono Manetualain, boema ala kokolak baba'e-papalak nenik Manetualain na'den-na. Sila bela-ba'un nde ndia, losa besak ia.